• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Դերասաններ Իննա Խոջամիրյանն ու Զիրոյանն այս շրջնում զբաղված են միանգամից երեք նախագծերի նկարահանումներով. ինչպես հայտնի է` վերսկսվել են «Երկուսով» հեռուստասերիալի նկարահանումները, բացի այդ` դերասաններն աշխատում են նաեւ Whywomenswomens նոր սիթքոմի շրջանակում, եւ չնայած այս զբաղվածությանը` չեն պատրաստվում կիսատ թողնել իրենց յութուբյան` «Չինգա Չունգ» ճամփորդական արկածային նախագիծը, որի առաջին եթերաշրջանն ավարտվել է, իսկ երկրորդը` Իննայի խոսքով` կլինի սեպտեմբերից: Դերասանուհին NEWS.am STYLE-ին այլ մանրամասներ էլ է հայտնել նախագծի, դրա շրջանակում ունեցած վտանգավոր եւ զավեշտալի արկածների, Զիրոյանի հետ տարաձայնությունների եւ երեք նկարահանումները համատեղելու մասին.

«Մեր առաջին եթերաշրջանը 10 թողարկում ունեցավ: 10 հոգնատանջ, արկածային, զարմանահրաշ ու հետաքրքիր թողարկում»,-ոգեւորությամբ հիշում է դերասանուհին,-«Մենք էապես արդյունքի չէինք էլ սպասում: Որոշել էինք կիսվել մեր տպավորություններով, եւ մոտիվացնել մարդկանց ճամփորդել: Այն ամենն, ինչ մենք հնարավորություն ունենք տեսնելու, ինչո՞ւ մեր մատուցմամբ չկարողանան տեսնել նրանք, ովքեր ինչ-ինչ պատճառներով այդ հնարավորությունը չունեն»,-հավելում է նա:

Իննան խոստովանում է, որ նախագծի շնորհիվ Հայաստանը նորովի է բացահայտել.

«Դրա համար ես անասելի երջանիկ եմ, եւ անասելի ամոթ եմ ապրում, որ իմ 24 տարիների ընթացքում չեմ այցելել, օրինակ, Քոբայր, Հոռոմայր, Խուստուփ, Արագած, Հովազաձոր եւ այլն, եւ այլն...»:

Դերասանուհու խոսքով` նկարահանումները լի են եղել տարատեսակ արկածներով.

«Անհաշվելի անգամներ թունավոր օձերի ենք հանդիպել: Վայոց ձորում գյուրզան անմիջապես ոտքներիս տակ էր` շուտ չէինք նկատել: Սատանի կամրջի տակ ուժեղ մագնիսական դաշտ ունեցող հատված կա. լողալիս Զիրոյանին քաշեց հատակը, եղբայրը չլիներ կողքին տվյալ պահին` կորած էինք: Մեր առաջին եթերաշրջանի նկարահանումների ընթացքում շատ ենք կոփվել, հմտացել: Եվ ապահովության, եւ պաշտպանության մեթոդները սերտել ենք (ծիծաղում է»:

Իննան հավելում է, որ «Չինգա Չունգ»-ում ամեն բան հնարավորինս իրական է.

«Փորձել ենք պահպանել ռեալիթին, բայց շատ էմոցիոնալ պահեր կան, ձախողումներ, գերհոգնածություն, նույնիսկ, վեճեր, որոնք պարտավոր են մնալ կադրից դուրս: Գուցե, մի օր հրապարակենք»,-ասում է նա ու հավելում,-«Շատ շուտով կսկսենք երկրորդ եթերաշրջանը, գրեթե ամեն բան պատրաստ է, մի քանի հանգամանքներ կան, որոնք երկարաձգեցին մեկնարկը, բայց ամենակարեւորը` սկսում ենք: Մենք մեծացրել ենք մեր թիմը, նոր գործընկերներ ունենք, ամեն բան ավելի պրոֆեսիոնալ կլինի: Կարելի է ասել` վլոգից անցում ենք կատարում հաղորդման ֆորմատի»:

Անդրադառնալվ Զիրոյանի հետ աշխատանքային վեճերին` Իննան նշում է.

«Տարաձայնություններ, այո, եղել են: Նույնիսկ , պիտի խոստովանեմ` որոշել էինք Սյունիքում վրանում գիշերել, տարակարծիք էինք՝ որ ուղղությամբ գնալ, իսկ մութն ընկնելուց հետո երկար ժամանակ հարմար տեղ չէինք գտնում վրան խփելու, մթնոլորտը լարված էր, անձնակազմը` հոգնած, Սյունիքն էլ մի կողմում կիրճ է, մյուս կողմում` սարեր. վրան խփելու հարթ տարածք չկար: Բայց բոլոր տարաձայնությունները էլ ավելի են համ ու հոտ տալիս իրադարձություններին»:

Դերասանուհին խոստովանում է` գերզբաղվածությամբ պայմանավորված` նախագծի նկարահանումները փոքր-ինչ դանդաղում են.

«Փորձում ենք ժամանակային գրաֆիկը հստակեցնել, հիմա դեռեւս չենք հասցնում համատեղել, ստիպված ենք դադար ունենալ երկու շաբաթի չափով: Բայց ամեն բան անում ենք, որ ամենաուշը սեպտեմբերի կեսին 2-րդ եթերաշրջանը պատրաստ լինի»:

Սյունե Առաքելյան

Լուսանկարները տրամադրել է Իննա Խոջամիրյանը

Հետևեք NEWS.am STYLE-ին Facebook-ում, Twitter-ում և Instagram-ում