Աշխարհահռչակ խորվաթ դաշնակահար Իվո Պոգորելիչը Երեւանում է: Այսօր հայտնի երաժիշտը ելույթ կունենա հայ հանդիսատեսի առջեւ, սակայն մինչ այդ նա համաձայնել էր հանդիպել լրագրողներին եւ կիսվել իր երեւանյան տպավորություններով:
Պոգորելիչի ցանկությամբ` ասուլիսն ընթացավ Արամ Խաչատրյանի արձանի մոտկայքում:
«Ինչո՞ւ ներսում մնանք, եթե եղանակն այսքան հրաշալի է, իսկ քաղաքը` հիասքանչ»,-պնդեց նա:
«Տրամադրությունս շատ բարձր է, բայց այս պահին ոչ մի կողմնակի բանի վրա չեմ կենտրոնանում. լրջորեն պատրաստվում եմ այսօրվա համերգին»,-իր խոսքն այսպես սկսեց հայտնի դաշնակահարը` բազմիցս փաստելով, որ սիրահարված է Երեւանին եւ հայերին:
«Մարդիկ բարի են, ժպտում են, եւ այդ ամենն ինձ հաճույք է պատճառում: Իհարկե, միշտ էլ իմացել եմ, որ քաղաքը շատ գեղեցիկ է ու հյուրընկալ, իսկ այժմ համոզվեցի, որ այստեղ հրաշալի միջավայր ու մթնոլորտ է տիրում»:
Դաշնակահարն ինքն էլ խոստովանեց՝ ունի տարօրինակություններ: Օրինակ՝ իրեն հաճախ դուր չի գալիս այն, ինչ մեծամասնությանն է դուր գալիս: Հենց այսօրվա արեւոտ եղանակն էլ: Ասում է՝ մինչ շատերն այսպիսի եղանակին կշտապեին ծովափ, ինքը կնախընտրեր նստել մթության մեջ ու ստեղծագործել, պատրաստվել գալիք համերգին:
Իսկ համերգային ծրագրի ու իր ոգեշնչումների մասին Պոգորելիչը կարճ արտահայտվեց.
«Ես միշտ պետք է բարձրացնեմ իմ արժեքները եւս մի քանի սանդղակով, թե չէ ամեն ինչ այնքան հեշտ կլիներ: Կարող էիր ուղղակի մի բան լավ անել ու արժանանալ ծափահարությունների»:
Համերգի ընթացքում հայ կոմպոզիտորների գործերից չեն հնչի, բայց երաժիտն ասում է՝ լավ ծանոթ է հայկական մշակույթին եւ երաժշտությանը, քանի որ Լոնդոնում լինելու տարիներին ծանոթացել է հայ մեծ կոմպոզիտոր՝ Ալեքսանդր Հարությունյանի հետ։
Հայաստանով ու հայերով տպավորված խորվաթ երաժիշտի առաջին երեւանյան մենահամերգը կկայանա այսօր՝ Արամ Խաչատրյան համերգասրահում:
Իվո Պոգորելիչը նվագել է Վիեննայի, Բեռլինի, Բոստոնի, Չիկագոյի, Լոնդոնի, Նյու Յորքի, Լոս Անջելեսի,Ցյուրիխի Տոնհալե, Կոնսերգեբաու նվագախմբերի հետ: Նրա ձայնագրած 14 ձայներիզները շարունակում են մնալ կատալոգների առաջին տեղերում՝ ունենալով ունկնդիրների ամենամեծ քանակը: Պոգորելիչը ձայնագրում է բացառապես «Դոյչե Գրամոֆոն» եւ «Սոնի» ընկերությունների համար: Նա առաջին դասական երաժիշտն էր, որի ձայնագրությունները հեռարձակվեցին տեխնոլոգիապես բարձրակարգ «Իդաջիո» հարթակով:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ