• «Ես պետք է այստեղ բնակարան գնեմ». «Եվրատեսիլ 2026»-ի հաղթող DARA-ն Coca-Cola Fest 2026-ի բեմից պատմել է Հայաստանից ստացած իր տպավորությունների մասին

  «Եվրատեսիլ 2026»-ի հաղթող բուլղարացի փոփ երգչուհի DARA-ն (Դարինա Յոտովա) դարձավ Coca-Cola Fest 2026-ի գլխավոր միջազգային աստղերից մեկը Հայաստանում…

• «Գրեմմի 2026». Անակնկալներ, վիրավորվածություն և ռեփի հաղթանակը

  Մինչ Քենդրիկ Լամարը վստահորեն գլխավորում է անվանակարգերի ցանկը, և ռեփը վերջապես կենտրոնական տեղ է գրավել Գրեմմիում, շատ երկրպագուներ և քննադատներ քննարկում են անվանակարգերի ցանկի անսպասելի շրջադարձերը…

• Imperial Orchestra-ն՝ կրկին Երևանում. հրաշալի սիմֆոնիկ շոու CINEMA MEDLEY-ն՝ այս անգամ Սյուզաննա Մելքոնյանի կատարմամբ

  Սեպտեմբերի 7-ին Կարեն Դեմիրճյանի անվան մարզահաերգային համալիրում կրկին կհնչի «CINEMA MEDLEY» նախագիծը՝ սիմֆոնիկ նվագախմբի կատարմամբ ամենամեծ և ամենաէմոցիոնալ սաունդթրեքային շոուներից մեկը…

• Սիմֆոնիկ ԿԻՆՈ. Վիկտոր Ցոյի հիթերը՝ նվագախմբի նվագակցությամբ Դեմիրճյանի անվան մարզահամերգային համալիրի բեմում  

  2025 թվականի մայիսի 25-ին Երևանում կկայանա «Սիմֆոնիկ ԿԻՆՈ» համերգը, որի ընթացքում կուլտային խմբի երաժշտությունը կհնչի նոր, նվագախմբային հնչողությամբ...

• Իսպանացի լենգենդար սոպրանո Այնոա Արտետան առաջին անգամ ելույթ կունենա Հյաստանում    

  Իսպանացի լենգենդար սոպրանո Այնոա Արտետան իր գլխապտույտ համաշխարհային կարիերայի ընթացքում առաջին անգամ ելույթ ունենա Հյաստանում: Արտետան հանդես կգա ‹‹Ես գալիս եմ Իսպանիայից›› խորագրով համերգով, մայիսի 18-ին, ‹‹Արամ Խաչատրյան›› համերգասրահում՝ անվանի դաշնակահար Վիկտոր Կարբախոյի նվագակցությամբ...

• Վյաչեսլավ Բուտուսով. «Հիմա իմ խնդիրն իմ ուղերձներում կրքերից ազատվելն է»

  Ռուս ռոք երաժիշտ Վյաչեսլավ Բուտուսովը Երևանում կայանալիք համերգից առաջ համաձայնել է պատասխանել NEWS.am STYLE-ի մի քանի հարցերի․․․

• Դասականի եւ ռոքի բախում. լեգենդար Hooverphonic ռոք խումբը ելույթ կունենա Երեւանում՝ Հայաստանի ֆիլհարմոնիկ նվագախմբի հետ

  «Երբ առաջին անգամ ժամանում ես նոր երկիր, դա նման է գեղեցիկ կնոջ հետ առաջին հանդիպմանը»,-ասում է Ալեքս Քալիերը՝ բելգիական Hooverphonic կուլտային խմբի հիմնադիրը․․․

• Ջենիֆեր Լոպեսն առաջին անգամ ելույթ կունենա Հայաստանում՝ իր Up All Night համաշխարհային շրջագայության շրջանակում

  Ջենիֆեր Լոպեսն իր «Up All Night» համաշխարհային շրջագայության շրջանակում առաջին անգամ ելույթ կունենա Հայաստանում…

Երեւանի «Speakeasy Restaurant & Cocktail Bar»-ում նոյեմբերի 22-ին կայացավ «Johnnie Walker Cocktail» բարմենների մրցույթը։ Այն Հայաստանում անցկացվում էր առաջին անգամ՝ Բարմենների հայկական ասոցիացիայի եւ Johnnie Walker ապրանքանիշի նախաձեռնությամբ: Մրցույթն անցկացվեց 3 փուլով: Մասնակցում էին ավելի քան 100 բարմեններ, որոնցից կիսաեզրափակիչ անցան 20-ը, իսկ եզրափակիչ՝ 6-ը:

«Մասնակիցներից պահանջվում էր պատրաստել «speakeasy» ոճով եւ Johnnie Walker վիսկիների հիմքով կոկտեյլ, հագնել 1920-ականների ամերիկյան ոճին բնորոշ համազգեստ, կոկտեյլի ներկայացման ընթացքում ստեղծել 1920-ականների Ամերիկային համահունչ մթնոլորտ»,- մեզ հետ զրույցում ասաց Բարմենների հայկական ասոցիացիայի նախագահ Տիգրան Ավետիսյանը:

Նշենք, որ Տիգրան Ավետիսյանը նաեւ ժյուրիի անդամ էր: Ժյուրիի կազմում ընդգրկված էին նաեւ SPRING PR ընկերության համահիմնադիր Տաթեւիկ Սիմոնյանը եւ պրոդյուսեր, հաղորդավար Հակոբ Հակոբյանը: Եզրափակիչ դուրս եկած մասնակիցները՝ Նարեկ Բաղդասարյանը, Արմեն Մելիքյանը, Հրանտ Սահակյանը, Զորիկ Վարդանեսյանը, Արտին Դավթյանը եւ Մերուժան Պետրոսյանը, թեեւ փոքր-ինչ  հուզված էին, բայց հետաքրքիր եւ յուրօրինակ ձեւով մատուցեցին իրենց կոկտեյլները:

Յուրաքանչյուրն ինչ-որ չափով եւ ինչ-որ խորհրդանիշով ամերիկյան մթնոլորտ ստեղծեց: Ինչպես ժյուրին, այնպես էլ մյուս ներկաները գոհ էին եւ ծափերով ոգեւորում էին մասնակիցներին: «Բոլորի պատրաստած կոկտեյլներն էլ առանձնանում էին իրենց յուրահատկությամբ: Անկեղծ ասաց, նման միջոցառմանն առաջին անգամ էի մասնակցում որպես ժյուրի: Իմ կարծիքով՝ կարողացա ըստ արժանվույն, օբյեկտիվ գնահատել: Ներկայացվող կոկտեյլները գնահատում էինք հետեւյալ չափորոշիչներով. կոկտեյլի տեսքը, բույրը եւ համը, բարմենների ստեղծագործականությունը եւ համազգեստը, բանավոր ներկայացումը: Անկախ նրանից, թե ով կհաղթի, ասեմ, որ ինձ շատ դուր եկավ վերջին մասնակիցը՝ Մերուժան Պետրոսյանը, ով իր կերպարով, յուրահատուկ կոկտեյլով առանձնացավ: Նա իսկապես կարողացավ ամերիկյան շունչ ապահովել»,- ասաց ժյուրիի անդամներից Տաթեւ Սիմոնյանը:

Վերջապես հանդիսավարը հայտարարեց հաղթողի անունը. «Եվ այսպես, «Johnnie Walker Cocktail» մրցույթի հաղթողն է Մերուժան Պետրոսյանը»: Ներկաները բուռն ծափերով եւ բացականչություններով ողջունեցին հաղթողին:

«Նախ շնորհակալ եմ նախաձեռնողներին՝ այսպիսի միջոցառում կազմակերպելու համար: Ես արդեն երկրորդ անգամ եմ մասնակցում այսպիսի մրցույթի: Անկեղծ ասած՝ չէի սպասում, որ կհաղթեի, քանի որ շատ լավ մասնակիցներ կային: Ամեն ինչ արել էի, որ ամերիկյան մթնոլորտ ստեղծեի, ինչն ինձ մոտ ստացվեց: Կոկտեյլը կոչվում է «AntiSTRESS»: Ինչո՞ւ «AntiSTRESS». որովհետեւ 20-ականներին Ամերիկայում սկսեցին արգելել ալկոհոլ օգտագործել, իսկ մարդիկ այդ ժամանակ սթրեսի մեջ էին»,- ասաց Մերուժանը, ով ամերիկյան 20-ականների շունչը հաղորդել էր հետաքրքիր եւ ժյուրիի համար անսպասելի դետալներով. թեյնիկ, 1 դոլարանոցներ, իսկ ամենակարեւորն ու աչքի զարնողը նրա հետեւում դրված Ամերիկայի դրոշն էր:

«1920-ականներին Ամերիկայում թույլ չէին տալիս ալկոհոլ օգտագործել, մարդիկ այն թաքուն էին օգտագործում, օրինակ, թեյնիկի մեջ էին ավելացնում եւ այդպես թեյ էին մատուցում»,- նշեց Մերուժանը:

Իսկ 1 դոլարանոցները սկուտեղի վրա կոկտեյլի հետ Մերուժանը մատուցեց ժյուրիին՝ կեսկատակ-կեսլուրջ ասելով. «Սա էլ որպես կաշառք»: «Johnnie Walker Cocktail» մրցույթի հաղթողը` լավագույնը ճանաչված բարմենը, որպես մրցանակ ստացավ 2014 թվականի հոկտեմբերի 1-4-ը Մոսկվայում կայանալիք Moscow Bar Show-ի մասնակցության ուղեգիր: Հյուրանոցի, Երեւան-Մոսկվա-Երեւան չվերթի, ինչպես նաեւ ընթացիկ ծախսերը կհոգա Johnnie Walker ապրանքանիշը:

Մելինե Տոնոյան

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում