Գինու ճշմարտությունը. Wine story՝ Թեւան Պողոսյանի հետ

«3 նամակ Բելլայից». նոր հեռուստասերիալ սիրային պատմության եւ անարդարության մասին (BACKSTAGE)

ՀԱՐՑՈՒՄ. քաղաքացիները՝ «Եվրատեսիլ»–ում Brunette-ի մասնակցության մասին

«Չես խաբի մարդկանց, երբ քո աչքերը մեկի համար փայլում են». Մհեր Բաղդասարյանը իր զգացմունքների մասին և ոչ միայն

«Հայ երգիչ»-ի հաղթող Սաթենիկ Սահակյանը և Նաիրա Գյուրջինյանը խոսել են նախագծի մանրամասներից

Դերասան Վարդան Քոչարյանը` 2023-ի իր երազանքների ու նպատակների մասին

«2023-ին պատրաստվում ենք օրինականացնել մեր հարաբերությունները». Գևորգ և Քրիստինա

«Ծնողներիս մահից հետո Ամանորն ինձ համար տխուր է անցնում». Դիանա Տոռես

Որոնք են 2023 թվականի նորաձև սանրվածքներն ու երանգները. խորհուրդներ վարսահարդարներ Բարիս Միքայելյանից ու Նարեկ Արմենյանից

Դալիթայի ամանորյա շնորհավորանքը

Գրիգոր Կյոկչյանը` դեկտեմբերի 5-ին կայանալիք միջոցառման մանրամասների ու Նարեի տրամադրվածության մասին

Ջեքսոնի, Լոպեսի, Բեյոնսեի հետ աշխատած հայտնի դիզայներ Ջեյկոբ Մեյերի շքեղ ցուցադրությունը Երեւանում

«Բլբուլյաններ 3». 3 անգամ ավելի ծիծաղելի սիթքոմը մեկնարկում է

#Backstage. Ինչպես են ընթանում «Արտակարգ Արտակ» նոր հումորային սիթքոմի նկարահանումները

Օֆին խոսել է երեւանյան այցի, հոր մահվան մասին եւ նկարահանվել News.am Style-ի ֆոտոշարքում

ՇոկTok. «Թատերականի ժողովուրդն ինձ ընդհանրապես չի սիրում». Դիանա Մխիթարյան

ՇոկTok. «Ես ու եղբայրս այնպես ենք արել, որ ոչ մայրս միայնակ լինի, ոչ` տատիկս». Գևորգ Մկրտչյան

«Ոսկե ծիրան» 19-րդ միջազգային կինոփառատոնի պաշտոնական բացումն ու կարմիր գորգը

«Վշտի ու ցավի մեծ զգացում կար». «Եվրատեսիլ 2017»-ին Կիպրոսը ներկայացրած Հովիգը` հայկական երգերի քավըրների, պատերազմի շրջանում իր ապրումների ու հայտնի հայ երգչուհու հետ սպասվելիք զուգերգի մասին

14:11, 3 մարտի

Կիպրահայ երգիչ Հովիգը (Հովիկ Դեմիրճյան), որը «Եվրատեսիլ 2017»-ին “Gravity” երգով ներկայացնում էր Կիպրոսը, վերջին շրջանում հաճախ է կիսվում հայտնի հայկական երգերի քավըր տարբերակներով:

Պատերազմից հետո Հովիգն իր ապրումները ներկայացրեց Արթուր Մեսչյանի «Ո՞ւր էիր Աստված» երգի միջոցով, որին հաջորդեցին նաեւ «Մարտիկի երգը» եւ «Հայի աչքեր» ստեղծագործությունների քավըրները:

NEWS.am STYLE-ը Եվրոպայում ճանաչում վայելող հայ երգչի հետ զրուցել է հայերեն երգելու, միջազգային լսարանի արձագանքի ու պատերազմի շրջանում իր էմոցիաների մասին: Հովիգը նաեւ բացահայտել է իր առաջիկա նորությունը, որը, հատկապես, կհետաքրքրի հայ լսարանին:

«Ես մեծացել եմ`լսելով շատ տարբեր ոճերի երաժշտություն, եւ հայկական երաժշտությունն այն ժանրն է, որին ես միշտ վերադառնում եմ. այն ինձ ոգեշնչում է, ինչպես երգեր գրելիս, այնպես էլ օգնում սովորել մեր հրաշալի երգիչներից»,-անդրադառնալով հայկական երգերի կատարմանը` նշեց երգիչը, նաեւ հավելեց.

«Տեսնում եմ, որ ամբողջ աշխարհի հայերը բարձր են գնահատում բոլոր ժամանակների ամենասիելի հայկական երգերի իմ կատարումները: Իհարկե, երաժշտության բոլոր տեսակների մեջ էլ հրաշք կա, բայց այդ հրաշքն ավելի մեծ է, երբ խոսքերը քեզ համար հարազատ լեզվով են: Իմ սրտում հայկական երաժշտությունը միշտ էլ տեղ ունի, եւ շուտով իմ երգացանկում կլինեն ե´ւ նոր քավըրներ, ե´ւ օրիգինալ հայկական երգեր»:

Խոսելով երգերի ընտրության մասին` Հովիգն ասաց.

«Ես հատուկ չեմ ընտրում այն երգերը, որոնք ներկայացնում եմ քավըր տարբերակով. սովորաբար այսպես է լինում` երբ ազատ ժամանակ եմ ունենում, վերցնում եմ կիթառս ու սկսում երգել, եւ երբ դա ինձ դուր է գալիս, որոշում եմ տվյալ երգը ներկայացնել ամբողջական քավըր տարբերակով: Ասեմ ավելին` շատ ավելի հաճախ պատահում է, որ սկսում եմ որեւէ երգ երգել, բայց կարճ ժամանակ անց բաց եմ թողնում դա, որովհետեւ դա ինձ չի ոգեշնչում»:

Հովիգն ուրախությամբ հավելեց` տարբեր երկրների երկրպագուները, որոնք, նույնիսկ, չեն հասկանում հայերեն, հիացմունքով են գրում հայկական երգերի իր կատարումների մասին.

«Երկրպագուներս սիրում են հայերեն կատարումներս: Մեր լեզուն գեղեցիկ է, իսկ մեր արտիստներն այնքան գեղեցիկ պատմություններ են ներկայացրել այդ երգերում, որոնք հեշտությամբ գրավում են նաեւ միջազգային լսարանին: Երբ զգում եմ, որ պատմությունը շատ ուժեղ է, նաեւ անգլերեն սուբտիտրեր եմ օգտագործում, որպեսզի հեղինակի մեսիջը հասնի շատերին»:

Իսկ հայ լսարանի համար երգիչը նոր անակնկալ ունի, որի մասին առայժմ միայն նշեց հետեւյալը`

«Այս պահին աշխատում եմ հայերենով օրիգինալ երգի վրա, որը զուգերգ է լինելու մի շատ հայտնի ու հաջողակ հայ երգչուհու հետ, այնպես որ` այս շրջանում ոչ մի քավըր մի սպասեք, քանի որ ամբողջ ուշադրությունս այդ երգի վրա եմ կենտրոնացրել (ծիծաղում է):

Անդրադառնալով պատերազմի շրջանում իր ապրումներին` երգիչը նշեց.

«Իհարկե, ես էլ, ինչպես աշխարհի բոլոր հայերը, օր ու գիշեր հետեւում էի Արցախում կատարվող իրադարձություններին: Ներսումս միայն վիշտ ու ցավ էր: «Ո՞ւր էիր Աստված» կատարմանս մեջ նկարագրված է այն, ինչ ես զգում էի: Վշտի ու ցավի մեծ զգացում կար... Ցավոք սրտի` Արցախում դեռ չեմ եղել, բայց հուսով եմ` մի օր կհաջողվի այցելել»:

Սյունե Առաքելյան

Լուսանկարները` Հովիգի Instagram-ից


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English

  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ