Որքան հաճելի է դիտել ֆիլմն ու տիտրերում կարդալ հայկական անուններ։ Ուշադիր եւ համբերատար լինելու դեպքում, ի դեպ, բավական հաճախ կարող եք նման երեւույթի հանդիպել։ Մեր հայրենակիցներից շատերը, պարբերաբար, փայլում են հոլիվուդյան էկրաններից, իսկ ոմանք նախընտրում են կադրից դուրս աշխատանքը։
NEWS.am STYLE-ը ներկայացնում է ամերիկյան արտադրության մի քանի հայտնի կինոնկար, որոնց ստեղծման գործում մեծ ներդրում են ունեցել ազգությամբ հայ պրոդյուսերները։
Որքան էլ անհավատալի թվա՝ Ջեկի Չանի ու Քրիս Թաքերի մասնակցությամբ ամենահայտնի ու սիրելի ֆիլմաշարերից մեկի՝ «Պիկ ժամի»/Rush Hour պրոդյուսերական կազմում է եղել նաեւ մեր հայրենակից Արթուր Սարկիսյանը։ Ամերիկահայ պրոդյուսերը նախկինում եղել է դիզայներ, ավելի ուշ նա հիմնադրել է իր պրոդյուսերական ընկերությունը։
Սարկիսյանը հանդիսանում է շատ այլ հայտնի ֆիլմերի պրոդյուսեր, որոնց թվում են՝ «Մինչ դու քնած էիր»/While You Were Sleeping, «Ինչպես թալանել բանկ»/How To Rob a Bank եւ այլն։ Այս տարվա ապրիլին էկրաններ բարձրացավ պրոդյուսերի «Հիշողություն»/Memory ֆիլմը, որի գլխավոր դերերում նկարահանվել են Լիամ Նիսոնը, Մոնիկա Բելուչին, Գայ Փիրսը եւ այլ ճանաչված դերասաններ։
2020 թ-ին էկրաններ բարձրացավ փակի տակ պահվող աղջկա եւ նրա՝ տարօրինակ պահվածք դրսեւորող մոր մասին՝ «Վազիր»/Run ֆիլմը, որտեղ գլխավոր դերում հանդես է եկել «Ամերիկյան սարսափ պատմություն»/American Horror Story եւ Ռետչեթ/Ratchet սերիալներից հայտնի դերասանուհի Սառա Փոլսոնը։ Ֆիլմի պրոդյուսերներն ամերիկահայ ամուսիններ Սեւակ Օհանյանն ու Նատալի Քասաբյանն են։
Զույգը նաեւ զբաղվել է «Որոնում»/Searching եւ այլ ֆիլմերի պրոդյուսինգով։
«Ողբերգություն բերող աղջիկները»/Tragedy Girls ֆիլմը մեծ էկրաններ է բարձրացել 2017 թ-ին։ Այն երկու ընկերուհիների մասին է, որոնք հանուն մեծաքանակ «լայքերի»` իրենց բլոգում որոշում են զետեղել իրական սպանությունների մասին պատմություններ։
Ֆիլմի գլխավոր դերերում հանդես են գալիս Ալեքսանդրա Շիփն ու Բրիաննա Հիլդբրենդը, պրոդյուսերական թիմի կազմում են մեր հայրենակիցները՝ Արմեն Աղայանը, Էդվարդ Մոխթարյանն ու Էրիկ Բաքթանյանը։
2022-ին էկրաններ բարձրացած յուրահատուկ ու հետաքրքիր՝ «Կլոն»/Dual ֆանտաստիկ թրիլերի պրոդյուսերական կազմում է ամերիկահայ Արամ Թերձակյանը։
Ֆիլմը մի աղջկա մասին է, որի մոտ հազվադեպ հիվանդություն է ախտորոշվում։ Երբ բժիշկները ոչ մի դրական արդյունք չեն խոստանում, հերոսուհին որոշում է դիմել կլոնավորման, որպեսզի իր մահից հետո մայրն ու սիրելին իրենց միայնակ չզգան։ Սակայն ավելի ուշ աղջկա առողջական վիճակում դրական փոփոխություններ են նկատվում, եւ նա ամբողջովին ապաքինվում է։ Հերոսուհու ու կլոնի միջեւ մրցակցություն է առաջանում, եւ նրանցից միայն մեկը պետք է իրավունք ստանա ապրելու։
Թերձակյանը նաեւ «Հեռավոր տիեզերք»/Stowaway ֆիլմի պրոդյուսերներից է։ Այս տարի նախատեսվում է պրոդյուսերի մեկ այլ՝ «Կործանում»/Havoc ֆիլմի պրեմիերան, որի գլխավոր դերում հանդես է գալիս Թոմ Հարդին։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ