Այսօր՝ հուլիսի 7-ին, կարմիր գորգի պաշտոնական արարողությամբ Երեւանում մեկնարկեց «Ոսկե ծիրան» 16-րդ միջազգային կինոփառատոնը, որն այս տարի անցկացվեց Կարեն Դեմիրճյանի անվան մարզահամերգային համալիրում: Որպես բացման ֆիլմ ընտրվել է Կաննի միջազգային կինոփառատոնում «Ոսկե արմավենու ճյուղ» մրցանակի այս տարվա դափնեկիր Չուն-հո Պոնի «Մակաբույծը» (Հարավային Կորեա):
«Շատ ուրախ ենք, որ փառատոնը բացում ենք նման հեղինակավոր ֆիլմով: Ֆիլմը շատ քիչ ցուցադրություններ է ունեցել, այնպես որ՝ երեւանյան մեծ պրեմիերա ենք ունենալու այսօր, եւ ինձ համար հատկապես հուզիչ է, որ այս մեծ դահլիճում է անցնում փառատոնը, սա նաեւ նոր փորձառություն կլինի հանդիսատեսի համար»,-նշեց «Ոսկե ծիրան» փառատոնի տնօրեն Հասմիկ Հովհաննիսյանը:

Միջազգային կինոփառատոնն աշխարհի տարբեր երկրներից ստացել է մասնակցության ավելի քան 740 հայտ, ինչպես նաեւ ընտրվել են մի շարք կինոնկարներ աշխարհի հեղինակավոր կինոփառատոններից՝ Կաննից, Բեռլինից, Ռոտերդամից: Փառատոնն ունենալու է միջազգային լիամետրաժ (խաղարկային եւ վավերագրական), նաեւ՝ կարճամետրաժ ֆիլմերի տարածաշրջանային մրցույթներ, իսկ արտամրցութային ծրագիրը ներառելու է «Տարածաշրջանային համայնապատկեր» մրցույթը: Մնացած ծրագրերը ոչ մրցութային են. դրանք են՝ «Երեւանյան պրեմիերաներ», «Հետահայաց ցուցադրություններ», «Հարգանքի տուրք»:

Այս տրվա կինոփառատոնն աչքի է ընկնում նոր անձնակազմով, նոր կարգախոսով եւ պաստառներով, որոնցում հիմնական շեշտը դրված է տառերի եւ համացանցում մեծ տարածում գտած արտահայտությունների վրա: «Փախած կինո գալի՞ս ես», «Սիրուն կինո գալի՞ս ես», «Սյուռ կինո գալի՞ս ես», «Կոֆե՞, կենտրո՞ն, ծիրա՞ն», «Կոֆե՞, կենտրո՞ն, կինո՞»՝ ահա այսպիսի գրառումներ արդեն առկա են քաղաքի մի շարք անկյուններում:
«Նրանք երիտասարդներ են, ովքեր սովորել եւ աշխատել են մեզ մոտ, բայց որպես ղեկավարներ՝ առաջին անգամ են իրենց զորքը տանում պատերազմի կամ հաղթանակի: Շատ լավ հյուրեր, ֆիլմեր, եւ դիզայն է ընտրված»,-նշեց փառատոնի հիմնադիր Հարություն Խաչատրյանը՝ «Ոսկե ծիրանի» նոր թիմին մաղթելով հաջող մեկնարկ:
Կարմիր գորգի մանրամասերը` մեր տեսանյութում եւ ֆոտոռեպորտաժում:





























Սյունե Առաքելյան
Օպերատոր` Դավիթ Խուդավերդյան
Լուսանկարները` Էմմա Ասատրյանի
Հետևեք NEWS.am STYLE-ին Facebook-ում, Twitter-ում և Instagram-ում
21:32, 20 նոյեմբերի
Սիլիկոնյան հովտի նոր միլիարդատերերը չգիտեն՝ ինչի վրա ծախսել իրենց գումարները20:45, 20 նոյեմբերի
«Ես վաղուց էի ցանկանում այցելել Հայաստան». Enigma-ի ոսկե ձայն Էնդրյու Դոնալդսն առաջին անգամ մենահամերգով հանդես կգա Երևանում20:21, 20 նոյեմբերի
Louis Vuitton-ի գլխավոր պարֆյումերը բացահայտել է, թե ինչպես է արաբական մշակույթը փոխում համաշխարհային օծանելիքի արդյունաբերությունը19:35, 20 նոյեմբերի
Նույնիսկ միլիարդատերերն են սխալվում․ Patek Philippe-ի ղեկավարը բաց է թողել մի ժամացույց գնելու հնարավորությունը, որի արժեքը գրեթե հազարապատկվել է16:20, 20 նոյեմբերի
GTA 6 խաղացողները վրդովված են մարմնավաճառների անհետացումից և գլխավոր հերոսի իր ընկերուհու հանդեպ հավատարմությունից15:40, 20 նոյեմբերի
Հարսանիքը վերածվել է վեճի՝ ուրիշի ամուսինների համար15:21, 20 նոյեմբերի
Քրիս Ջեններն անցել է ինտիմ գոտիների երիտասարդացման գործին. 71-ամյա աստղը պատմել է անսովոր միջամտության մասին14:50, 20 նոյեմբերի
«Համաձա՞յն ես, որ մենք պետք է հետ ստանանք մեր հողերը». մեքսիկահայ կատակերգու Ջեք Ասադուրյանի սուր զրույցը ազգությամբ թուրք հանդիսատեսի հետ14:36, 20 նոյեմբերի
Ռիհաննան իր մեկ տարեկան դստերը բերել է պոդիում. փոքրիկ Ռոքին դարձել է Dior-ի գովազդային արշավի դեմքը14:15, 20 նոյեմբերի
Մայլի Սայրուսը պատրաստվում է Մաքս Մորանդոի հետ իր հարսանիքին. երգչուհին կամուսնանա այս շաբաթավերջին13:28, 20 նոյեմբերի
Ավելի քան 118,000 մարդ պահանջում է չեղարկել Netflix-ի նոր սերիալը՝ «սատանիզմի» և «քրիստոնյաներին վիրավորելու» պատճառով12:38, 20 նոյեմբերի
Մելանիա Թրամփը փայլել է իր նոր Amazon նախագծի պրեմիերային առանց ամուսնու. Դոնալդը վերադարձել է Չինաստանից, բայց չի աջակցել Առաջին տիկնոջը