• Առաջին կինը, որը ստեղծում էր էրոտիկ նկարներ. Վերածննդի դարաշրջանի նկարչուհի Լավինիա Ֆոնտանայի պատմությունը

  Իր կենդանության օրոք նա համարվում էր տաղանդավոր դիմանկարիչ, որին վարձում էին ազդեցիկ կարդինալները, իսկ նրա նկարները զարդարում էին իտալական ազնվականության տները․․․

• Պլասիդո Դոմինգոն ներկայացրել է կադրեր՝ Երևանում կայանալիք համերգի փորձից

  Այսօր՝ հոկտեմբերի 16-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգը․․․

• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երևանը, որ այսպես նայում ես, Հռոմից ոչ միայն հին չէ, այլև շատ նոր քաղաք է

  Երևանը միայն քարտեզի վրա նշված քաղաք չէ․ այն հիշողություն է, պատմություն, սեր ու երազանք՝ միավորված մեկ անվան մեջ...

• Արգենտինայի համը Երևանի սրտում. դեսպանատունը ներկայացրեց գինիներ, որոնք արժե փորձել

  Գինին ունի երկրի ինքնությունը առանց խոսքերի փոխանցելու հազվագյուտ ունակություն․․․

• Հայաստանի «Քարերի սիմֆոնիան» վերածվել է ֆանտաստիկ աշխարհի. 3D նկարիչը ստեղծել է բնական հուշարձանի թվային տարբերակը

  Հայկական «Քարերի սիմֆոնիան» ոգեշնչել է եռաչափ նկարիչ Արթուր Արթինյանին ստեղծել ֆանտաստիկ թվային տարածք՝ մոնումենտալ բազալտե սյուներով, ոսկե խորհրդանիշներով և կրակե դարպասներով․․․

• Գնված 30 դոլարով, վաճառված 1.3 միլիոն դոլարով. մոռացված նկարը դարձել է աճուրդի սենսացիա  

  Երբեմն իսկական գանձը թանգարանի կամ էլիտար պատկերասրահի կարիք չունի. հնաոճ իրերի բակում պատահական զբոսանքը բավական է: Ահա թե ինչպես է ամերիկացի նկարչուհի Գերտրուդ Աբերքրոմբիի փոքրիկ նկարը հայտնվել գնորդի ձեռքում, որը դրա համար վճարել է ընդամենը 30 դոլար: Մի քանի ամիս անց աշխատանքը աճուրդում վաճառվել է անհավանական 1.3 միլիոն դոլարով՝ սահմանելով համաշխարհային ռեկորդ նկարչուհու համար...

Սեպտեմբերի 29-30-ը Հայաստանի ազգային գրադարանում անց է կացվում «Ժառանգության պահպանություն՝ հանուն կայուն ապագայի» միջազգային գրադարանային գիտաժողովը․ այն նվիրված է հայ գրատպության 510-ամյակին։

Գիտաժողովի բացման հանդիսավոր արարողությունը տեղի ունեցավ սեպտեմբերի 29-ին, , որին հաջորդեց «Ինտերնետ արխիվ»-ի հիմնադիր Բրուստեր Քեյլի առցանց ելույթը։

Գիտաժողովին մասնակցում են շուրջ մեկուկես տասնյակ երկրի ավելի քան 100 ներկայացուցիչ, որոնք տարբեր նիստերի շրջանակում անդրադառնում են գրադարանների ավտոմատացման եւ կառավարման համակարգերի, թվայնացման, նորարար տեխնոլոգիաների, միջազգային չափորոշիչների ներդրման եւ միջազգային առաջավոր փորձի փոխանակման հարցերին։

«21-րդ դարը մարտահրավերների դար է․ նոր հազարամյակի սերունդն աշխարհին նոր պահանջներ է ներկայացնում, աշխարհաքաղաքական արդի իրողությունները տարբեր ոլորտների զարգացման այլ հայեցակարգեր են թելադրում։ Աշխարհում օր օրի մոլեգնող պատերազմներն ապացուցում են քաղաքական դիվանագիտության պարտությունը։ Միակ լեզուն, որով աշխարհը կարող է այսօր հաղորդակցվել, մշակույթն է։ Այսօր մշակութային դիվանագիտության դարն է։ 

Մեր աշխատանքը համեստ, բայց անողոք ներդրում է ավելի խաղաղ, ավելի ընդգրկուն աշխարհ ստեղծելու ուղղությամբ․ այն աշխարհը, որը հիմնված է տարբեր մշակութային ինքնությունների նկատմամբ հարգանքի, ծայրահեղականությունը մերժելու եւ  բազմազանությունն ընդունելու համընդհանուր կամքի վրա։

«Ժառանգության պահպանություն՝ հանուն կայուն ապագայի» միջազգային գիտաժողովը՝ նվիրված հայ գրատպության 510-ամյակին, միտված է միավորելու ոլորտի առաջատար  եւ երիտասարդ մասնագետներին՝ ամբողջ աշխարհից, դառնալու հարթակ՝ գրադարանային միջազգային փորձի փոխանակման, արդի խնդիրների քննարկման, նորարարությունների ներկայացման, նաեւ ընդունված միջազգային ձեւաչափերի կառավարման համակարգերի եւ տեխնոլոգիաների ներդրման փորձառության համար։ Գիտաժողովի ընթացքում ձեռք բերված մասնագիտական արժեքավոր փոխառությունն ու միջազգային կապերը հետագայում կապահովեն «Ժառանգության պահպանություն՝ հանուն կայուն ապագայի» խորագրով միջազգային գիտաժողովների շարունակականությունը»,-բացման արարողության ժամանակ ասաց Հայաստանի ազգային գրադարանի տնօրեն Աննա Չուլյանը։

ՀՀ կրթության, գիտության, մշակույթի եւ սպորտի փոխնախարար Արա Խզմալյանը կարեւորեց այն փաստը, որ Հայաստանի ազգային գրադարանը դառնում է միջազգային շփումների ու փորձի փոխանակման կարեւոր հարթակ․

«Հանգիստ չէ այսօր Հայաստանի սահմանը ադրբեջանական ագրեսիայի հետեւանքով, բայց այս նախաձեռնությունն իրականացնելով մենք եւս մեկ անգամ հաստատում ենք մեր առաքելությունը։ Հայ գրավոր մշակույթը ձեւավորվել ու պահպանվել է աշխարհաքաղաքական հեղաբեկումների, պատմական ողբերգությունների պայմաններում, եւ դրա լավագույն վկան Մատենադարանն է, որտեղ պահպանվող յուրաքանչյուր ձեռագրի թիկունքում մարդկային ճակատագրեր են եւ մեր բարդ, խրթին պատմությունն է։ Այս համաժողովից ակնկալիքները մեծ են, ծանոթ եմ ծրագրին, որը շատ հագեցած է ու բազմաշերտ։ Սա շատ կարեւոր է մեզ համար ոլորտի պետական քաղաքականությունը մշակելու ու ուղղորդելու տեսանկյունից, որովհետեւ այն հենց նման միջազգային շփումների, կապերի ու արդյունքների վրա պետք է ձեւավորվի»,-իր խոսքում նշեց նա։

«Ժառանգության պահպանություն՝ հանուն կայուն ապագայի» գիտաժողովի աշխատանքները կազմակերպվել են «Հայկական հավաքածուները աշխարհի գրադարաններում», «Թվային բովանդակության կառավարում», «Սփյուռքի տպագիր ժառանգության պահպանություն եւ հանրահռչակում», «Թվային XXI դար․ մարտահրավերներ», «Ժառանգության պահպանություն եւ հանրահռչակում», «Ազգային տպագիր ժառանգության պահպանություն․ պարտադիր օրինակ։ ԱՊՀ երկրների ազգային գրադարանների փորձը», «Ընթերցանության խթանում», «Գրադարանային կառավարում եւ ծառայություններ», «Գիտելիքի կառավարում․ հանրահասանելի գիտություն», «Մատենագիտություն» թեմատիկ ուղղություններով։ Մասնակցում են ինչպես երեք տասնյակ հայկական գրադարաններ եւ կազմակերպություններ, այնպես էլ տասնյակ համալսարանական եւ ազգային գրադարաններ՝ աշխարհի տարբեր երկրներից։

Սյունե Առաքելյան
Լուսանկարները՝ Հայաստանի ազգային գրադարանի ֆեյսբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում