• Համշենական «Մելուսես» խումբը մայիսին համերգ կունենա Երեւանում

  Համշենական «Մելուսես» խումբը մայիսի 4-ին համերգով հանդես կգա Երեւանում․․․

• ԴԴՏ-ի համերգը Երևանում՝ եվրոպական մակարդակի շոու

  Ամառվա սկիզբը Երևանում կնշանավորվի հայտնի և օրիգինալ «ԴԴՏ» ռոք խմբի երկար սպասված համերգով՝ Կարեն Դեմիրճյանի անվան մարզահամերգային համալիրում՝ երաժիշտ, կոմպոզիտոր, կատարող, արտիստ, դերասան և պրոդյուսեր Յուրի Շևչուկի գլխավորությամբ...

• Ռուսական կուլտային «ԴԴՏ» ռոք խումբը համերգով հանդես կգա Երեւանում

  Համերգը, որով խումբը հանդես կգա Երեւանում, առանձնահատուկ է, քանի որ 2020 թվականից հյուրախաղեր եւ մեծ համերգներ չի ունեցել…

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• Սանկտ Պետերբուրգի հանրահայտ Imperial Orchestra-ն Երեւանում կներկայանա միանգամից երկու համաշխարհային շոուներով

  Սանկտ Պետերբուրգի հանրահայտ Imperial Orchestra-ն Երեւանում կներկայացնի երկու վառ համաշխարհային շոուներ՝ Cinema Medley «Interstellar»-ը եւ Cinema Medley «Oppenheimer»-ը․․․

• «Մաշինա վրեմենի» հանրահայտ խումբը համերգ կունենա Երևանում

  «Մաշինա վրեմենի» խումբը, որն այս տարի տոնում է հիմնադրման 55-ամյակը, մեծ համերգային ծրագրով հանդես կգա Երևանում: Համերգը տեղի կունենա ապրիլի 13-ին, Կարեն Դեմիրճյանի անվան մարզահամերգային համալիրում...

• Tiesto-յի համերգը Երեւանում

  Հոլանդացի հայտնի դիջեյ Tiesto-ն համերգով հանդես է եկել մայրաքաղաքում։ Երաժշտին աջակցել են տեղի դիջեյները․․․

• Աֆիշա․ ու՞ր գնալ

  NEWS.am STYLE-ը ներկայացնում է դրանցից ամենահետաքրքիրները․․․

Լեգենդար ջութակահար եւ դիրիժոր Մաքսիմ Վենգերովը նոյեմբերի 28-ին «Երեւանյան հեռանկարներ» 14-րդ միջազգային երաժշտական փառատոնի շրջանակում Երեւանի «Արամ Խաչատրյան» համերգասրահում հանդես կգա մենահամերգով:

Համերգին կմասնակցի նաեւ աշխարհահռչակ դաշնակահար եւ դիրիժոր Վահագն Պապյանը: Երաժիշտների կատարմամբ կհնչեն Բախի, Բրամսի, Դվորժակի, Սեն Սանսի, Պագանինիի եւ մի շարք այլ դասականների ստեղծագործությունները:

Ռուսական ծագմամբ Իսրայելից հայտնի ջութակահար եւ դիրիժոր Մաքսիմ Վենգերովը ծնվել է 1974 թվականին, Նովոսիբիրսկում: 1990թ. նա դարձել է Լոնդոնում անցկացվող Ֆլեշի անվան ջութակահարների մրցույթի դափնեկիր, իսկ 1995 թվականին արժանացել է Իտալիայի Կիջի Ակադեմիայի մրցանակի՝ որպես ականավոր երիտասարդ երաժիշտ:

Երաժիշտը UNICEF-ի էմիսար է եւ նվագել է Ուգանդայի, Հարլեմի, Թայլանդի եւ Կոսովոյի երեխաների համար: 2004թ. Վենգերովը դարձել է «Գրեմմի» մրցանակի դափնեկիր, իսկ 2011թ. վարպետության դաս է անցկացնել Հայաստանում ստեղծված UNICEF-ի մանկական նվագախմբի համար: 

Հայտնի դաշնակահար եւ դիրիժոր Վահագն Պապյանն ավարտել է Մոսկվայի եւ Սանկտ Պետերբուրգի կոնսերվատորիաները: 2006 թվականից նա Իսրայելի Աշդոդի սիմֆոնիկ նվագախմբի գեղարվեստական ղեկավարն է: Պապյանը եւ Վենգերովն արդեն երկար տարիների համագործակցության փորձ ունեն. նրանք միասին հանդես են եկել Եվրոպայում եւ ԱՄՆ-ում, ինչպես նաեւ միասին թողարկել են CD EMI Classic ձայնասկավառակը:

«Երեւանյան հեռանկարներ» միջազգային երաժշտական փառատոնը հայտնի է որպես Հայաստանում տեղի ունեցող վառ երաժշտական իրադարձություն: Դրա շրջանակում Հայաստանի մայրաքաղաքում ելույթ են ունեցել աշխարհահռչակ այնպիսի երաժիշտներ ու կոլեկտիվներ, ինչպիսիք են The King’s Singers-ը, Լոնդոնի սիմֆոնիկ նվագախումբը, Դմիտրի Խվորոստովսկին, Ալեքսեյ Լյուբիմովը, Գորան Բրեգովիչը, Ջո Կոկերը, Պլասիդո Դոմինգոն եւ այլք:

Փառատոնն անցկացվում է Հայաստանի նախագահի բարձր հովանու ներքո:

Հետևեք NEWS.am STYLE-ին Facebook-ում, Twitter-ում և Instagram-ում