• «Փորձում եմ հիշողությանս մեջ պահել քո անհոգ մանկության յուրաքանչյուր վայրկյանը». Եվա Բաղդասարյանը հուզիչ գրառում է արել որդու 11 ամսականի առթիվ

  Դերասանուհի Եվա Բաղդասարյանը շարունակում է սոցիալական ցանցերի իր հետևորդների հետ կիսվել ընտանեկան ջերմ ու հիշարժան պահերով…

• Զիրոյանը ներկայացրեց այն երգը, որը տարիներ առաջ նվիրել էր Իննա Խոջամիրյանին, բայց փոխված տարբերակով. ինչպե՞ս արձագանքեցին երկրպագուները

  Օրեր առաջ Զիրոյանը իսկական ինտրիգ առաջացրեց սոցիալական ցանցերի իր էջերում՝ ներկայացնելով իր՝ «Իմն ա» երգի ու տեսահոլովակի անոնսը…

• Ռիհաննան և Ֆրենսիս Քյուրքջյանը բացահայտում են նոր J’adore Intense օծանելիքի նոտաները

  Ռիհաննան և Christian Dior-ի օծանելիքի ստեղծագործական տնօրեն Ֆրենսիս Քյուրքջյանը ներկայացնում են նոր J’adore Intense օծանելիքի բույրային նոտաները՝ բացահայտելով դրա ստեղծման գաղտնիքները…

• Սամվել Թադևոսյանը հպարտանալու առիթ է տալիս, Սիլվա Հակոբյանի անակնկալը՝ դստեր մասնակցությամբ, Զիրոյանի նոր երգի շուրջ ստեղծված ինտրիգը. Instagram

  Ներկայացնում ենք աստղային շաբաթվա ամենաքննարկված իրադարձություններն ու ուշագրավ հրապարակումները…

• NANxME. Նանուլի ոճային անակնկալը՝ երկրպագուներին (VIDEO)

  Երգչուհի Նանուլը, չնայած երիտասարդ տարիքին, արդեն նվաճում է ոչ միայն երաժշտության ու պարային արվեստի, այլև գեղեցկության և նորաձևության ոլորտը…

• Ինչպես են անցնում «Նոր Մեր բակ»-ի նկարահանումները (VIDEO)

  «Մեր բակը» վերադառնում է։ Լեգենդար ֆիլմաշարը, որն առաջին անգամ եթերում հայտնվեց 30 տարի առաջ, նոր հերոսներով ու սիրված կերպարներով կրկին ժպիտ կառաջացնի ֆիլմասերներիշրջանում…

• Հռիփսիմե Հակոբյանի ու Մարտին Մկրտչյանի ընտանեկան հանգիստը Մալդիվներում (ֆոտո)

  Երգիչներ Հռիփսիմե Հակոբյանն ու Մարտին Մկրտչյանը որդիների հետ հանգստանում են Մալդիվներում…

• «Իմն ա». Զիրոյանը կթողարկի այն երգը, որը ժամանակին երգել էր Իննա Խոջամիրյանի ծննդյան օրը

  Զիրոյանն անհամբերություն ու զարմանք է առաջացրել հերտևորդների շրջանում…

Ռուսաստանում հայտնի հայ հումորիստ, դերասան եւ ԽՍՀՄ ժողովրդական արտիստ Եվգենի Պետրոսյանն այս օրերին Հայաստանում է: Երեկ արտիստը հումորային երեկո է ունեցել Արամ Խաչատրան համերգասրահում, իսկ այսօր հանդիպեց լրագրողների հետ` կիսվելու տպավորություններով եւ Հայաստանի հանդեպ ունեցած մեծ սիրով: Պետրոսյանը խոսեց նաեւ հայկական հումորի, իր աղմկահարույց ամուսնալուծության եւ այլ հարցերի շուրջ:

Հանդիպման սկզբում հումորիստը նշեց, որ առհասարակ, հազվադեպ է հանդիպում լրագրողների հետ` խուսափելով այն «աղավաղումներից», որոնց հաճախ է հանդիպում իր մասին հոդվածներում: «Բայց այս հանդիպմանը լավ եմ տրամադրված: Երեւանում ինձ տանն եմ զգում»,- ժպիտով նշեց նա:

Հումորիստը վերջին անգամ Երեւանում եղել էր 3 տարի առաջ, սակայն ափսոսանքով է նշում, որ այդ ժամանակահատվածում համերգներ չի ունեցել. «Ես շատ դրական տպավորություններ ունեմ երեկվա համերգից, բայց գլխավորը հանդիսատեսի տպավորությունն է: Ես ինձ թատրոնի դերասան եմ համարում, ես շոու բիզնեսի ներկայացուցիչ չեմ, որտեղ հաճախ տեղ են տալիս կիսատաղանդավոր մարդկաց, մեզ մոտ նման բանն անթույլատրելի է: Եթե թատրոնը գեղանկար է, այդ ժանրը ծաղրանկար է, թեեւ էլի գեղանկարչության մի մաս է կազմում: Մենք շոու բիզնես չենք, եւ ամբողջությամբ ենթարկվում ենք հանդիսատեսի արձագանին: Ես ձեզ եմ փոխանցում էմոցիաներ, դուք էլ ինձ պատասխանում եք ձեր արձագանքով` ծիծաղելի էր, թե ոչ, համաձայն եք, թե ոչ...Իսկ էկրանային տպավորությունները լրիվ այլ են լինում: Իմ տպավորությամբ` ամեն ինչ լավ անցավ, հուսով եմ` իրոք այդպես է»,- NEWS.am STYLE-ի հարցին ի պատասխան` նշեց նա:

Պետրոսյանը բեմում է 1962 թ-ից: Ասում է` հեռուստատեսությամբ սկսել է զբաղվել այն ժամանակ, երբ հասկացել է, որ բեմը քիչ է, պետք է «հյուրընկալվի» նաեւ մարդկանց տներում: Այդպես էլ իր շուրջ հավաքելով տաղանդավոր մարդկանց` ստեղծել է «Кривое зеркало» հումորային նախագիծը: «10 տարի այդ հաղորդումը եղավ եթերում: Մենք ապրեցինք այդ հաղորդման հետ»,- հիշում է նա:

Պետրսյանն անդրադարձավ նաեւ ժամանակակից հումորին եւ այնտեղ առկա վուլգար արտահայտություններին. «Ես դեմ եմ, որ ժամանակակից հաղորդումներում հաճախ օգտագործվում է բեմադրված ծիծաղ: Հեռուստադիտողը չի հասկանում` ինչն է ծիծաղելի եւ փոխում է ալիքը...Ամեն անգամ համերգների եւ հումորային ներկայացումների ժամանակ ես ուշադրություն եմ դարձնում, թե հանդիսատեսն ինչին ինչպես է արձագանքում, եւ ըստ այդմ էլ` որոշ բաներ թողնում ենք, փոխում կամ հանում, նոր ենք դա բերում եթեր: Այդպես ավելի ենք մտերմանում հանդիսատես հետ, իսկ չհոգնել մեզ ստիպում է սերը նրանց նկատմամբ»,-ասում է նա ու հավելում,- «Ես նաեւ ճիշտ չեմ համարում, երբ հումորային հաղորդումներում օգտագործվում է հայհոյանք: Եթե ստիպենք բոլորին այդպես խոսել, ի՞նչ կդառնանք»:

Ինչ վերաբերում է հայակական հումորին` դերասանի գնահատմամբ` կան շատ տաղանդավոր երիտասարդ հումորիստներ, որոնց առիթ է ունեցել հանդիպելու Մոսկվայում: Կարծում է` հայկական հումորն ունի զարգացման նախադրյալներ:

Պետրոսյանը չխուսափեց պատասխանել նաեւ իր անձնականին վերաբերող ամենաաղմկահարույց հարցին` իր եւ Ելենա Ստեպանենկոյի սկանդալային ամուսնալուծության թեմայով, թեեւ մեկնաբանությունում հակիրճ էր. «Քանի դեռ այդ հարցի շուրջ դատական գործընթացը շարունակվում է, ես մեկնաբանություն չեմ տալիս, բայց կգա ժամանակ, երբ ես կպարզաբանեմ ամեն ինչ: Հավատացեք` ես նորմալ մարդ եմ, հենց այնպես նման որոշում չէի կայացնի:Հիմա վաղ է խոսել դրա մասին, ես էլ չեմ փորձի արդարանալ: Իհարկե, այս ամենի պատճառով հանդիսատեսի սերն իմ հանդեպ նվազեց, ես դա շատ լավ եմ հասկանում. դա իմ դրաման է, բայց ի՞նչ արած՝ սա է կյանքը»,-նշեց Պետրոսյանը` նախընտրելով խոսել իր երեւանյան հագեցած առօրյայից:

Բացի հայ հանդիսատեսի հետ հանդիպումից` հումորիստը եղել է նաեւ Հայոց ցեղասպանության թանգարան-ինստիտուտում: Ասում է` շատ է ազդվել այն ամենից, ինչ տեսել է: «Երբեք չեմ կարողացել մինչեւ վերջ կարդալ Հայոց ցեղասպանության մասին գրքերը, դա ինձ մեծ ցավ է պատճառում, բայց երեկվա փորձն ինձ անհրաժեշտ էր: Բոլորը եւ, առհասարակ, ամբողջ աշխարհը պետք է իմանա Հայոց ցեղասպանության մասին»:

Ինչպես շատ հայեր`Պետրոսյանը ծնվել է Բաքվում: Հարցին արդյոք երբեւէ այնտեղ ելույթ ունենալու հրավերներ ստացե՞լ է`հումորիստը պատասխանեց, որ նման ցանկություն ոչ ինքն է ունեցել, ոչ էլ առաջարկ է եղել այնտեցից, ինչը բնական է համարում` հաշվի առնելով քաղաքական դրությունը: Հիշում է` ցանկություն ուներ լինելու հոր գերեզմանին, ծանոթներից մեկը խոստացել էր օգնել այնտեղ հասնելու հարցում, բայց անվտանգությունն ապահովել երաշխավորել չկարողացավ:

Անցնելով ավելի դրական թեմաների` Պետրոսյաը նշեց, որ Հայաստանում համերգների կազմակերպման դրական աճ տեսնում է: Ինքն էլ հաճույքով պատրաստ է ավելի հաճախ ելույթ ունենալ հայրենիքում: Իսկ սեղծագործական ծրագրեր, առհասարակ, շատ կան. հույս ունի` դրանք բոլորն էլ կկարողանա կյանքի կոչել:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում