Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Մեկնարկում է հայ կոմպոզիտորական արվեստի 11-րդ փառատոնը, որն այս տարի նվիրված է Ալեքսանդր Հարությունյանի 100-ամյակին

16:04, 7 փետրվարի

Փետրվարի 8-ին Երեւանում կմեկնարկի Հայ կոմպոզիտորական արվեստի 11-րդ փառատոնը, որն այս տարի նվիրված է կոմպոզիտոր Ալեքսանդր Հարությունյանի 100-ամյա հոբելյանին: Փառատոնի կազմակերպիչն է Հայաստանի պետական սիմֆոնիկ նվագախումբը ՀՀ կրթության, գիտության, մշակույթի եւ սպորտի նախարարության աջակցությամբ, գեղարվեստական ղեկավարն է դիրիժոր Սերգեյ Սմբատյանը:

Հայ կոմպոզիտորական արվեստի 11-րդ փառատոնի շրջանակում անցկացվելիք երեք սիմֆոնիկ եւ մեկ կամերային համերգների ընթացքում կհնչեն, ինչպես Ալեքսանդր Հարությունյանի, այնպես էլ ժամանակակից հայ կոմպոզիտորների գործերը:

«Մեծ ոգեւորությամբ ենք պատրաստվում այս փառատոնին, քանի որ Ալեքսանդր Հարությունյանի հիշատակը շատ վառ է մեր սրտերում. նա ոչ միայն արժանի մարդ է, այլեւ շատ հարգված բոլոր երաժիշտների կողմից: Նա բացառիկ հայ կոմպոզիտորներից է, որի ստեղծագործությունները նրա կենդանության ժամանակ էլ մենք շատ ենք կատարել, իսկ այժմ մեծ պատրաստակամությամբ պատրաստվում ենք այս համերգներին, որոնցով եւս մեկ անգամ նրա հիշատակը վառ կպահենք»,-այսօր՝ փետրվարի 7-ին տեղի ունեցած մամուլի ասուլիսի ժամանակ նշեց հայտնի դիրիժոր, Հայաստանի ազգային հերոս Հովհաննես Չեքիջյանը:

Փառատոնի ընթացքում հնչելու է նաեւ ՀՀ արվեստի վաստակավոր գործիչ, կոմպոզիտոր  Երվանդ Երկանյանի ստեղծագործություններից:

«Այս փառատոնը յուրահատուկ է, որովհետեւ նվիրված է Ալեքսանդր Հարությունյանի 100-ամյակին, իսկ նա հսկայական դեր ունի մեր սիմֆոնիկ երաժշտության պատմության մեջ: Այս փառատոնը, որն այս տարի 11-րդ անգամ է անցկացվելու, նաեւ ներառելու է ժամանակակից հեղինակների գործեր, ինչով եւս կարեւորվում է»,-իր խոսքում նշեց կոմպոզիտորը:

Փառատոնի գեղարվեստական ղեկավար Սերգեյ Սմբատյանն էլ կարեւորեց այն փուլերը, որոնք իրենք անցել են փառատոնի ատեղծման տարիներից ի վեր.

«11-րդ անգամ արդեն անցկացվող այս փառատոնն ունի նեղ մասնագիտական, բայց շատ գլոբալ հաջողության ամբիցիա եւ տեսլական, որը հիմնված է հայ կոմպոզիտորների տաղանդի եւ աշխարհի կողմից այդ տաղանդի ընկալման վրա: Մենք մեր հարստությունն ու տաղանդը ներկայացնում ենք նաեւ աշխարհին եւ եթե 11 տարի առաջ այս փառատոնը ստեղծված չլիներ, չէր լինի նաեւ մեր վստահ որոշումը՝ եվրոպական բարձր եւ հեղինակավոր բեմերում ներկայանալու: Փառատոնի անցկացման տարիներին մենք անցել ենք այն փուլով, որով բոլոր այդ ձեռագրերը բերել ենք 21-րդ դար»:

Ի դեպ, այս տարվա փառատոնի շրջանակում թվայնացվելու են Ալեքսանդր Հարությունյանի եւ այլ հայ կոմպոզիտորների սիմֆոնիկ ստեղծագործություններ՝ հնարավորություն ընձեռելով դրանք հնչեցնել ոչ միայն Հայաստանում, այլեւ արտերկրում:

Սյունե Առաքելյան

Լուսանկարները՝ Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել