Երեւանի ամենակոլորիտային անկյունը` Կոնդն, այսօր վերածվել է հուզիչ ժամադրավայրի` Սիրուշոյի եւ նրա երկրպագուների համար: Երգչուհու ինստագրամյան գրառումը երեկ մեծ իրարանցում առաջացրեց նրա երկրպագուների շրջանում: Սիրուշոն, ոչ ավել, ոչ պակաս, որոշել էր ոչ միայն իրականացնել երկրպագուների` իր հետ հանդիպելու երազանքը, այլեւ նրանց մասնակիցը դարձնելու իր նոր տեսահոլովակի նկարահնումներին, որը երգչուհու արդեն հայտնի «Զոմա-Զոմա» երգի հիման վրա է:
Տեսահոլովակի ռեժիսոր Արամայիս Հայրապետյանը NEWS.am STYLE-ի հետ զրույցում նշեց, որ վայրն ընտրվել է իր կոլորիտային առանձնահատկության համար:
Մինչ զրուցում էինք ռեժիսորի հետ` երկրպագուներից շատերն արդեն կազմ-պատրաստ Կոնդում էին: Չնայած արեւին ու շոգին` նրանք պատրաստ էին համբերատար սպասել սիրելի արտիստի հետ խոստացված հանդիպմանը: Եվ, ահա` Սիրուշոն միացավ նրանց նկարահանման հրապարակում:
Երգչուհին սելֆիների ընթացքում հասցրեց պատասխանել նաեւ մեզ հետաքրքրող հարցերին:
«Երգը որոշ ժամանակ է` իմ երգացանկում է, երգել եմ աշխարհի տարբեր երկրներում` «Արմատ» հյուրախաղերի շրջանակում: Սա այն երգերից է, որն այնքան շատ էր սիրվել: Ցանկանում էինք նկարահանել տեսահոլովակ, բայց չէինք գտնում այն կարեւոր մասնիկը, որը պետք էր նկարահանման համար: Երկար քննարկումների արդյունքում՝ հասկացանք, որ տեսահոլովակը պետք է նկարահանվի հենց այստեղ: Տարբեր տարածքներ տեսանք, հետո հայտնվեցինք Կոնդում ու սիրահարվեցինք այս վայրին: Արդեն ծանոթացել ու շփվել ենք կոնդեցիների հետ»,-նշեց նա:
Անդրադառնալով երկրպագուներին իր տեսահոլովակում նկարահանելու մտքին՝ հավելեց.
«Երկրպագուներս շատ էին գրում, որ հանդիպելու ցանկություն ունեն, հատկապես վերջին օրերին նրանք սկսեցին անկեղծանալ ու պատմել իրենց պատմությունները, շատերը գրում էին, որ ցանկություն են ունեցել հանդիպելու ինձ հետ, բայց չի ստացվել: Այդպես նստեցինք ու քննարկեցինք, որ եթե ունենք նկարահանում, ինչո՞ւ ոչ` երկրպագուներին կարող ենք հրավիրել այստեղ, որպեսզի առիթ լինի ինձ հետ հանդիպելու»:
Տեսահոլովակում երգչուհին ներկայացնելու է շատերիս համար հարազատ երեւանյան կոլորիտը՝ նարդին, հին ավտոմեքենաներն ու բակային մյուս առանձնահատկությունները.
«Փորձել ենք ընդգծել հայկական կոլորիտն այնպիսի կողմից, որից դեռեւս անդրադարձ չի եղել: Ինչպես միշտ` փորձում եմ ներկայացնել հայկական մշակույթն` իր տարբեր երանգներով: Այս անգամ փորձել եմ անդրադառնալ ավելի քաղաքային, բակային, մեր մանկության ասոցիացիաներին»,-նշեց նա:
Իսկ հարցին, թե երբ տեսահոլովակը եթերում կլինի, ոչ Սիրուշոն, ոչ էլ Արամայիս Հայրապետյանը դեռեւս հստակ պատասխան չունեն: Այնուամենայնիվ, երգչուհին հույս հայտնեց, որ շատ շուտով երկրպագուները հնարավորություն կունենան եթերից վայելելու իրենց մասնակցությամբ նոր տեսահոլովակը:
Իսկ մինչ այդ, NEWS.am STYLE-ն առաջարկում է մեր ֆոտոռեպորտաժի եւ փոքրիկ տեսանյութի միջոցով տեսնել, թե ինչ մթնոլորտ էր տիրում Կոնդում:
Սյունե Առաքելյան
Լուսանկաները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
18:30, 22 նոյեմբերի
Որտե՞ղ զգալ տոնական տրամադրությունն ու ինչպե՞ս անցկացնել ձմռան առաջին օրը Երևանում16:13, 22 նոյեմբերի
Տարեկան 300 հազար դոլար արժողությամբ երազանք՝ Ֆորմուլա 1․ ինչպես են հարուստ ծնողները փոքր երեխաներին պատրաստում ավտոսպորտի ապագա աստղեր դառնալուն15:20, 22 նոյեմբերի
Մաշկի իմունիտետը․ ինչպես ազատվել ճաքերից ու կարմրությունից և ցուրտ եղանակին վերականգնել դեմքի փայլը14:35, 22 նոյեմբերի
Հայկական ոճ․ 70-ականների ռոմանտիկայից մինչև քրեական աշխարհի կնոջ էսթետիկա․ ընտրում ենք այս աշնան նորաձև կողմը13:56, 22 նոյեմբերի
Տաշքենդում կայացած Our Generation մրցույթում Հայաստանի ներկայացուցիչ Լեոն զբաղեցրել է 2-րդ տեղը12:12, 22 նոյեմբերի
Ո՞վ կդառնա ԱՄՆ հաջորդ առաջին տիկինը․ հանրապետական քաղաքական գործիչների կանայք և ընտրյալներն արդեն պայքարում են Մելանյա Թրամփի տեղը զբաղեցնելու համար10:30, 22 նոյեմբերի

09:00, 22 նոյեմբերի
Wine Scope․ Ո՞ր գինին եք դուք այս հանգստյան օրերին ըստ կենդանակերպի նշանի19:23, 21 նոյեմբերի
Երկրպագուն 2000 կիլոմետր ճանապարհ է անցել՝ հնդիկ բլոգերի հետ ամուսնանալու համար. աղջկա հայրն ու հարևանները ծեծելով սպանել են նրան19:10, 21 նոյեմբերի
Մահացել է լեգենդար ոսկերիչ Պաոլո Բուլգարին, ով ընտանեկան բիզնեսը վերածել էր համաշխարհային շքեղության18:17, 21 նոյեմբերի
Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով17:29, 21 նոյեմբերի
Բացահայտվել է արքայազն Հարիի և Մեգան Մարքլի՝ Մեծ Բրիտանիա հանկարծակի վերադարձի անսպասելի պատճառը