Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Exclusive. Ամերիկահայ դերասան Նազո Բրավոն՝ «Ընտանեկան բիզնես» ամերիկյան հայտնի հեռուստասերիալի 3-րդ եթերաշրջանում

12:08, 13 հուլիսի

Ամերիկահայ ռեփեր եւ դերասան Նազո Բրավոն նկարահանվել է «Ընտանեկան բիզնես»/The Family Business հայտնի ամերիկյան հեռուստասերիալի երրորդ եթերաշրջանում: BET+ հեռուստաալիքով հեռարձակվող հեղինակավոր սերիալի անձնակազմը համալրելու եւ իր դերի մասին ռեփերը պատմել է NEWS.am STYLE-ին:

Հայազգի դերասանը մարմնավորում է ռուս օլիգարխ Դմիտրի Իգորին: Նազոն նշեց, որ նախագծում նկարահանվելու առաջարկը ստացել է ֆիլմի պրոդյուսերներից, բայց իր դերը հաստատվել է միայն քասթինգն անցնելուց հետո:

«Ֆիլմի պրոդյուսերներն են ինձ դիտարկել այդ դերի համար, որից հետո ինձ առաջարկել են ներկայացնել փորձնական տեսագրություն: Նրանք նաեւ ցանկանում էին տեսնել, թե ինչպիսին է իմ ռուսերեն արտասանությունը: Հենց այդպես ես ստացա իմ դերը, ինչի համար ուզում եմ շնորհակալություն հայտնել պրոդյուսերներ Լանա Բեթենքորթին, Նիկայա Դ. Բրաուն Ջոնսին, Կարլ Վեբերին եւ ռեժիսոր Թրեյ Հեյլիին»,-ասաց դերասանը՝ հավելելով, որ ֆիլմին ծանոթ էր, բայց միայն նկարահանման առաջարկը ստանալուց հետո է սկսել դիտել առաջին եւ երկրորդ եթերաշրջաններն ամբողջությամբ:

«Նախկինում ես մի քանի էպիզոդ տեսել էի հեռուստացույցով, բացի այդ՝ ընտանիքիս անդամներից ու ընկերներիցս շատերն էին ինձ պատմում այդ շոուի մասին: Երբ ինձ հրավիրեցին նկարահանվել այնտեղ, ես սկսեցի նայել առաջին եւ երկրորդ եթերաշրջանները, որպեսզի ավելի հեշտ ընդգրկվեմ այդ շոուի մեջ եւ ավելի լավ ճանաչեմ այնտեղի կերպարներին»:

Նազոյի մասնակցությամբ բոլոր էպիզոդներն արդեն նկարահանված են: Նրա խոսքով՝ համավարակն իր դժվարություններն էր բերել նկարահանման հրապարակ.

«Նկարահանումներն ընթացել են կարանտինի ընթացքում, եւ մենք բոլորս նոր պայմաններում էինք աշխատում՝ խստորեն հետեւելով անվտանգության կանոններին, պարբերաբար թեստավորվում էինք, բայց անձնակազմը շատ զգոն էր ու պրոֆեսիոնալ: Ես մեծ փորձ ձեռք բերեցի ռեժիսոր Թրեյ Հեյլիի, պրոդյուսերների եւ իմ տաղանդավոր գործընկերների հետ աշխատելով: Անձնակազմից շատերը, որոնց հետ ես, նույնիսկ, չէի աշխատել, մոտենում էին ինձ ու շնորհավորում իրենց կազմը համալրելու համար, այնպես որ՝ նրանց կողմից ընդունելությունն իսկապես ջերմ էր»:

Թե երբ է եթերում լինելու «Ընտանեկան բիզնեսի» երրորդ եթերաշրջանը, ամերիկահայ դերասանը դեռեւս չգիտի, բայց վստահ է՝ առաջիկայում պրոդյուսերները կհայտարարեն հեռարձակման օրը: Իսկ մինչ այդ նա զբաղված է նոր նախագծով.

«Այժմ Արման Նշանյանի եւ Ասքո Հակոբյանի հետ աշխատում ենք նոր նախագծի շուրջ, այն հիմա նախաարտադրական փուլում է: Ֆիլմը 80-ականների լրտեսի մասին է, այն թրիլեր է՝ ըստ Ռիչարդ Լոուսոնի: Բացի այդ՝ աշխատում եմ նոր երգերի շուրջ, որոնք մոտ ապագայում կթողարկեմ»:

Ինչ վերաբերում է «Ընտանեկան բիզնես» սերիալին՝ այն կրիմինալ դրամա է, որի հիմքում Կարլ Վեբերի համանուն գրքաշարն է: Սերիալը պատմում է Դունքանների ընտանիքի մասին, որոնք զբաղվում են էկզոտիկ ավտոմեքենաների վաճառքով: Գլխավոր դերերում հանդես են գալիս Էռնի Հադսոնը, Վալերի Փեթիֆորդը, Արմանդ Ասանթը եւ այլք:

Սյունե Առաքելյան

Լուսանկարները՝ Նազո Բրավոյի Instagram-ից


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search