• Դերասան Սամվել Թադևոսյանը կպարգևատրվի «Ոսկե գլոբուս»-ի կողմից

  «Ոսկե գլոբուս»-ը (Golden Globes) կմեծարի հայ դերասան Սամվել Թադևոսյանին «Ոսկե գլոբուս. Մետաքսի ճանապարհ» (Golden Globes Silk Road) խորագրով անդրանիկ հանդիսավոր երեկոյի ընթացքում, որը տեղի կունենա 2026 թվականի հոկտեմբերի 23-24-ին Ուզբեկստանում, գրում է Armenian Film Society-ն…

• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

Մայիսի 5-ին Կարեն Դեմիրճյան համերգասրահում կկայանա «Արցախի Ձայներ» խմբի բարեգործական համերգը, որի շրջանակում, որպես հատուկ հյուրեր, ելույթ կունենան նաեւ Սեւակ Խանաղյանը, Գոռ Սուջյանն ու Դավիթ Ամալյանը:

Ռուսաստանաբնակ երգիչ Սեւակ Խանաղյանը երկար դադարից հետո առաջին անգամ է երգելու Հայաստանում: Համերգին ընդառաջ NEWS.am STYLE-ը զրուցել է երգչի հետ՝ պարզելու, թե ինչ տրամադրությամբ ու հույզերով է սպասում հայ հանդիսատեսի հետ հերթական հանդիպմանն ու էլ ինչ անակնկալներ է նախատեսում երկրպագուների համար:

Երգիչը խոստովանեց, որ երկար է սպասել հայաստանյան բեմում կրկին ելույթ ունենալուն.

«Ցավոք սրտի՝ հաշվի առնելով երկրում եւ, առհասարակ, աշխարհում տիրող իրավիճակը՝ չէր ստացվում հանդիսատեսի հետ հանդիպում կազմակերպելը: Բայց հուսանք՝ կարճ ժամանակ անց ամեն բան իր տեղը կընկնի եւ մենք էլ ավելի հաճախ հանդիպելու հնարավորություններ կունենանք»,-նշեց նա՝ հավելելով, որ համերգի ընթացքում կատարելու է 3 երգ, իսկ թե որոնք՝ Սեւակը նախընտրեց չբացահայտել՝ թողնելով անակնկալ:

Թեեւ համերգներով չի ներկայացել, բայց պատերազմից հետո երգիչը հասցրել է լինել Երեւանում. ինչպես ինքն է նկատում՝ մարդկանց տրամադրության փոփոխությունն ակնհայտ է.

«Իհարկե, այդ փոփոխությունները զգացվում են, այլ կերպ չէր էլ կարող լինել: Չափազանց տխուր է գիտակցել, թե որքան արժանի մարդկանց մենք կորցրինք»:

Անդրադառնալով պատերազմի օրերին հայերին ոգեշնչող «Արցախ» երգին, որի հեղինակներն ինքն ու Սոսի Խանիկյանն են, Սեւակը նշեց.

««Արցախ» երգը գրվել է պատերազմից մեկ տարի առաջ՝ իմ նախաձեռնությամբ: Ես խնդրեցի Սոսիին  գրել երգի խոսքերը եւ բացատրեցի, թե, էմոցիոնալ առումով, մոտավորապես, ինչպիսին եմ ցանկանում, որ տեքստը լինի: Նա այդ ամենն իրագործեց 100 տոկոսով: Հետո ես գրեցի երաժշտությունը, բայց երկար ժամանակ այն չէի ներկայացնում: Սակայն, երբ պատերազմը սկսվեց, որոշեցինք այն թողարկել, քանի որ այդ երգի մեջ կա ուժ, որը բարձրացնում է ոգին: Ես հուսով եմ, որ մի օր, այնուամենայնիվ, բարին կհաղթի, ինչպես երգի մեջ է ասվում»:

Սեւակը չի դադարել ակտիվ աշխատել անգամ պանդեմիայի խիստ սահմանափակումների շրջանում: Երգիչը մեկը մյուսի հետեւից նոր երգեր ու տեսահոլովակներ էր թողարկում՝ «Беги», «Без тебя не так», «Արցախ», «Դու ես իմ հոգին», «Километры»…

«Ստեղծագործական առումով իմ կյանքում ոչինչ չի փոխվել՝ շարունակում եմ գրել երգեր եւ շարունակելու եմ դրանք թողարկել՝ հույս ունենալով, որ դրանք, իսկապես, ինչ-որ մեկին պետք են»,-ասաց նա՝ նաեւ տեղեկացնելով, որ Երեւանում նախատեսում է հանդես գալ մենահամերգով, որը տեղի կունենա քաղաքի հայտնի ակումբներից մեկում.

«Այո, Երեւանում մենահամերգով կներկայանամ մայիսի 6-ին. ելույթ կունենամ իմ բենդի հետ, կներկայացնենք թե´ հին, թե´ նոր երգեր: Վստահ եմ, որ ամեն ինչ շատ անմիջական միջավայրում կանցնի, այնպես որ՝ բոլոր ցանկացողներին կսպասեմ»:

Սյունե Առաքելյան

Լուսանկարները՝ Vahe Step, Tyom Akob եւ Սեւակ Խանաղյանի Instagram-ից,

Հետևեք NEWS.am STYLE-ին Facebook-ում, Twitter-ում և Instagram-ում