Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

«Պետք է, պարզապես, ներքուստ չլինել վուլգար». Աստղիկ Սաֆարյանը՝ սեքսուալ ֆոտոշարքի եւ 30-ից հետո ավելի ինքնավստահ դառնալու մասին

13:25, 26 հոկտեմբերի

Աստղիկ Սաֆարյանը նոր ֆոտոշարքով է ներկայացել, որում երգչուհին սեքսուալ եւ գրավիչ կնոջ կերպարում է. Աստղիկը NEWS.am STYLE-ի հետ զրույցում խոսել է, թե ինչպես է փորձել ստեղծել սեքսուալ կերպարը՝ չանցնելով վուլգարության սահմանը եւ ինչու մինչեւ 30 տարեկանը նման համարձակ ֆոտոշարքերով չէր ներկայանում:

«Ցանկացել ենք ստանալ աշխատանք, որը կլինի ինչպես նրբագեղ, այնպես էլ գրավիչ, կլինի համարձակ, բայց ոչ վուլգար»,-նշում է նա ու հավելում. «Կարծում եմ՝ շատ ավելի գեղեցիկ է ստացվել, քան պատկերացնում էի»:
Ֆոտոշարքն իրականացրել է լուսանկարիչ Գոռ Ռոբերտովչը, որի հետ երգչուհին առաջին անգամ չի համագործակցում.

«Գոռի հետ շատ եմ աշխատել դեռ 2016-ից՝ թե´ իմ երրորդ ձայնասկավառակի ֆոտոշարքի շրջանակում, թե´ «Էլ» ամսագրի շապիկի համար, թե´ տարբեր գովազդային ֆոտոշարքերի շրջանակում: Նա ժամանել է Ուկրաինայից, անգամ հասցրել է աշխատել ուկրաինական Vogue-ի համար: Կարծում եմ՝ Գոռը շատ պրոֆեսիոնալ աչք ունի, միշտ կարողանում է ճիշտ գտնել սեքսուալության եւ մեղմության սահմանը, դա է պատճառը, որ նրա հանդեպ աշխատանքային մեծ վստահություն ունեմ»,-պատմում է երգչուհին, որի կարծիքով՝ կնոջ մեջ ամենագրավիչը նրա ինքնավստահությունն է՝ իր անձի, կազմվածքի հանդեպ. «Իսկ ես ունեմ դա իմ մեջ»,-հավելում է նա:

Աստղիկն անդրադարձել է նաեւ սեքսուալությունը վուլգարության չվերածելու նրբությանը.

«Պետք է, պարզապես, ներքուստ չլինել վուլգար. սա վերաբերում է ոչ միայն արտիստին եւ լուսանկարչին, որոնք դա պետք է ներկայացնեն, այլեւ մարդկանց, որոնք դա պետք է տեսնեն եւ ընկալեն: Եթե արտիստն իր մեջ չի պարունակում վուլգարության տարրեր, ապա երբեք չի կարող վուլգար ներկայանալ: Կերպար ընտրելիս ընտրում ես ոչ թե վուլգարը, այլ համարձակը: Դիմահարդարման եւ վարսահարդարման հարցում եւս այդ սկզբունաով ես առաջնորդվում: Բայց պետք է խոստովանեմ, որ դա միակողմանի չի գործի. լուսանկարիչը եւս պետք է չունենա այդ վուլգար աչքը, որպեսզի կարողանա ճիշտ ընդգծել այդ սահմանը: Սա թիմային աշխատանք է: Եթե ես զգամ, որ լուսանկարիչն անցնելու է այդ սահմանը, եւ համաձակը ներկայացնելու է վուլգար կերպով, միանշանակ, չեմ աշխատի նրա հետ: Նույնն էլ դիտորդի պարագայում է. եթե մարդն իր մեջ ունի վուլգար աչք, նա ամենանրբագեղ նկարի մեջ էլ կտեսնի միայն վուլգարը»:

33-ամյա երգչուհին խոստովանում է՝ մինչ 30-ի սահմանը հատելը, խուսափում էր նման համարձակ կերպարներով ներկայանալուց, սակայն վերջերս ինքն էլ է զգացել, որ ճիշտ են ասում՝ կինը 30-ից հետո ավելի գրավիչ է դառնում:

«Ես չէի հավատում այդ ասվածին, մինչեւ 30 տարեկանս, սակայն 30-ից հետո իմ ինքնավստահությունն ավելի է բարձրացել: Հիմա ավելի վստահ եմ ինձ զգում, քան օրինակ՝ 24-25 տարեկանում: Անբացատրելի է, բայց սկսում ես շարունակ աշխատել քեզ վրա, ինչպես ներքուստ, այնպես էլ՝ արտաքուստ: Դա քեզ ավելի ուժեղ եւ վստահ է դարձնում:

Մինչեւ 30-ը միշտ զերծ եմ մնացել համարձակ ֆոտոշարքերից, քանի որ դա կարող էր սխալ ընկալվել, բայց հիմա կարծում եմ, որ իմ՝ արտիստի մաքուր կերպարով եւ լավ վարքագծով կարող եմ ինձ թույլ տալ անել նման գեղեցիկ աշխատանքներ, քանի որ 30-ից հետո այդ նույն համարձակ քայլին գնալը շատ ավելի գովելի ու գնահատելի է յուրաքանչյուր կնոջ համար, այն առումով, որ հնարավոր է քեզ վրա աշխատելով ունենալ նման գեղեցիկ արդյունք, որը կարող ես ցույց տալ գեղեցիկ ֆոտոշարքով: Նման աշխատանքները նաեւ մոտիվացնող են շատ կանանց եւ աղջիկների համար, որպեսզի չկարծեն, թե 30-ից հետո կինը կորցնում է իր գրավչությունը…Չկա նման բան»:

Աստղիկ Սաֆարյանն այն երգչուհիներից է, որը հաճախ է ներկայանում նոր ֆոտոշարքերով, սակայն, զարմանալիորեն, կարողանում է պահպանել ինքնատիպությունը ցանկացած կերպարում.

«Պարզապես, ես այդ ամենին շատ պրոֆեսիոնալ եմ մոտենում, եւ ինչպես ցանկացած գործում՝ այստեղ էլ աշխատում եմ չկրկնվել եւ անել այնպես, որ ամեն հաջորդ գործը լինի նախորդից ավելի լավը ու տարբերվող»,-ասում  նա:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search