«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

ArmenՅԱՆs. «Շատերին հայերեն եմ սովորեցնում». Մարիաննա Հարությունյան՝ Բեյոնսեի, Լոպեսի, Գագայի ու Մադոննայի շքեղ զարդերի հեղինակը

15:05, 27 ապրիլի

Հնարավոր չէ շփոթել դիզայներ Մարիաննա Հարությունյանի զարդերի ձեռագիրը մեկ ուրիշի ձեռագրի հետ, ու հենց այդ յուրահատկությունն է, թերեւս, ստիպում համաշխարհային աստղերին համագործակցության համար ընտրել հայազգի դիզայներին: NEWS.am STYLE-ն ամեն անգամ անդրադառնում է Մարիաննայի աստղային աշատանքներին՝ Բեյոնսեի, Մադոննայի, Լեդի Գագայի, Ջենիֆեր Լոպեսի, Նիկի Մինաժի, Կարա Դելեւինի եւ այլ հայտնիների հետ:

«ArmenՅԱՆs»` հայտնի հայերի մասին մեր խորագրում այսօր ներկայացնում ենք Մարիաննա Հարությունյանի ուղին եւ հաջողության բանաձեւը:

«Աշխատասիրությունն ու վճռականությունը՝ ահա իմ հաջողության գրավականը. իմ նշանաբանն է՝ երբեք չհանձնվել, որքան էլ, որ աշխատանքը դժվար թվա: Առաջարկը ստանալիս միշտ ասում եմ` «այո», հետո եմ փորձում հասկանալ՝ ինչպես կարող եմ այն կատարելագործել: Սա մի հատկանիշ է, որը ես ժառանգել եմ իմ հայ նախնիներից: Ինձ համար մեծ հպարտություն է, երբ իմ ժողովուրդը հպարտանում է ինձանով»,-NEWS.am STYLE-ի հետ զրույցում նշեց Մարիաննան՝ չժխտելով, որ հաճախ մեծ դեր են խաղում նաեւ բախտի գործոնն ու ճիշտ ժամանակին ճիշտ մարդկանց հետ հանդիպումները:

«Այս բիզնեսում խոսքից խոսք փոխանցելը շատ կարեւոր է: Ինձ նաեւ օգնել են իմ աշխատանքները, որոնք նկատվել են: Ես, պարզապես, փորձում եմ լինել այնպիսին, ինչպիսին կամ, երբեք չեմ նայում մրցակիցներին, ուղղակի պատրաստում եմ այնպիսի բաներ, ինչպիսիք երբեք չեմ տեսել մարդկանց վրա, բայց ցանկություն ունեմ տեսնելու»:

Մարիաննայի խոսքով՝ ոչինչ հեշտությամբ չի տրվում, կարեւորը՝ չհանձնվելն է.

«Սկզբում շատ եմ պայքարել, երբեմն՝ հիմա էլ եմ ստիպված լինում, որովհետեւ ամեն ինչն էլ ունի թե´ վերելք, թե´ անկում, բայց ես անում եմ այն, ինչն ինձ դուր է գալիս, ինչն էլ օգնում է հաղթահարել ցանկացած դժվարություն»:

Իր հաճախորդներին Մարիաննան սիրում է պատմել Հայաստանի մասին, թեեւ նշում է՝ հաճախ շատերը լավ տեղեկացված են լինում մեր երկրից՝ շնորհիվ Լոս Անջելեսի հայերի, որոնցից ոմանք կայացած ու ճանաչված են նորաձեւության ոլորտում.

«Լոս Անջելեսում հայկական մեծ համայնք կա, որոնցից շատերն աշխատում են նորաձեւության ոլորտում, այնպես որ իմ հաճախորդներից շատերը կամ հայ ընկերներ ունեն, կամ՝ աշխատել են հայերի հետ: Այո, մենք ամենուր ենք: Շատերին, նույնիսկ, մեր լեզուն եմ սովորեցնում կամ՝ խորավածի լավ կետեր ուղղորդում, որ գնան ու փորձեն: Միշտ փորձում եմ բարձրաձայնել մեր պատմությունն ու այն պայքարները, որոնց միջով անցել ու անցնում է Հայաստանը: Իմ այլազգի հաճախորդներից շատերը մեզ իրենց աջակցությունն են ցույց տալիս, նրանցից ոմանք, նույնիսկ, մեզ հետ մասնակցում են Ապրիլի 24-ին կազմակերպվող երթերին: Սա ինձ հույս է տալիս, որ կան մարդիկ, որոնք, իսկապես, անտարբեր չեն մեր գլխավոր խնդիրների հանդեպ եւ հենց իրենք են ցանկանում իմանալ ավելին մեր պատմության մասին»,-նշեց նա:

Սյունե Առաքելյան

Լուսանկարները՝ Մարիաննա Հարությունյանի Instagram-ից


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search