• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

• Ջորջ Քլունին մտադիր չէ առաջադրվել ԱՄՆ նախագահի պաշտոնում. դերասանը անվանել է իր երեք ֆավորիտներին 2028 թվականի համար

  Ջորջ Քլունին վերջնականապես բացառել է սեփական նախագահական քարոզարշավը, սակայն անսպասելիորեն անվանել է երեք դեմոկրատների, որոնց համարում է ամենախոստումնալից թեկնածուներ՝ 2028 թվականին կուսակցությունը Սպիտակ տուն վերադարձնելու համար, գրում է Daily Mail-ը…

• Petrossian խավիարի «կայսրության» ղեկավար Միքայել Պետրոսյանը ընդգրկվել է Vanity Fair-ի ամենաոճային ֆրանսիացիների ցանկում

  Հայկական ծագումով ֆրանսիացի գործարար, լեգենդար Petrossian խավիարի տան ղեկավար Միքայել Պետրոսյանը Vanity Fair France-ի կողմից ընդգրկվել է 20 ամենաոճային ֆրանսիացիների շարքում…

• Երկրպագուները մեղադրում են Բեյոնսեին 1000 դոլարանոց դատարկ տուփի պատճառով «զզվելի ագահության» մեջ

  Բեյոնսեն, գուցե, ունի աշխարհի ամենանվիրված երկրպագուների բանակը, սակայն այս անգամ նույնիսկ նրա հայտնի երկրպագուները մեղադրել են երգչուհուն «ագահության զզվելի դրսևորման» մեջ, այն բանից հետո, երբ նա գրեթե 1000 դոլարով վաճառքի հանեց դատարկ փայտե տուփը…

• «Սատանան Zara է հագնում». Աննա Վինտուրի նոր անհաջողությունը Met Gala-ում

  Եթե ​​Հոլիվուդում որևէ մեկը ներկայումս աշխատում է «Սատանան կրում է Պրադա 3»-ի սցենարի վրա, մենք ունենք պատրաստի սյուժետային գիծ նրանց համար․․․

• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• £87 արժողությամբ կրծկալ և £74,000–անոց Birkin. Ջորջինա Ռոդրիգեսը շքեղ նորաձևության շքերթ է կազմակերպել Վենետիկում  

  Երբ ամուսնացած եք աշխարհի ամենահարուստ ֆուտբոլիստներից մեկի հետ, կարող եք ենթադրել, որ ձեր զգեստապահարանը բաղկացած է բացառապես շքեղ ապրանքանիշերից: Սակայն Ջորջինա Ռոդրիգեսը վճռականորեն տրամադրված էր ապացուցել հակառակը...

Ռուսական շոու-բիզնեսի ամենահայտնի հայկական ձայներից մեկը՝ Մարգարիտա Պոզոյանը, մենահամերգներով հանդես կգա Երեւանում: Երգչուհու ելույթները կկայանան հունիսի 12-ին եւ 13-ին՝ Hin Areni Music Hall-ում: Մինչ Երեւան ժամանելը Մարգարիտա Պոզոյանը NEWS.am STYLE-ին պատմել է սպասվող ծրագրի, համավարակի ընթացքում իր գործունեության եւ Հայաստանում իրականացվելիք մյուս նորությունների մասին:

Երգչուհու խոսքով՝ այս երեւանյան այցն իր համար առանձնահատուկ սպասված է.

«Մինչ համավարակը ես մի քանի ամիս անցկացրել եմ Երեւանում: Այնքան բան է դրանից հետո կատարվել, որ ինձ համար այս այցելությունս, ասես, թարմ օդի պես մի բան լինի: Ես բազմիցս նշել եմ իմ հարցազրույցներում, որ Երեւանն ու, առհասարակ, Հայաստանը, ինձ ուժ փոխանցող վայրերն են եւ, երեւի, ես առաջին հերթին գալիս եմ լիցքավորվելու եւ իմ հայրենակիցներին իմ երաժշտությամբ լիցքավորելու համար: Ես, իսկապես, հավատում եմ երաժշտության՝ վերականգնող հատկությանը, իսկ մեր ազգը շատ երաժշտական է: Վստահ եմ, որ մարդիկ կզգան ու կընդունեն իմ երաժշտությունն ու այն էներգիան, որը ես ցանկանում եմ փոխանցել համերգներիս ընթացքում»:

Երգչուհին հավելեց, որ համերգային ծրագրում ներառված կլինեն ինչպես հայտնի ու սիրված երգեր, այնպես էլ՝ պրեմիերաներ.

«Կկատարեմ նաեւ իմ նոր երգը, որի թողարկումը նախատեսվում է այս ամռան ընթացքում, եւ իմ հայ հանդիսատեսի համար ուզում եմ կատարել եւս մի նոր երգ, որը հայերենով է. այն դեռեւս ոչ մի տեղ չի հնչել, բայց շատ եմ ցանկանում դրանով կիսվել հայկական լսարանիս հետ»:

Վերջին անգամ Մարգարիտա Պոզոյանը Երեւանում հանդես է եկել 2019 թ-ի նոյեմբերին՝ Իոսիֆ Կոբզոնին նվիրված մեծ համերգի ժամանակ: Երգչուհին ասում է՝ իրականում այնքան շատ չի կարողանում լինել Երեւանում, որքան՝ ինքը կցանկանար, բայց համոզված է՝ հիմա, երբ ակտիվ գործունեության է անցել, ավելի հաճախ կկարողանա այցելել հայրենիք:

Անդրադառնալով կարանտինի ընթացքում իր գործունեությանը՝ Մարգարիտան նշեց.

«Բախտս բերեց այնքանով, որ այդ շրջանում բացի առցանց համերգներից եւ ուղիղ եթերներից՝ ես զբաղված էի նաեւ իմ բնակարանի վերանորոգման աշխատանքներով, որոնց մեջ ամբողջությամբ խորասուզվելով՝ ինչ-որ տեղ փրկվեցի անգործությունից ու դեպրեսիայից: Դե, ինչպես հասկանում եք, վերանորոգումը շատ ժամանակատար ու ուժասպառ գործընթաց է (ծիծաղում է)»:

Մարգարիտան, սակայն, ի տարբերություն շատերի՝ ինքնաբացահայտմամբ չի փորձել զբաղվել համավարակի օրերին. դրա փոխարեն նախընտրել է ժամանակը տրամադրել ընթերցանությանը, ակտիվ զբոսանքին ու ինքնազարգացմանը.

«Փորձում էի շատ ժամանակ անցկացնել մաքուր օդում, որպեսզի չհոգնեի տանը նստելուց, որից հետո հանրության առջեւ կրկին հայտնվելն անսովոր կլիներ: Նաեւ իսպաներեն եմ սկսել սովորել, երգեր էի գրում, մի խոսքով՝ զբաղվել եմ այն ամենով, ինչը հատուկ է ստեղծագործ մարդուն»:

Երգչուհին Հայաստանում անցկացնելու է 6 օր: Նպատակ ունի  հայրենիքի ամենագեղեցիկ վայրերում իրականացնել ֆոտոշարք ու տեսահոլովակ նկարահանել իր նոր երգի հիման վրա:

Սյունե Առաքելյան

Լուսանկարները՝ Մարգարիտա Պոզոյանի անձնական արխիվից

Հետևեք NEWS.am STYLE-ին Facebook-ում, Twitter-ում և Instagram-ում