BACKSTAGE. Ինչպես են ընթանում «Սարի աղջիկ» հեռուստասերիալի նկարահանումները

Սիրուն Մինասը` բոտեքսի միֆերի եւ հակացուցումների մասին

Հայտնիներ, որոնք իրենց երեխաներին այսօր ուղեկցել են առաջին դասարան

«Ուզում եմ երեխա ունենալ». Շպռոտը` իր երազանքի և 41-ամյակին նվիրված խնջույքի մասին

Եվա Խաչատրյանի, Վիկտորյա Սահակյանի եւ այլ դերասանուհիների մասնակցությամբ բացօթյա ներկայացումը

Backstage. Մեգին շուտով կթողարկի ամառային, ռիթմիկ նոր տեսահոլովակ

Backstage. «Աշխատում ենք ամեն ձեւով իրականացնել իրենց երազանքը». Արուս Տիգրանյան

Անդրանիկ Հարությունյանը` արկածային մանկության մասին եւ ոչ միայն

Backstage. Ինչպես են ընթանում «Երկուսով» հեռուստասերիալի նկարահանումները

Դիանա Տոռեսը` ծնողների կորստի, սիրահարվածության եւ ատամնաբույժի մասնագիտությամբ չաշխատելու մասին

Ինչպես է անցել Լիլիթ Բասյանի եւ Ալեքսանդր Բաբասյանի որդու 6-ամյակը. ծնողների անակնկալն ու խնջույքը

«Գրիշան իմ երազած ավտոմեքենան է նվիրել». Շողեր Թովմասյանը 28-ամյակի անակնկալների եւ խնջույքի մասին

Հասմիկ Կարապետյանը` խենթ հուշերի, կյանքի դժվար շրջանի ու Շանթի հետ իրենց առաջին հանդիպման մասին

Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

«Մինչ օրս որեւէ պլաստիկ վիրահատության չեմ դիմել». Սյուզի Մելիքյանի հմայքի ու ինքնավստահության գաղտնիքները (ֆոտո)

15:05, 20 մարտի

Ասում են` կինը գեղեցիկ է, երբ բարի է, խելացի, ինքնավստահ, երբ սովորում է սիրել ինքն իրեն` գիտակցելով սեփական առավելություններն ու հաշտվելով թերությունների հետ: Երբեմն սահմանված թրենդները ստիպում են, որ կանայք կասկածեն իրենց հմայքի վրա, դիմեն արհեստական միջամտությունների կամ շատ ուրիշ ծայրահեղությունների, որոնք վնասում են իրենց առողջությանը:

NEWS.am STYLE-ը կանացի հմայքը բացահայտելու նպատակով շարունակում է իր զրույցների շարքը հայկական շոու-բիզնեսի ինքնավստահ եւ իրենց արտաքինի ու ներքինի հետ ներդաշնակ կանանց հետ:

Մեր զրուցակիցը երգչուհի Սյուզի Մելիքյանն է: Նրան տարիներ շարունակ համարում են հայկական շոու-բիզնեսի ամենասեքսուալ կանանցից մեկը: Սյուզին երբեք չի եղել չափից դուրս նիհար, ընդունել ու սիրել է իր արտաքինն այնպիսին, ինչպիսին այն տրվել է բնությունից: Նա ցանկացած կերպարում ինքնավստահ է, թեեւ ինչպես ինքն է նշում` չի սիրում այդ բառը:

«Ինքս վստահում եմ իմ ուժերին, ինչը վատ բան չէ, քանի որ գործի հաջողության կեսը ինքնավստահությունից է գալիս»,-ասում է ու շարունակում,-«Կարծում եմ` ինքնավստահությունը ներսից է գալիս: Մարդ պետք է իր ներքին աշխարհի վրա շատ աշխատի, որովհետեւ արտաքինը կազմում է միայն 50 տոկոսը, երբ խոսքն ինքնավստահության մասին է: Նաեւ ճիշտ միջավայրը, ճիշտ կողակիցը, առողջ ապրելակերպը կնոջը դարձնում են ավելի ինքնավստահ»:

Անդրադառնալով ամենացավոտ ու վնասակար երեւույթներից մեկին` չափից շատ նիհարելուն, Սյուզին նշեց.

«Երբ բոյի ու քաշի բալանսը խախտվում է, երբ մարդ չափից ավելի նիհարում է, իմ կարծիքով դա գեղեցիկ չէ: Առհասարակ, երբ մարդիկ օգտագործում են առողջ սնունդ եւ դրա հետ մեկտեղ ունենում գեղեցիկ մարմին, դրան նորմալ եմ վերաբերվում»:

Երգչուհին խոստովանում է` երբեմն ինքն էլ է դիմում հատուկ սննդակարգի` ավելորդ քաշից ազատվելու համար, բաց դա անում է` չվնասելով իր օրգանիզմը.

«Ես երբեք շատ նիհար չեմ եղել, բայց կարծում եմ` ցանկացած աղջիկ կյանքում գոնե մեկ անգամ պահել է դիետաներ: Ես եւս բացառություն չեմ: Ուղղակի, այդ դեպքում պետք է դիմել լավ մասնագետի: Պետք չէ ինքդ քեզ մշակես դիետաներ ու սխալ սնվես, քանի որ դա կարող է վնասել օրգանիզմիդ: Կա ճիշտ սննդակարգ, որը եւ օգնում է նիհարելուն, եւ չի զրկում օրգանիզմիդ այն կարեւոր նյութերից, որոնք անհրաժեշտ են: Ինքս ոչ միշտ, բայց, ժամանակ առ ժամանակ, պահում եմ դիետաներ, երբ զգում եմ, որ ավելորդ քաշ եմ հավաքել, բայց աշխատում եմ միայն մասնագետների հետ»:

Նա նաեւ հավելում է.

«Ես փորձում եմ ընդունել այն արտաքինս, որն ինձ տվել է բնությունը, առհասարակ, մարդ պիտի իր բնատուր գեղեցկությունից գոհ լինի: Իհարկե, պետք է միշտ զարգանալ, ձգտել կատարելության: Ինքս էլ բացառություն չեմ ու իմ հանդեպ միշտ շատ բծախնդիր եմ: Եթե ինձ համար կան թերություններ, փորձում եմ դրանք շտկել: Կարծում եմ` մարդը պետք է սիրի ու ընդունի իր մարմինը, բայց նաեւ բծախնդիր լինի ինքն իր հանդեպ»:

Երգչուհու կարծիքով գեղեցիկ արտաքինը պայմանավորված է նաեւ առողջ սնունդ օգտագործելով.

«Հիմա փոխել եմ սննդակարգս, ավելի առողջ եմ սնվում ոչ միայն կառուցվածքս պահպանելու համար, այլեւ առողջ ապրելակերպի: Սննդակարգիցս բացառել եմ արագ սնունդը եւ այն ամենը, ինչը լավ չի անդրադառնում օրգանիզմի վրա»:

Սյուզին նշում է, որ անառողջ դիետաներից զատ` չի դիմել նաեւ որեւէ արհեստական միջամտության.

«Նորմալ եմ վերաբերվում պլաստիկ վիրահատություններին, բայց ինքս մինչ օրս որեւէ վիրահատության չեմ դիմել: Գուցե, տարիներ հետո դիմեմ, եթե ինչ-որ բան ինձ խանգարի: Նույնիսկ, այլ կոսմետիկ միջամտությունների չեմ դիմել առայժմ, բայց նորմալ եմ վերաբերվում այդ ամենին, եթե չափի մեջ է արվում»:

Իսկ բոլոր տղամարդկանց հետաքրքրող հարցին, թե ինչ է ուզում կինը, երգչուհին պատասխանեց.

«Կինն ուզում է սեր, ջերմություն, հոգատարություն... Իրականում շատ բաներ կան, բայց փորձեցի նշել առաջնայինները»:

Սյունե Առաքելյան

Լուսակարները` Սյուզի Մելիքյանի Facebook-ի էջից


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ