• Քիմ Քարդաշյանը «կայֆի տակ» որոշել է գնել հարևանի առանձնատունը  

  Քիմ Քարդաշյանը որոշել է վաճառել իր Պալմ Սփրինգսի տունը և գնել հարևանի առանձնատունը՝ կանեփով մարմելադներ փորձելուց հետո։ Անսովոր գաղափարը աստղի մոտ ծագել է ընտանիքի և ընկերների հետ ճանապարհորդության ժամանակ, իսկ գոլֆի մեքենայով իմպրովիզացված էքսկուրսիան և ուրիշի տարածք ներխուժումը նրան օգնել են իրականացնել դա...

• Համբույր շուրթերին բոլորի աչքի առաջ. Քայլի Ջեները ցնցել է հանրությանը քրոջ՝ Քենդալի հետ իր չարաճճիություններով  

  «Համբուրիր ինձ։ Արի՛, համբուրիր ինձ», - գոռում է Քենդալը...

• Քորթնի Քարդաշյանը հերքել է Թրևիս Բարքերից բաժանվելու մասին լուրերը  

  Քորթնի Քարդաշյանը անդրադարձել է սոցիալական ցանցերում շրջանառվող լուրերին, թե ինքը բաժանվել է ամուսնուց՝ Թրևիս Բարքերից: Ռեալիթի շոուի աստղը կտրականապես հերքել է այն լուրերը, որ զույգը բաժանվել է և այլևս միասին չի ապրում...

• Մադոննայի դուստրը մերկացել է նոր սինգլի համար. Լուրդես Լեոնը մասնակցել է սադրիչ ֆոտոսեսիայի  

  30-ամյա Լուրդես Լեոնը՝ փոփ աստղ Մադոննայի դուստրը, որոշել է ուշադրություն հրավիրել իր նոր՝ «Tramp Stamp» երգի վրա՝ բավականին բացահայտող ձևով: Երգչուհին, որը հանդես է գալիս բեմական LolaLeon անվամբ, ներկայացրել է սադրիչ ֆոտոսեսիա, որում գրեթե ոչինչ չի թողել երևակայությանը...

• Ստալոնեն բացահայտել է, թե ինչպես է ավարտվել Շվարցենեգերի հետ իր երկարատև թշնամությունը. նրա մուտքը քաղաքականություն որոշեց ամեն ինչ  

  Սիլվեստր Ստալոնեն բացահայտել է, որ Արնոլդ Շվարցենեգերի հետ իր երկարատև մրցակցությունն ավարտվել է ընդամենը երկու տասնամյակ անց՝ «Տերմինատոր» ֆիլմի աստղի որոշումից հետո...

• Քանյե Ուեսթի ընտանեկան զբոսանքը. Նորթը զարմացրել է գոթական կերպարով, իսկ Բիանկան՝ համարձակ բոդիով  

  Քանյե Ուեսթը անակնկալ ընտանեկան հավաքույթ էր կազմակերպել Լոս Անջելեսում կայացած իր վերջին Yeezy շոուի ժամանակ: Ռեփերը միջոցառմանը մասնակցել է իր նախկին կնոջ՝ Քիմ Քարդաշյանի հետ ունեցած չորս երեխաների, ինչպես նաև ներկայիս կնոջ՝ Բիանկա Սենսորիի հետ...

• Միլիոններ արժեցող սեքս-սկանդալ. Ռասել Բրենդը կարող է կորցնել ամեն ինչ՝ մեղադրական դատավճռից հետո  

  Բրիտանացի դերասան և կատակերգու Ռասել Բրենդը կարող է առաջիկա շաբաթներին նոր մեղադրանքների բախվել բռնաբարության համար: Հինգշաբթի օրը դատարանը նրան մեղավոր է ճանաչել երեք կանանց նկատմամբ կատարված չորս սեռական հանցագործությունների մեջ: 51-ամյա արտիստին այժմ սպառնում է բազմամյա ազատազրկում, իսկ նրա մոտավորապես 16 միլիոն ֆունտ ստեռլինգ (մոտ 21 միլիոն դոլար) կարողությունը կարող է վտանգվել Մեծ Բրիտանիայում և ԱՄՆ-ում քաղաքացիական հայցերի պատճառով...

• «Մոդելների մարմինները կեղծ են թվում». նորաձևության ապրանքանիշին մեղադրվել են կերպարները ռետուշելու համար ԱԲ օգտագործելու մեջ, ինտերնետը վրդովված է  

  Ֆիթնես մարզիչ Ջեքսոն Ջոնսոնը, որը հայտնի է անիրատեսական գեղեցկության չափանիշները քննադատելով, ուշադրություն է հրավիրել տարօրինակ մանրամասների վրա: Գովազդները վերլուծող նրա տեսանյութը հավաքել է ավելի քան 1.2 միլիոն դիտում...

50 Cent-ի երեւանյան համերգն արդեն անցյալում է, բայց դրա մասին դեռ երկար կխոսեն, մանավանդ, որ ռեփերն ինքն էլ մի քանի հրապարակմամբ սիրով անդրադարձել էր Հայաստանին։ Համաշխարհային աստղը տարածաշրջանում առաջին անգամ էր ներկայանում համերգով, ու դա տեղի ունեցավ հենց մեր հայրենիքում, ինչը դարձավ աննախադեպ իրադարձություն Հայաստանի համար։ Ոմանք, մինչ ռեփերի Երեւան ժամանելը, դեռ կասկածներ ունեին՝ արդյոք նա կգա՞ր, թե՞ կփոշմաներ, ինչպես եղել էր նախկինում՝որոշ աստղերի դեպքում։ Բայց նա եկավ ու իր հետ բերեց երկրպագուների հոսք մի շարք երկրներից, իսկ Հայաստանում գտնվող զբոսաշրջիկների համար նրա այցը կրկնակի տոն դարձավ։

50 Cent-ը Հայաստան էր ժամանել «ՀԱՅԱ» փառատոնի հրավերով։ Փառատոնի հիմնադիր Սոնա Հովհաննիսյանը բազմիցս նշել էր, որ նմանօրինակ համերգների նպատակը ոչ միայն քաղաքում տոնական տրամադրություն ստեղծելն է, այլեւ՝ աշխարհի ուշադրությունը Հայաստանի վրա սեւեռելը։ NEWS.am STYLE-ի հետ զրույցում Սոնան տեղեկացրեց, որ ընդհանուր առմամբ 50 Cent-ի համերգին ներկա է եղել շուրջ 12 հազար հանդիսատես, որոնց զգալի մասը եղել են զբոսաշրջիկներ եւ հատուկ ռեփերի համերգին մասնակցելու համար դրսից ժամանած հյուրեր, որոնց շարքում էին նաեւ ռուսական եւ արտասահմանյան շոու-բիզնեսից հայտնի ներկայացուցիչներ ու բլոգերներ։ Սոնան հավելեց, որ մինչ օրս նամակներ է ստանում տարածաշրջանի մի շարք երկրներից, որոնցում հետաքրքրվում են՝ այդ ինչպե՞ս ստացվեց, որ նման մասշտաբի աստղը ելույթ ունեցավ հենց Հայաստանում։

«Դա մեր բանակցությունների, մեր հեղինակության շնորհիվ էր․ այն, ինչ ցանկացանք սրտացավորեն անել մեր երկրի համար, ստացվեց։ Սա շատ մեծ ալիք էր, չգիտեմ՝ Հայաստանը որքան գումար պետք է ծախսեր, որ այսպիսի գովազդ լիներ մեր երկրի համար։ 50 Cent-ն էլ իր էջում մի քանի նյութ էր տեղադրել Հայաստանի մասին, ինչը եւս շատ տպավորիչ էր։ Արդյունքները, կարծում եմ, ընթացքում էլ ակնհայտ կդառնան, սա շատ մեծ քայլ էր, որի արձագանքը դեռ երկար ենք ստանալու՝ մեկը մյուսին հետեւող առաջարկներով ու տուրիզմի հոսքով։ Մեզ ամեն օր տուրիստական տարբեր ընկերություններ են դիմում, համերգից ընդամենը մի քանի օր է անցել, բայց այդ պրոցեսը շատ ակտիվ առաջ է գնում»,-ոգեւորությամբ նկատեց նա՝ ուրախությամբ շեշտելով, որ իրենց սպասված արդյունքն արդարացված է․

«Առաջին տարին էր փառատոնի, ու մենք ի սկզբանե համարում էինք, որ եթե 20 հազար մասնակից ունենանք, արդեն ողջունելի կլինի, իսկ Զազի ու 50 Cent-ի համերգների մասնակիցների թիվն արդեն մոտ 20 հազար է, ինչը շատ ուրախալի է։ «ՀԱՅԱ»-ի հիմնական նպատակը Հայաստանի բրենդավորումն է, մեր երկրի ճանաչելիությանն ու զբոսաշրջության զարգացմանը նպաստելը, որ հենց այս փառատոնի համար մեծաքանակ զբոսաշրջիկներ այցելեն Հայաստան։ Կարծում եմ՝ այս պահի դրությամբ դա մեզ մոտ ստացվեց, իսկ շարունակությունը չենք ուշացնի»։

Ի դեպ, հայաստանյան  ջերմ ընդունելությունն ու ակտիվությունը վարակում են նաեւ այստեղ ժամանած աստղերին։ Սոնա Հովհաննիսյանի խոսքով՝ Զազի՝ համերգի ընթացոում հայերեն տեքստեր կարդալն անակնկալ էր, նույնիսկ, իրենց համար։ Պարզվում է՝ երգչուհին սեփական նախաձեռնությամբ ցանկացել է ոգեւորել հայերին․ ինքնուրույն կապվել է թարգմանչի հետ ու խնդրել իրեն օգնել այդ հարցում։ Երգչուհին նաեւ որոշել է, որ դուդուկով ոչ թե մեկ, այլ միանգամից երեք կատարմամբ պետք է հանդես գա։

Ինչ վերաբերում է 50 Cent-ին, ռեփերի մենեջերական թիմը ցանկացել էր հնարավորինս փակ պահել նրա այցի մանրամասները, ինչի արդյունքում լրագրողների հետ աստղն այդպես էլ չհանդիպեց, բայց NEWS.am STYLE-ին, այնուամենայնիվ, հաջողվեց «բռնացնել» նրան օդանավակայանում ու ֆիքսել բարձր տրամադրությունը։ Կազմակերպիչները եւս հնարավորություն չեն ունեցել նրա հետ երկար շփվելու, քանի որ ռեփերը կարճ ժամանակով էր Երեւանում։ Սոնա Հովհաննիսյանը ռեփերին հանդիպել է մի քանի րոպեով, փոխանցել հատուկ նրա համար պատրաստված զարդն ու զրուցել տպավորությունների մասին․

«Ես մինչ նրա գալն էլ զգում էի, որ խոսքը ջերմ եւ էմոցիոնալ մարդու մասին է, եւ այդ ջերմությունն ակնհայտ դարձավ Հայաստանին այդպիսի վերաբերմունք ցույց տալով։ Նա շատ հայտնի եվրոպական քաղաքներում է համերգներ ունեցել, սակայն որեւէ մեկի հրապարակման մեջ նշված չէ՝ «Ես կվերադառնամ», ինչը նշանակում է, որ մեր երկիրը շատ է սիրել։ Ես նրան մի քանի րոպեով եմ հանդիպել, քանի որ նրա մենեջերական թիմը շատ փակ էր նրան պահում։ Սա առաջին դեպքն էր, որ արտիստին, նույնիսկ, ճաշի չենք կարողացել հրավիրել համերգից հետո, իսկ, սովորաբար, մենք այդպես ենք անում։ Բայց կարճ հանդիպման ժամանակ ես նրան նվեր փոխանցեցի՝  հայ վարպետների կողմից պատրաստված մատանի, քանի որ մի քանի օրից նրա տարեդարձն էր լինելու, եւ դա իր համար շատ անսպասելի էր։ Մենք մեկ ամիս առաջ էինք ծրագրել այդ անակնալը, եւ կարծում եմ՝ նման վերաբերմունքը եւս մեծ նշանակություն ունի, իսկ օրերս նրա մենեջերների կողմից նամակ ստացանք, որտեղ գնահատական էին հայտնել նաեւ տեխնիկական պատրաստվածության մասին՝ նշելով, որ Հայաստանը համարվել է իրենց շրջագայության լավագույն երկրներից մեկը։ Իրականում պատասխանատվությունը մեծ էր, քանի որ այդպիսի շոու Հայաստանում դեռեւս չէր եղել։ Ցավոք, 50 Cent-ը ոչ մի վայր չի այցելել ժամանակի սղության պատճառով, բայց երբ ափսոսանք հայտնեցի, որ համերգից հետո չենք կարող իրենց ճաշի հրավիրել, նա վստահորեն ասաց՝ «Բայց ես վերադառնալու եմ»»։

Առջեւում փառատոնի հաջորդ համերգն է, որի կենտրոնում այս անգամ Led Zeppelin Symphonic նախագիծն է։ Հրազդան մարզադաշտը նրանց հյուրընկալելու է հուլիսի 9-ին։ Բայց այսքանով «ՀԱՅԱ»-ն չի ավարտելու ոգեւորության ալիքը։ Փառատոնի հիմնադրի խոսքով՝ արդեն պատրաստվում են աշնանային համերգներին։ Ունեն նոր պայմանավորվածություններ ամենասպասված արտիստներից եւս մի քանիսի՝ Ջենիֆեր Լոպեսի, Էնրիկե Իգլեսիասի եւ Շակիրայի հետ։ 

«Մենք արդեն պայմանագրային փուլում ենք, հուսով եմ՝ մոտ օրերս պայմանագիրը կստորագրվի, որովհետեւ բանակցություններն արդեն այդ կետին են հասել, եւ երբ դա լինի, պաշտոնապես կհայտարարենք այդ մասին»։

Սյունե Առաքելյան
Լուսանկարները՝ Արսեն Սարգսյանի
Տեսանյութերը՝ Մելինե Տոնոյանի եւ Հայկ Տոնոյանի

Հետևեք NEWS.am STYLE-ին Facebook-ում, Twitter-ում և Instagram-ում