ՇոկTok. «Տղաների կողմից բացասական էր ընդունվում, որ ասում էի «привет пупсики»». Էվելինա Խանոյան

ՇոկTok. «Հայկական տիկտոկում վատ կոնտենտն ավելի շատ է, քան` լավը». Անդրանիկ

ՇոկTok. «Բոլորը մտածում էին, թե հղի եմ». Օվսաննա Խաչատրյան

«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

«Սա մի սիրո պատմություն է». Արամեի «Շատ սիրունա» տեսահոլովակի backstage-ը

Ու՞մ բաժին կհասնի տունը. Սամսոնի՞ն, թե՞ Շավոյին. «Բլբուլյանները 2»-ի նկարահանումները կադրից դուրս

#ՇոկTOK․ Աշայվին՝ Սիրուշոյի հետ հանդիպելու ցանկության, տիկին Գրետայի հետ կոնֆլիկտի մասին եւ ոչ միայն

Ինչպես են ընթանում «Պոլլի» գեղարվեստական ֆիլմի նկարահանումները

H2Օ Emotional Exposition. Kivera Naynomis բրենդի ցուցադրությունը

TWINZ. 21 գրամ հոգու համար

17:15, 30 ապրիլի

«Խոստովանեք, բարեկամներ։ Դուք նրանցից եք, ովքեր երկար ժամանակ «լռվում» են օդանավակայանների վահանակների առջեւ արեւային ակնոցներո՞վ։ Ես՝ հաստատ։ Ինչ ասես կա այդտեղ, բայց արդյո՞ք կան փայտե ակնոցներ։ Չեմ հիշում։ Իսկ ահա մեզ մոտ կան։ Իհարկե, հայկական TWINZ EYEWEAR բրենդի մասին ես լսել էի, անգամ փորձել։ Բայց ցանկանում եմ ավելին՝ ինչո՞ւ են դրանք այդքան եզակի, ի՞նչ մոդելներ ունեն, որտե՞ղ եւ որքանո՞վ կարելի է գնել, եւ առհասարակ՝ ովքե՞ր են նրանք՝ TWINZ-ի տղաները։

«Մենք կրեատիվ տղաներ ենք, որոնք սկսել են տանը»,- այսպես սկսեց մեր խոսակցությունը Բաբկեն Խաչատրյանը՝ բրենդի հիմնադիրը, որի հետ խոսել ենք երեկ AGBU-ում, նոր հավաքածուի շնորհանդեսի ժամանակ։

Ես դիզայներ ընկերոջս հետ սկսեցի այս նախագիծը, իսկ հետո մեզ միացավ եղբայրս՝ Դավիթը, եւ սկսեց ձեռքով ակնոցներ պատրաստել։ Եվ սա այնպիսի խանդավառություն առաջացրեց, այնպիսի եռանդ հաղորդեց, որ մենք որոշեցինք շարունակել սկսածը, չնայած ծախսերին, չնայած այն բանին, որ բիզնես անել՝ լուրջ եկամուտ չստանալով՝ 4 տարի, հեշտ չէր։ Հետո մեզ հարեցին էլի տղաներ, էլի ու էլի... Հիմա մենք մի ամբողջ թիմ ենք։ Մենք այնպիսի որակի ենք հասել, որ պատրաստ ենք եւ ցանկանում ենք մեր ակնոցները դուրս բերել միջազգային շուկա։ Բայց սկզբում, փայտի համանմանությամբ, որից պատրաստվում են մեր ակնոցները, մենք ցանկանում ենք «արմատներ գցել» մեր Հայրենիքում։

Բաբկեն, պատմեք, թե ինչով են եզակի ձեր ակնոցները։ Ի՞նչ փայտից եք պատրաստում ձեր ակնոցները, հայկական փայտատեսակի՞ց։

Ոչ։ Փայտանյութը պատվիրում ենք Իտալիայում, բայց միանգամայն տարբեր փայտանյութեր են։ Ե՛վ աֆրիկյան էբենոսի փայտ կա, ե՛ւ էվկալիպտ, ընդ որում՝ տարբեր գույների... Այդ գույները ստանում են Իտալիայում, եւ դրանք ուղղակի գժոտ են, կներեք արտահայտությանս համար։ Կան փայտեր Չինաստանից։ Մենք օգտագործում ենք միայն թանկ, որակյալ փայտանյութ։

Շրջանակը 8 շերտ ունի։ Այստեղ նաեւ ապակե հյուսվածք կա եւ կարբոն, որպեսզի ապահովվի ճկունությունն ու ամրությունը։ Ակնոցները խոնավությունից եւ արեւից չեն վախենում։ Էկոլոգիապես անվտանգ են աչքերի եւ մաշկի համար։ Ապակիները գերմանական են՝ Zeiss ֆիրմայի։ Կան ապակիներ, որոնք պաշտպանում են համակարգիչներից, ինչը ակտուալ է 21-րդ դարում։

Ես փորձել եմ համարյա բոլոր ակնոցները։ Ձեռքդ ես վերցնում եւ անմիջապես զգում որակը։ Դրանք ոչ միայն գեղեցիկ են, այլեւ շատ թեթեւ ու հարմար։

Միջինը՝ 21 գրամ (ըստ իս՝ խորհրդանշական է՝ խմբ.)։ Եվ մենք ցայժմ դրանք պատրաստում ենք ձեռքով։ Ամեն մի ակնոց մեզ համար երեխայի պես բան է, կներեք նման համեմատության համար։

Ի՞նչ հաճախականությամբ եք նոր ակնոցներ թողարկում։

«Գարուն-ամառ», «աշուն-ձմեռ» հավաքածուի ակնոցներ ենք արտադրում։ Հին հավաքածուները չենք վերարտադրում՝ կենտրոնանալով նոր մոդելների վրա։ Մենք արդեն 30-40 մոդել ունենք, եւ յուրաքանչյուր մոդել հատուկ փայտանյութից է, յուրաքանչյուր մոդել նոր գույն է։ Ամեն մեկն իր անունն ունի։

Իսկ որտեղ՞ կարելի է գնել դրանք։

Մենք ներկայացվել ենք 5concept-ում, Mannhoff-ում։ Պատվերով ենք պատրաստում։ Հիանալի կայք ունենք առցանց խանութով։ Շուտով կայքում ի հայտ կգա այսօրվա հավաքածուն։ Կան պատվերներ արտասահմանից։ Արտահանման համար պետք է լուրջ արտադրություն, եւ մենք ձգտում ենք դրան։ Իսկ այն ստեղծել մտադիր ենք Գյումրիում, ծնունդով գյումրեցի ենք։

Մեզ համար սկզբունքորեն կարեւոր է, որպեսզի տանք այն, ինչ վերցրել ենք։ Մենք եսասեր չենք։ Մենք ցանկանում ենք ինչ-որ բան անել մեր Հայրենիքի համար։ Քանի որ մեր ակնոցները փայտից են, ապա որոշել ենք բնությանը վերադարձնել մեր վերցրածն ու 104 ծառ տնկել Հայաստանում։ 104 տարի է անցել 1915-ից... 10 ծառ կտնկենք Խաչքարերի այգում, 10-ը՝ Մաշտոցի այգում, մնացած 84-ը՝ հայրենի Գյումրիում։

Իմ կողմից ավելացնեմ, որ շնորհանդեսի կոնցեպտը «էկոլոգիական» էր։ Հովանավորներից մեկը Tree Project Armenia նախագիծն էր, որի շնորհիվ Հայաստանում արդեն տնկվել է մոտ 5 մլն ծառ։ Ամենուրեք կենդանի ծառեր են, թփեր, վարդեր... Մթնոլորտը, ինչպես ասում են, «առանց պաթոսի» էր, բարեկամական, եւ Aratta Band-ի երաժշտական ուղեկցությամբ։

Նատա Բրետել, հատուկ NEWS.am STYLE-ի համար


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության