«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

«Մեր ամուսնությունը եղել է համեստ ոճում, ու միշտ ցանկություն ունեի այսպիսի գեղեցիկ զգեստ կրելու». Սոնա Շահգելդյան

14:05, 11 մայիսի

Սոնա Շահգելդյանը նոր ֆոտոշարք է ներկայացրել, որում հարսի կերպարում է: Երգչուհին լուսանկարները տրամադրել է NEWS.am STYLE-ին, ինչպես նաեւ՝ պատմել, թե ինչու է որոշել ամուսնությունից տարիներ անց կրել երազանքների ճերմակ զգեստը.

«Թեման ինքս եմ մտածել, որովհետեւ չունեի հարսանեկան գեղեցիկ ֆոտոշարք: Հարսանիք արել ենք, բայց կոնկրետ հարսի զգեստ չեմ կրել, ու մեծ շուքով դա չի եղել. մեր ամուսնությունը եղել է համեստ ոճում, ու միշտ ցանկություն ունեի այսպիսի գեղեցիկ զգեստ կրելու»,-խոստովանում է նա՝ հավելելով.

«Կարծում եմ՝ ֆոտոշարքը գեղեցիկ է, կարեւորը՝ անկեղծ, մաքուր ու պարզ… Իհարկե, կլինեն դեռ շատ ֆոտոշարքեր: Բացի այդ՝ շուտով նոր տեսահոլովակ կունենամ, որի ռեժիսորը Լուսինե Մարտիրոսյանն է: Նա Հայասանում իմ ամենասիրելի ռեժիսորն է՝ պրոֆեսիոնալ, տարիների փորձ ունեցող: Իհարկե, դա նաեւ նրանց ընտանեկան գեներից է: Մի խոսքով՝ սիրում եմ նրան ե´ւ որպես մարդ, ե´ւ որպես ռեժիսոր: Չեմ ցանկանում դեռ փակագծերը բացել, թե ինչպես է լինելու, բայց ասեմ, որ շատ տարբերվող երգ է: Մայիսի վերջին երեւի աշխատանքը կհանձնեմ հանդիսատեսի դատին»:

Այսքանով, սակայն, Սոնայի նորությունները չեն սահմանափակվում: Նա բացահայտեց եւս մի քանի ծրագրեր.

«Աշխատում եմ նոր երգերի վրա, որոնցից մեկը կլինի հենց հարսանեկան թեմայով: Այս գեղեցիկ ֆոտոշարքով երգը կներկայացվի YouTube-ի իմ ալիքում: Կան նաեւ այլ լեզուներով գրված երգեր: Դեռ չեմ ցանկանում նշել, թե որոնց հիման վրա կլինեն տեսահոլովակները: Ամեն տարի աշխատում եմ, չեմ դոփում նույն տեղում: Իրականում շատ դժվար է համատեղել ընտանիքն ու աշխատանքը, բայց դա ես սիրով եմ անում»:

Երգչուհին նաեւ մտածում է սեփական բիզնեսը հիմնելու մասին, որի առաջին մանրամասները վստահել է NEWS.am STYLE-ին.

«Քանի որ ինքս շատ խնջույքների եմ մասնակցում, շուտով կբացեմ իմ անվանկան կազմակերպությունը, որտեղ կընդունվեն հարսանեկան եւ այլ միջոցառումների պատվերներ, որոնց շուրջ կաշխատի մեծ խումբ: Դրա մասին ավելի ուշ կհայտարարվի սոցիական ցանցի իմ էջերում»:

Սյունե Առաքելյան

Լուսանկարները տրամադրել է Սոնա Շահգելդյանը


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search