• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Մայիսի 31-ին Երեւանում՝ Կարեն Դեմիրճյանի անվան մարզահամերգային համալիրում, առաջին անգամ կկայանա հնդկա-հայկական մեծ համերգային ծրագիր՝ հնդիկ եւ հայ աստղերի մասնակցությամբ: Երեկոյի ընթացքում ելույթ կունենան «Մերժվածը», «Թռիչք» եւ այլ հնդկական սերիալներից հայտնի աստղեր Ռաշամի Դեսաին, Թինա Դատան, Սպանդան Չատուրվերդին, Գաուրավ Չոպրան, Վիջաենդրա Կումերիան, Մրունալ Ջային, որոնք հանդես կգան հայ արտիստների՝ Միհրան Ծառուկյանի, Էրիկի, Արսեն Սաֆարյանի, Գոռ Հակոբյանի, Ալլա Լեւոնյանի, Ռաֆայել Երանոսյանի եւ Վարդան Սարգսյանի հետ: Եվ սա բնավ էլ ապրիլմեկյան կատակ չէ, այլ համերգային մեծ հրավառություն, որի ականատեսը կլինեք մայիսի վերջին: Ի դեպ, Վարդանը նաեւ շոու-ծրագրի կազմակերպիչներից է. նա NEWS.am STYLE-ին պատմել է համերգի առաջին մանրամասների մասին:

Երգիչ-հաղորդավարը նշում է՝ հեշտ չի եղել հնդիկ աստղերի մասնակցությունը ապահովելը, քանի որ նրանք բոլորն էլ Հնդկաստանում զբաղված են նկարահումներով, սակայն կազմակերպիչներին, այնուամենայնիվ, հաջողվել է նրանց հետ համաձայնություն կնքել.

«Առհասարակ, հեշտ չէր, բայց քանի որ նրանք գիտեն, որ այստեղ շատ երկրպագուներ ունեն, որոնք դիտում են իրենց մասնակցությամբ հեռուստասերիալները, շատերը, որոնք այդ օրերին ավելի ազատ գրաֆիկ ունեին, համաձայնեցին գալ: Հոնորարների մասին, իհարկե, բարձրաձայնել չեմ կարող, բայց ամեն դեպքում՝ մատչելի հաճույք չէր: Նրանք շատ զբաղված արտիստներ են, որոնք ամեն օր նկարահանումների մեջ են»:

Վարդանը վստահեցնում է՝ երեկոյին իրենց մասնակցությունը կունենան նշված բոլոր արտիստները, ավելին՝ կլինեն նաեւ այլ երգիչներ եւ դերասաններ, որոնց մասին ավելի ուշ կտեղեկացնեն.

«Հայ արտիստներից եւս կան շաստերը, որոնք դեռ պաստառին չկան, բայց շուտով կլինի նոր տարբերակը: Հիմա այդ ամենը պատրաստման փուլում է, ուղղակի մենք արդեն տեղադրել ենք, որպեսզի մարդիկ արդեն տեղեկանան, որ մայիսի վերջին նման շքեղ հնդկա-հայկական երեկո է սպասվում: Երեկոն շատ հետաքրքիր է լինելու, մեր սիրված արտիստները երգելու են հնդկական մեգահիթեր, նրանց միանալու են հնդիկ դերասանները, այդ ամենը զուգակցվելու է գեղեցիկ պարերով ու հնդկական տրամադրությամբ, լավ երաժշտությամբ, մի խոսքով՝ տոնական, թեթեւ ու գեղեցիկ երեկո է սպասվում: Հնդիկ դերասանները չեն երգելու, չնայած՝ մի քանիսը պատրաստ են դրան, բայց պարային համարներ անպայման կլինեն, որոնց բոլորը մասնակցություն կունենան: Այսինքն՝ յուրաքանչուրին կտեսնեք որեւէ համարում: Մի քանի օրից արդեն կբացահայտենք, թե ով է համերգային ծրագրի բեմադրիչը: Մի խոսքով՝ կլինի բավականին հետաքրքիր եւ իր ոճի մեջ առաջին նման երեկոն Երեւանում»:

Հնդիկ դերասանները Երեւանում կլինեն երեք օր. կժամանեն համերգի նախորդ օրը:

«Ճիշտն ասած՝ դեռ չենք գծագրել, թե ինչ են անելու այստեղ մնալու երեք օրերի ընթացքում: Առաջին օրը բնականաբար զբաղված կլինեն փորձերով, երկրորդ օրն արդեն կպատրաստվենք համերգին, իսկ մեկնելուց առաջ կփորձենք ծանոթացնել քաղաքին»,-նշեց Վարդանը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում