Թուրինում երեկ՝ մայիսի 8-ին, կայացել է «Եվրատեսիլ 2022»-ի պաշտոնական բացման արարողությունը, որի շրջանակում մրցույթի՝ 40 երկրների ներկայացուցիչները, ավանդական կարմիր գորգի փոխարեն, քայլել են փիրուզագույն գորգով: Արտիստները լուսանկարվել են ու զրուցել հանդիսավարների հետ՝ կիսվելով իրենց զգացողություններով ու սպասումներով:
Հայաստանի ներկայացուցիչ Ռոզա Լինը միջոցառմանը ներկայացել է դիզայներ Մերի Ստեփանյանի հեղինակած թավշյա կոստյումով, նրան ուղեկցել են «Եվրատեսիլ»-ում Հայաստանի պատվիրակության ղեկավար Դավիթ Ծերունյանն ու Հանրային հեռուստաընկերության հանրային կապերի ու թվային հաղորդակցության ղեկավար Աննա Օհանյանը:
Հանդիսավարներից Գաբրիել Կորզին հետաքրքրվել է՝ ինչպե՞ս է Հայաստանի փոքրիկ քաղաքում ապրող Ռոզա Լինը կարողացել իրականություն դարձնել իր՝ երգչուհի դառնալու մեծ երազանքը.
«Շատ դժվար է, երբ չունես եկամուտ, չունես կապեր, բայց ես, պարզապես, գնացել եմ իմ երազանքի հետեւից»,-պատասխանել է երգչուհին, եւ անդրադառնալով իր Snap երգի գլխավոր հաղորդագրությանը՝ հավելել,- «Ցանկացած դժվարություն ավելի հեշտ կարող ես հաղթահարել, երբ ինքդ քեզ մի փոքր ավելի շատ սկսես սիրել, հոգ տանել ինքդ քո մասին: Եթե ցանկանում ես ինչ-որ բան հարթել կամ շտկել, պարզապես, արա դա, եւ հաջողությունը կժպտա քեզ»:
Ի դեպ, Թուրինում է նաեւ «Մանկական Եվրատեսիլ 2021»-ի հաղթող Մալենան: Նա ոչ միայն սատարում է Ռոզա Լինին, այլեւ իր խոսքով է հանդես գալու մրցույթի ընթացքում:
«Եվրատեսիլ 2022»-ի առաջին կիսաեզարափակիչը տեղի է ունենալու վաղը՝ մայիսի 10-ին, որի շրջանակում ներկայանալու է նաեւ Հայաստանի պատվիրակ Ռոզա Լինը: Երգչուհին ելույթ է ունենալու վերջինը՝ 17-րդ համարի ներքո: Մրցույթի երկրորդ կիսաեզրափակիչը նախատեսված է մայիսի 12-ին, իսկ եզրափակիչը՝ մայիսի 14-ին:
Այս տարի «Եվրատեսիլն» անցկացվում է «Գեղեցկության ձայնը» (The Sound of Beauty) կարգախոսի ներքո:
Սյունե Առաքելյան
Լուսանկարները տրամադրել է Հանրայինի թիմը
Հետևեք NEWS.am STYLE-ին Facebook-ում, Twitter-ում և Instagram-ում
12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում