• Կան պահեր, որոնց հանդիսատեսը հաստատ չի սպասում. Անի Երանյանը՝ «Ֆուլ Հաուսի» վերադարձի մասին

  «Ֆուլ Հաուս»-ի երկրպագուները տոնելու առիթ ունեն. սիրված նախագիծը սեպտեմբերի 8-ին վերադառնում է՝ այս անգամ ներկայացման ձևաչափով...

• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

«Հայաստան Ձայնը» նախագի առաջին եթերաշրջանի հաղթող Մաշա Մնջոյանը նույն հաջողությամբ իր ձայնով տպավորել ու շոկի է ենթարկել Ավտրալիայի «Ձայնը» նախագծի ժյուրիի անդամներին ու հանդիսատեսին: Երեկվանից համացանցում տարածվում է հայուհու մասնակցությամբ հոլովակը, որտեղ պարզ երեւում են համաշարհային ճանաչում վայելող ժյուրիի անդամների՝ Գայ Սեբաստիանի, Դելթա Գուդրեմի, Բոյ Ջորջի ու Քելլի Ռոուլանդի էմոցիաները Մաշայի՝ All By Myself կատարման ընթացքում: Ժյուրիի 4 անդամները ոչ միայն շրջվել են երգչուհու ելույթի ժամանակ, այլեւ հոտնկայս ծափահարություններով ողջունել նրան: Թեեւ բոլորն էին ցանկանում Մաշային տեսնել իրենց թիմում, հայ երգչուհին ընտրեց Destiny’s Child խմբի նախկին անդամ, աշխարհահռչակ երգչուհի Քելլի Ռոուլենդին:

NEWS.am STYLE-ը Մաշայի հետ զրուցել է Ավտրալիայում բնակվելու, նախագծին մասնակցության, ինչպես նաեւ՝ էմոցիաների ու սպասելիքների մասին:

Մաշան արդեն երկու տարի է, ինչ Ավստրալիայում է: Երգչուհին այնտեղ սովորում է, եւ ինչպես ինքն է նշում՝ չէր կարող ձեռքից բաց թողնել միջազգային հեղինակավոր մրցույթին մասնակցելու հնարավորությունը, իսկ այն, որ ժյուրիի 4 անդամն էլ կշրջվեին իր ելույթի ժամանակ, նրա համար երազանք է եղել.

«Երազում էի կարողանալ երգս նրանց ու հանդիսատեսի սրտերին հասցնել: Շատ մեծ ոգեւորվածություն ապրեցի, երբ բոլորը հոտնկայս սկսեցին ծափահարել: Սա երազանքի իրականացում էր… Նրանցից յուրաքանչյուրի կարծիքն ինձ համար շատ կարեւոր էր, որովհետեւ յուրաքնչյուրն իր գործում արդեն կայացած, հաստատված ու սիրված արտիստ է, նրանք ճանաչված են, ինչպես Ավստրալիայում, այնպես էլ՝ ամբողջ աշխարհում: Ու երբ լսում ես, որ նման մարդիկ այդպիսի լավ կարծիք են կազմում քո մասին, աննկարագրելի զգացողություններ ես ունենում»,-ասում է Մաշան ու մեկնաբանում նաեւ Քելլի Ռոուլենդին ընտրելու փաստը.

«Բոլորի կարծիքն էլ հատ առ հատ հիշում եմ, ոչինչ բաց չեմ թողել, ուղղակի կանոններն այնպիսին են, որ միայն մեկին կարող ես ընտրել՝ որպես մարզիչ: Քելլի Ռոուլենդին բոլորս էլ գիտենք շատ վաղ տարիներից՝ դեռեւս Destiny's Child խմբից: Նրան ընտրեցի, որովհետեւ առաջնային մտածեցի, որ մենք մեր երաժշտական ուղղվածությունով ավելի մոտ ենք ու միմյանց ավելի լավ կհասկանանք աշխատանքի ընթացքում: Նաեւ մի նշանի ուշադրություն դարձրի. «Հայաստանի Ձայնը» նախագի ժամանակ իմ մարզիչը՝ Սոնան, հենց նույն աթոռին էր նստած, ինչ-որ Քելլին, մտածեցի՝ դա էլ է ինչ-որ նշան ինձ համար, որին պետք է հետեւեմ»:

Ի դեպ, Մաշան նշում է, որ Սոնայի հետ միշտ կապի մեջ է եղել: Վերջինը եւս անչափ ոգեւորված է իր մասնակցի հաջողությամբ:

«Սոնան ամեն վայրիկյան իմ կողքին է, այս ամենի մասին դեռ վաղուց գիտեր, միշտ իրար հետ խորհրդակցել ենք: Իհարկե, ինձ համար շատ է ուրախացել, մեծ հպարտություն է ապրում: Նա միշտ կողքիս է՝ ե´ւ ուրախ, ե´ւ տխուր պահերին՝ իմ ընտանիքի անդամների նման: Մեծ ուրախություն ապրեց, երբ լսեց ելույթս, ասում է՝ փշաքաղվել է»:

Անդրադառնալով մրցույթի հայկական տարբերակում իր հաղթանակին ու դրա հետ կապված կարծիքներին՝ Մաշան նշում է.

«Այն փաստը, որ Հայաստանում հաղթել եմ, շատ պատասխանատու ու ռիսկային է ինձ համար: Շատ ավստրալիացիներ, միգուցե, չհամաձայնեն այն փաստին, որ ես մասնակցում եմ՝ լինելով հաղթող, միգուցե, հարց առաջանա՝ ինչո՞ւ եմ հիմա այնտեղ մասնակցում, միգուցե, կարծեն՝ ես խլում եմ հնարավորությունը նորեկներից, բայց սա իմ որոշումն էր. ես չցանկացա ձեռքիցս բաց թողնել այս հնարավորությունը, իսկ թե ինչ կլինի, հետագայում կերեւա: Ես այս պահին չեմ կարող կանխատեսել ոչինչ»:

Մաշան արդեն պատրաստվում է մրցույթի մյուս փուլերին, որոնց մասին առայժմ չի կարող խոսել.

«Այս պահին շատ փակագծեր չեմ կարող բացել, որովհետեւ դեռեւս կան գաղտնիքներ, որոնք չենք կարող բացահայտել, մինչեւ եթեր հեռարձակելը, նույնիսկ, չեմ կարող ասել, թե երբ են տեղի ունեցել «Կույր լսումները», որովհետեւ դա եւս հեռուստատեսային գաղտնիք է: Կարող եմ ասել, որ պետք է սկսենք դուետների փուլը, անհամբեր սպասում եմ, թե ինչ է լինելու, բայց, ամեն դեպքում, ամեն ինչի պատրաստ եմ»:

Ինչ վերաբերում է Ավստրալիայում իր առօրյային՝ Մաշան ասում է.

«Ի ուրախություն մեզ՝ Ավստրալիայում, կարծես, վիրուսը նահանջում է, ու մենք արդեն կամաց-կամաց անցնում ենք բնականոն կյանքի»:

Սյունե Առաքելյան

Լուսանկարները՝ Մաշա Մնջոյանի ֆեյսբուքյան էջից, The Voice Australia, Ռոբերտ Քոլոյան

Հետևեք NEWS.am STYLE-ին Facebook-ում, Twitter-ում և Instagram-ում