«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

«Միգուցե, մի օր ապրեմ Հայաստանում». ամերիկացի երգիչ Դանիել Դեքերը` այս դժվար օրերին Հայաստանում լինելու եւ Արցախին երգ նվիրելու մասին (ֆոտո)

15:39, 16 հոկտեմբերի

Ամերիկացի երգիչ Դանիել Դեքերն Արցախի տարածքում ադրբեջանա-թուրքական ագրեսիայի մասին տեղեկացված է պատերազմի առաջին իսկ օրվանից, եւ այդ պահից սկսած «հոգով հայ» ամերիկացին (ինչպես ինքն է իրեն համարում) սատարում էր Հայաստանին` իր գրառումներով ու ճշմարտությունը բարձրաձայնելով: Բայց Հայաստանի քաղաքացիություն ունեցող ամերիկացի երգիչը չբավարարվեց հեռվում կոչեր անելով, նա վեր կացավ ու եկավ Հայաստան, որպեսզի ֆիզիկապես էլ հնարավորինս օգնի իր սրտում հատուկ տեղ զբաղեցնող ազգին:

NEWS.am STYLE-ը զրուցել է Դեքերի հետ եւ պարզել` ինչպես է ստացվել, որ փոքրիկ Հայաստանն այնքան մեծ ազդեցություն է ունեցել նրա կյանքում, որ նա, չնայած դժվար պայմաններին, ցանկացել է լինել այստեղ:

«Երբ կարդացի Արցախում պատերազմի մասին, առաջին ռեակցիաս շոկն էր ու զայրույթը, որ նման սարսափելի բան է տեղի ունենում: Ես միանգամից ցանկացա գալ, որպեսզի աջակցեմ Արցախին ու Հայաստանին այս դժվարին ժամանակներում: Ես շատ եմ սիրում Հայաստանն ու հայերին, հայկական մշակույթը, երաժշտությունն ու պատմությունը: Միգուցե, մի օր Հայաստանը դառնա իմ ֆիզիկական տունը, որտեղ ես կապրեմ: Այն շատ մոտ է իմ սրտին, ես բազմիս նշել եմ` ծնունդով հայ չեմ, բայց ընտրությամբ եմ հայ»,- շեշտեց երգիչը` վերհիշելով նաեւ 2017-ին Արցախ կատարած իր այցը:

Դեքերը համերգ էր ուեցել Շուշիի Մշակույթի եւ Երիտասարդության կենտրոնում, որը եւս ավիրվել է ադրբեջանական հրթիռակոծության պատճառով. «Շուշիում համերգ եմ ունեցել Անկախության օրվա առթիվ, եւ ինձ համար ոչ միայն հետաքրքիր էր, այլեւ հիշարժան տեսնել, թե ինչպես են արցախցիները տոնում անկախությունը: Դրանից հետո ես սկսեցի ավելի շատ սիրել ու հարգել նրանց: Այնտեղ այցելել եմ նաեւ եկեղեցիներ ու թանգարան, եւ Արցախը հատուկ տեղ է զբաղեցրել իմ սրտում: Երբ տեսա ավիրված կենտրոնի լուսանկարները, սիրտս կոտրվեց... Արցախցիներին ուզում եմ ասել` ես ձեզ հետ եմ»:

Իր այցի առաջնային նպատակը Դեքերը համարում է ոչ միայն հոգեպես, այլեւ ֆիզիկապես հայերին օգնելը, նաեւ Արցախին ու հայ հերոսներին նվիրված երգ է պատրաստում:

«Միշտ էլ շատ երաժշտական նախագծեր եմ այստեղ իրականացնում, բայց այս դեպքում դրանք երկրորդ պլանում են, քանի որ առաջնային նպատակս հայերին աջակցելն է, ինչով, որ կարող եմ: Այնուամենայնիվ, մի երաժշտական նախագիծ կա, որը կցանկանայի ավարտին հասցնել, քանի դեռ այստեղ եմ: Նոր երգ եմ պատրաստում Արցախի ու հայ հերոսների մասին»: Երգիչը ցավով է նշում, որ ԱՄՆ-ում մարդիկ մակերեսային են ծանոթ Արցախում կատարվող իրադարձություններին:

«Մամուլում քիչ տեղեկություն կա արցախյան իրադարձությունների մասին, եւ եղածն էլ լավագույնս չի ներկայացնում ճշնարտությունը` այն, որ Արցախն ու Հայաստանը զոհ են այս պատերազմում, որ Ադրբեջանն ու Թուրքիան են ագրեսորները, որ արցախահայությունը ցանկանում է ապրել ազատ ու խաղաղ եւ իրավունք ունի պաշտպանելու իր անկախությունը...»:

Երգիչը նաեւ հավելեց` «Եթե հնարավորություն ընձեռվի, կուզեի նորից տեսնել Արցախը»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search