Spice Girls խմբի նախկին անդամ Մել Սին խոստովանել է, որ այն օրերին, երբ խումբն իր փառքի գագաթնակետին էր, դեպրեսիա եւ սնվելու հետ կապված խանգարումներ է ունեցել ու գրեթե ինքնասպանության է հասել: Բրիտանական Daily Mail պարբերականը հրապարակել է նախկինում արված հարցազրույցից հատվածներ:

48-ամյա Մելանի Չիշոլմը անկեղծ հարցազրույց է տվել, որում ասել է, որ խմբի հանրաճանաչ լինելը բացասաբար է անդրադարձել իր հոգեկան եւ ֆիզիկական առողջության վրա: Նա նշել է, որ խմբի անդամներն ամեն ինչում ենթարկվել են մենեջերներին, որոնք հաճախ քննադատել են աղջիկներին`մասնավորաբար ավելորդ քաշի համար:

«Սկզբում ես ստիպված էի իմ սննդակարգից հեռացնել որոշ մթերքներ։ Հետո գրեթե հրաժարվեցի ճարպերից, սակայն հիմնական թշնամին ածխաջրերն էին»,- ասել է նա:

View this post on Instagram

A post shared by Melanie C / Mel C (@melaniecmusic)

Նա նշել է, որ որոշ ժամանակ դաշտանային խնդիրներ է ունեցել, քանի որ անորեքսիայով է տառապել: Ավելի ուշ սկսել է վախենալ մահից, որից հետո դիմել է բժշկի եւ նրա մոտ դեպրեսիա, անորեքսիա եւ ագորաֆոբիա է ախտորոշումվել:

Չնայած ամեն ինչին, նախկին երգչուհին սիրով է հիշում Spice Girls-ին անդամակցելու ժամանակները։

«Ես այդ ժամանակները բացասաբար  չեմ ուզում հիշել, սակայն ինձ համար կարեւոր է անցյալի մասին խոսելը», - նշել է երգչուհին:

Հետևեք NEWS.am STYLE-ին Facebook-ում, Twitter-ում և Instagram-ում