Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Քրիստինա Ագիլերայի երեւանյան մենահամերգի առաջին մանրամասները, Ջենիֆեր Լոպեսի այցի հետաձգման պատճառն ու «ՀԱՅԱ» փառատոնի մյուս անակնկալները (ֆոտո)

15:37, 26 օգոստոսի

Աշնանը Հայաստանը կրկին կհայտնվի աշխարհի երաժշտասերների ուշադրության կենտրոնում։ «ՀԱՅԱ» փառատոնը, շարունակելով հանդիսատեսին զարմացնելու իր առաքելությունը, այս անգամ Երեւանում կյուրընկալի աշխարհահռչակ երգչուհի, «Գրեմմիի» վեցակի մրցանակակիր Քրիստինա Ագիլերային։ 

«Beautiful», «Fighter», «The Voice Within», «You Lost Me», «Hurt», «Candyman» եւ այլ հիթերի կատարող 41-ամյա երգչուհու երեւանյան առաջին մենահամերգը կկայանա հոկտեմբերի 22-ին՝ Հրազդան մարզադաշտում։ Ավելի վաղ, սակայն, խոսվում էր այն մասին, որ փառատոնի առաջիկա հյուրերը լինելու են Ջենիֆեր Լոպեսը, Էնրիկե Իգլեսիասը եւ Շակիրան։ Թե ինչու նշված արտիստների համերգները հետաձգվեցին ու ինչպես ստացվեց պայմանավորվածությունը Ագիլերայի հետ, «ՀԱՅԱ» փառատոնի հիմնադիր Սոնա Հովհաննիսյանը բացահայտել է NEWS.am STYLE-ի հետ զրույցում։

301389513_161588366531185_8334034917970791177_n.jpg (57 KB)

Սոնայի խոսքով՝ Ջեննիֆեր Լոպեսն, իսկապես, պետք է ելույթ ունենար հոկտեմբերին, սակայն երգչուհու եւ Բեն Աֆլեքի ամուսնությունը փոխեցին նրա նախնական ծրագրերը։

«Մենք արդեն ունեինք նախապես պայմանավորված օրեր Ջենիֆեր Լոպեսի հետ, բայց նրա անձնական կյանքի փոփոխությունները, ճամփորդությունների ծրագրերն ու նաեւ նոր ֆիլմի նկարահանումները պատճառ դարձան, որ նրա այցը տեղափոխվի հաջորդ տարի։ Իրականում այդ երեք արտիստների հետ բանակցություններն էլ դրական ընթացք ունեն, կարծում եմ՝ հաջորդ տարի արդեն նրանց կհյուրընկալենք Հայաստանում»։

Անդրադառնալով Ագիլերայի աշնանային այցին՝ փառատոնի հիմնադիրը նշեց, որ այդ ամենը հնարավոր դարձավ երկարատեւ բանակցությունների շնորհիվ․ հատկանշական է նաեւ այն փաստը, որ հայաստանյան համերգը բացառիկ է լինելու․ երգչուհին տարածաշրջանում այլ համերգներ չի ունենալու։

248218938_10157361862292824_7255875533250632497_n.jpg (236 KB)

«Չեմ կարող ասել, թե բանակցությունները հեշտ են տրվել, քանի որ Հայաստանն իրենց շրջագայությունների քարտեզում չկա, բայց մենք աշխատում ենք այն ուղղությամբ, որ մեր երկիրը հայտնի դառնա նաեւ՝ որպես փառատոնային կենտրոն, դրական էմոցիաների ու հեռանկարների գրավական։ Մեր ջանքերն ուղղված են նրան, որ մեր երկրի բազմաթիվ ոլորտներ շահեն «ՀԱՅԱ»-ի գործունեությունից»։

Եթե 50 Cent-ի՝ Հայաստան այցելությանը հանրությունը թերահավատորեն էր մոտենում, ապա նրա այցից հետո Ագիլերայի համերգի լուրը միանգամից ընդունվեց դրական էնտուզիազմով․ Սոնայի խոսքով՝ սա եւս մեծ առաջընթաց է փառատոնի գործունեության մեջ․

ARS_0041.JPG (196 KB)

«Մարդկանց մոտ այդ թերահավատությունը կոտրվել է։ Սա արդեն շատ մեծ քայլ է։ Այն, ինչ մենք անում ենք, պատմական է․ Հայաստան այցելեց առաջին հիփ-հոփ աստղերից մեկը, իսկ աշնանը ելույթ կունենա նման մասշտաբի երգչուհի։ Արդեն հայտնի են նաեւ համերգի ձեւաչափն ու հյուրերը, սակայն դրա մասին կհայտարարենք հաջորդ շաբաթ»։

Ի տարբերություն ամառային համերգաշրջանի, աշնանը փառատոնը կունենա միայն մեկ աստղային համերգ, մյուս համերգները սպասվում են հաջորդ տարվա ընթացքում․

ARS_8835.JPG (113 KB)

«Զուգահեռ աշխատում ենք հաջորդ տարվա ծրագրի շուրջ։ Նախնական պայմանավորվածությամբ՝ Էնրիկե Իգլեսիասի համերգը նախատեսված է մայիսին, Շակիրայինը՝ հոկտեմբերին, իսկ Ջենիֆեր Լոպեսից դեռ սպասում ենք օրերի հստակեցման»։

Համացանցում արդեն շտապում են գուշակել, թե որքան կարժենան Ագիլերայի համերգի տոմսերը։ Սոնան առայժմ կոնկրետ թվեր չնշեց, բայց խոստացավ, որ առաջին պատվիրատուների համար կլինեն զեղչեր։

ARS_0232.JPG (158 KB)

«Երկուշաբթի կբացենք տոմսերի վաճառքը, կհայտարվեն նաեւ գները: Առաջին մեկ ամսվա ընթացքում մարդիկ նախատեսվածից կես գնով մատչելի կկարողանան ձեռք բերել տոմսերը։ Այդպիսով ցանկանում ենք մեր հայրենակիցերին հնարավորություն տալ առաջինը ձեռք բերել դրանք ու ավելի մատչելի գնով»։ 

Չնայած նորաստեղծ լինելուն՝ «ՀԱՅԱ»-ն արդեն հասցրել է դառնալ Հայաստանի ամենահեղինակավոր ու սպասված փառատոններից մեկը, որի շնորհիվ հայ հանդիսատեսը հնարավորություն է ստանում վայելելու համաշխարհային ճանաչում ունեցող արտիստների կենդանի ելույթները հենց Երեւանի կենտրոնից։ Փառատոնի շրջանակում ամռան սկզբին համերգներով հանդես են եկել ֆրանսիացի հայտնի երգչուհի Զազը, ռեփեր 50 Cent-ը՝ G-Unit խմբի հետ եւ Led Zeppelin Symphonic նախագիծը։

Սյունե Առաքելյան
Լուսանկարները՝ Քրիստինա Ագիլերայի, «ՀԱՅԱ»-ի ֆեյսբուքյան էջերից եւ Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել