• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• Առաջին «Միսս արհեստական բանականություն»-ը կստանա 20 000 դոլարի մրցանակ

  Աշխարհում, որտեղ ավելի ու ավելի է գերիշխում արհեստական ​​ինտելեկտը, շուտով կհայտարարվի առաջին AI գեղեցկուհուն․․․

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

Էմոցիաներ, հուզմունք, մեծ պատասխանատվություն, բայց՝ սպասված հաղթանակ. «Նոր Ալիք 2021»-ի հաղթող Սարո Գեւորգյանը խոստովանում է՝ մրցույթին մեկնել էր բարձր տրամադրությամբ ու մարտական տրամադրվածությամբ: NEWS.am STYLE-ի հետ զրույցում երգիչն անդրադարձել է իր հաղթանակին, ժյուրիի վերաբերմունքին, Կիրկորովի հետ հանդիպմանն ու, առհասարակ, մրցակցությանն ու ձեռքբերումներին:

«Ի սկզբանե գալիս էի շատ լավ ու մարտական տրամադրվածությամբ, վստահ էի, որ հաղթելու եմ, բայց երբ հասա տեղ, տեսա շատ տաղանդավոր մարդկանց, որոնք եւս ունեին ե´ւ լավ ձայնային տվյալներ, ե´ւ հրաշալի երգացանկ, ու դրանից հետո լարվածություն առաջացավ (ծիծաղում է): Հուզմունք, իհարկե, կար, սակայն դա ժամանակի ընթացքում հաղթահարեցի: Առհասարակ, հուզմունքն ինձ մոտ առաջանում է բեմ բարձրանալու ընթացքում՝ առաջին երկու վայրկաններին, բայց երբ արդեն հայտնվում եմ բեմին, ամեն բան չքանում է, ու ես փորձում եմ վայելել պահը: Իհարկե, այդ ամենը կախված է նաեւ հանդիսատեսից: Այս դեպքում նրանք ինձ շատ մեծ ուժ էին փոխանցում եւ օգնում, որ ավելի լավ կատարեմ»,-նշեց երգիչը՝ չթաքցնելով, որ բացի հուզմունքից կար եւս մեկ շատ կարեւոր զգացողություն՝ երկրի հանդեպ պատասխանատվությունը, քանի որ լավ է հասկանում՝ Հայաստանին այս շրջանում, հատկապես, պետք են հաղթանակներ.

«Վերջին շրջանում մեծ էր հուզմունքս, որովհետեւ ես ցանկանում էի հաղթանակ նվիրել մեր երկրին երգի բնագավառում, ու իմ ուսերին զգում էի այդ մեծ պատասխանատվությունը, բայց այդ զգացողությունը, կարծես, ավելի շատ օգնում ու ուժ էր տալիս ինձ»:

Սարոյին ոգեւորում է այն փաստը, որ ետնաբեմում բոլորն իր հաղթանակն արդար են որակել, իսկ ժյուրիի գնահատականներն՝ անաչառ.

«Շատերն են ինձ մրցույթից հետո մոտեցել ու ասել, որ գնահատականներն արդար էին ու ճշմարիտ, ու ես հպարտ եմ այդ առումով: Առհասարակ, ինչպես ամեն բան երեւում էր փորձերի ժամանակ, նույնը կատարվում էր նաեւ բեմում, եւ մասնակիցները եւս արդեն կանխատեսումներ ունեին, թե ով, մոտավորապես, որ հորիզոնականում  կլինի: Հենց առաջին լսումներից հետո երբ վերադարձել էինք Հայաստան, պրոդյուսերս՝ Դավիթ Բադալյանը, հստակ ասաց, թե ով որ հորիզոնականում կլինի ( ժպտում է), վերջում, կարծես, հենց այդպես էլ եղավ»:

Հայաստանի ներկայացուցիչը նաեւ տպավորված է ժյուրիի անդամների արձագանքից, որոնցից շատերն անձամբ են ետնաբեմում իրեն մոտեցել ու կիսվել ջերմ խոսքերով: Ֆիլիպ Կիրկորովը նաեւ խորհուրդ է տվել հաջորդիվ անցնել իր մյուս երազանքների իրականացմանը.

«Ետնաբեմում, կարելի է ասել, ֆուրոր էր, քանի որ բոլոր աստղերը, հատկապես՝ ժյուրիի անդամները, մոտենում էին ինձ, շնորհավորում ու ասում, որ շատ լավ եմ երգում ու լավ երգեր եմ ընտրել: Դիմա Բիլանից, Լոբոդայից, Կիրկորովից ու շատերից եմ լսել ջերմ խոսքեր ու բարեմաղթանքներ: Կիրկորովը մոտեցավ ինձ ու ասաց, որ սա առաջին երազանքս էր, որ կատարվեց, հաջորդը պետք է լինի «Եվրատեսիլը»»:

Անդրադառնալով մրցույթից ունեցած ձեռքբերումներին՝ երգիչն առանձնացրեց մեծ փորձը, որն, ըստ նրա, դժվարությունները համատեղելու արդյունքում է կուտակվել.

«Վերջին 20 օրերի ընթացքում, զգում եմ, որ շատ-շատ եմ աճել. սա ինձ համար շատ մեծ դպրոց էր: Թվում էր, թե սովորական բաներ են ասում՝ թե ինչպես է պետք աշխատել բեմում, ինչ տրամադրությամբ է պետք բարձրանալ բեմ, սակայն ընթացքում ես հասկանում, թե որքան բարդ է այդ բոլոր խորհուրդները միաժամանակ համատեղելը: Կարծում եմ՝ մասնակիցներից շատերս վերցրինք այդ դասերը եւ բեմից փոխանցեցինք հանդիսատեսին: Իմ կարծիքով՝ բոլոր մասնակիցներն էլ շատ լավ են ելույթ ունեցել, ու ես բոլորին մեծ սիրով աջակցել ու ոգեւորել եմ»:

Հիշեցնենք, որ «Նոր Ալիք 2021»-ի վերջին՝ երրորդ մրցութային օրը տեղի է ունեցել երեկ՝ օգոստոսի 24-ին: Հայաստանի ներկայացուցիչ Սարո Գեւորգյանը դարձել է բոլոր երեք մրցութային օրերի բացարձակ հաղթողը՝ ընդհանուր առմամբ հավաքելով 267 միավոր:  

Առաջին մրցութային օրվա համար Սարոն ընտրել էր Բեյոնսեի «Listen»-ը, երկրորդի համար՝ Արամ mp3-ի «Կուզես» երգը, իսկ երեկ կայացած վերջին մրցութային համերգին, որին մասնակիցները կատարում էին պրեմիերաներ, ներկայացրել է իր պրոդյուսեր Դավիթ Բադալյանի հեղինակած՝ «Биполярная любовь» երգը:

Սյունե Առաքելյան

Լուսանկարները՝ Սարո Գեւորգյանի Instagram-ից

Հետևեք NEWS.am STYLE-ին Facebook-ում, Twitter-ում և Instagram-ում