Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

«Հայաստանում հաճախ եմ լինում». «Եվրատեսիլ 2022»-ում Էստոնիայի ներկայացուցիչ Ստեֆանն՝ իր հայկական ծագման, Hope երգի ու սիրելի հայ արտիստների մասին

13:25, 16 մարտի

Էստոնիան «Եվրատեսիլ 2022»-ին կներկայացնի ազգությամբ հայ երգիչ Ստեֆան Հայրապետյանը: Ստեֆանը 24 տարեկան է, երգում է փոքր տարիքից, հասցրել է մասնակցել մի շարք երաժշտական մրցույթների, իսկ «Եվրատեսիլ»-ում ներկայանալու հնարավորություն ստացել է` հաղթելով Էստոնիայի հանրային հեռուստաընկերության Eesti Laul մրցույթում: Հայազգի երգիչը մի քանի տարի շարունակ պայքարում էր «Եվրատեսիլ»-ի բեմ դուրս գալու համար, եւ, վերջապես, բախտը նրան ժպտաց 2022-ին` «Hope» երգով, որը երիտասարդ արտիստի խոսքով` առավել քան արդիական է այսօր:

NEWS.am STYLE-ի հետ բացառիկ հարցազրույցում էստոնահայ երգիչը կիսվել է իր էմոցիաներով ու խոսել Հայաստանի հետ սերտ կապի մասին:

Ստեֆանը, պարբերաբար, այցելում է Երեւան, տիրապետում է լեզվին ու այստեղ լինելու շրջանում հյուրընկալվում բարեկամների տանը.

«Թե´հայրս, թե´ մայրս, հայ են: Ես կարողանում եմ խոսել հայերեն. շատ հաճախ եմ լինում Հայաստանում: Հորս կողմից մեր բոլոր բարեկամներն ապրում են այդտեղ»,-պատմում է նա:

Այս տարվա «Եվրատեսիլ»-ին մասնակցության ուղեգիր ստանալուն հայազգի երգիչը վճռական է տրամադրված եղել.

275606402_265933339062591_5883240102322558912_n.jpg (94 KB)

«Իհարկե, Eesti Laul մրցույթին մասնակցել եմ հաղթելու մեծ ցանկությամբ, սակայն պատրաստ էի ցանկացած արդյունքի: Ինձ համար մեծ պատիվ է Էստոնիան «Եվրատեսիլ»-ում ներկայացնելը, հատկապես, երբ իմ երգն այնքան արդիական է աշխարհի ներկայիս իրավիճակում»,-ասում է նա, ու անդրադառնալով իր երգի կարեւորագույն հաղորդագրությանը` հավելում,-«Այս երգով ուզում եմ մարդկանց ուժեղ լինելու եւ երբեք պայծառ ապագայի նկատմամբ հույսը չկորցնելու ոգեշնչում փոխանցել, որպեսզի բոլորն այդ հույսը գործի դնեն: Հուսով եմ` դա կնպաստի, որ մարդիկ ուժ գտնեն չարի դեմ պայքարելու»:

Ստեֆանն ասում է` սիրում է «Եվրատեսիլը», քանի որ այն համախմբում է աշխարհի տարբեր ազգություններն ու մարդկանց,-«Մեր ընտանիքը միշտ հետեւել է մրցույթին ու քվեարկել Հայաստանի օգտին. հուսով եմ` մեր հայ ընկերներն էլ կքվեարկեն Էստոնիայի համար»:

275613792_4848480425262860_6763361152863535954_n.jpg (132 KB)

Երգիչը նշում է, որ մեծ հպարտությամբ է հետեւում մրցույթում հայ մասնակիցների հաջողություններին.

«Ես գիտեմ, որ անցած տարի Հայաստանը հաղթեց «Մանկական Եվրատեսիլ»-ում` Մալենայի գլխավորությամբ, ինչի համար ես, որպես հայ, եւս շատ հպարտ եմ: Կարծում եմ` Մալենան հրաշալի ձայն ունի, եւ ես անչափ ուրախ եմ նրա համար: Հայ արտիստներից նաեւ շատ եմ հավանում Սիրուշոյին»:

Հաճախ արտիստները «Եվրատսիլ»-ին ընդառաջ ունենում են շրջագյություններ. հարցին` որքանո՞վ է հավանական, որ մինչ մրցույթը կհասցնի լինել Հայաստանում, երգիչը պատասխանեց.

275724748_759819398313113_1034914814264425114_n.jpg (93 KB)

«Շատ կցանկանայի գալ ու ելույթ ունենալ Հայաստանում, բայց կարծում եմ` ավելի լավ կլինի դա կազմակերպել «Եվրատեսիլ»-ից հետո: Դրա շուրջ, իհարկե, պետք է բանակցենք Հայաստանից որեւէ կազմակերպչի հետ»:

Ինչ վերաբերում է երգչի մյուս նախասիրություններին` նա նշեց, որ երգելուց բացի նաեւ շատ է սիրում համեղ պատրաստել:

Հավելենք, որ «Եվրատեսիլ 2022»-ը տեղի է ունենալու մայիսի 10-ին, 12-ին ու 14-ին` Իտալիայի Թուրին քաղաքում: Հայաստանը մրցույթում ներկայացնելու է 21-ամյա Ռոզա Լինը:

Սյունե Առաքելյան

Լուսանկարները՝ Ստեֆանի Instagram-ի էջից


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search