Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Երեւանում նոյեմբերից կզգացվի եվրատեսիլյան շունչը․ Հայաստանում կայանալիք «Մանկական Եվրատեսիլ»-ի սպասվող անակնկալներն ու մրցութային մյուս միջոցառումները (ֆոտո)

17:22, 28 հոկտեմբերի

Երեւանում կայանալիք 20-րդ «Մանկական Եվրատեսիլ»-ն իր շոուով չի զիջելու նախորդ տարիների մրցույթներին․ լինելու են անակնկալ ու սպասված ելութներ։ Այս մասին այսօր՝ հոկտեմբերի 28-ին, լրագրողների հետ զրույցում նշեցին Առաջին ալիքի ստեղծագործական թիմի անդամները։

«Որպես մրցույթի խորհրդանիշ մենք ընտրել ենք հոլը, որն իր տեսակով խիստ հայկական է, բայց միեւնույն ժամանակ շատ ծանոթ աշխարհի բոլոր երեխաներին։ Մենք այս տարի բոլոր մասնակիցներին հրավիրում ենք հավատալ հրաշքին, եւ մեր կարգախոսը հենց այդպիսին է՝ «Պտտիր հրաշքը»»,-նշեց Հանրային հեռուստաընկերության հաղորդակցության ղեկավար Աննա Օհանյանը։

«Մանկական Եվրատեսիլ 2022»-ի գործադիր պրոդյուսեր Դավիթ Ծերունյանը հավելեց, որ մրցույթի կազմակերպչական աշխատանքներն ամբողջությամբ իրականացնում են Եվրոպայի հեռարձակողների միության թիմի հետ համատեղ։ Աշխատանքները սկսվել են հունվար ամսից, իսկ արդեն նոյեմբերին Երեւանի բնակիչներն ու հյուրերը եվրատեսիլյան շունչը կվայելեն քաղաքի տարբեր անկյուններում։

312999296_635097448083203_1917981360630361321_n.jpg (84 KB)

«Շատերին հաճախ թվում է, թե «Մանկական Եվրատեսիլ»-ն իր ծավալներով զիջում է մեծերի «Եվրատեսիլ»-ին, բայց հավատացած եղեք՝ այդպես չէ․ միակ տարբերությունը նրանում է, որ փոքրերի մրցույթի դեպքում մեկ եթեր է լինում, մեծերի մրցույթում՝ երեք։ Սա «Մանկական Եվրատեսիլ»-ի համար հոբելյանական տարի է, ինչն ավելի է մեծացնում մրցույթի անցկացման ամբողջ պատասխանատվությունը, որովհետեւ, բնականաբար, էլ ավելի մեծ ուշադրություն է լինելու Հայաստանի վրա, եւ դրանով պայմանավորված՝ մրցութային այդ տասը օրերի շրջանակում երեւանյան միջոցառումներ էլ ավելի մեծամասշտաբ պետք է լինեն․ պետք է տոնել ոչ միայն այն փաստը, որ մրցույթն անց է կացվում Հայաստանում, այլեւ այն, որ «Մանկական Եվրատեսիլ»-ն արդեն 20 տարեկան է։ Նոյեմբեր ամսից սկսած մեր համաքաղաքացիներն արդեն կսկսեն զգալ, որ Երեւանը «Մանկական Եվրատեսիլ»-ը հյուրընկալող երկիրն է, եվրատեսիլյան շունչը կփոխանցվի բոլորին։ Դելտեմբերի 4-ից բոլոր 16 պատվիրակությունների ներկայացուցիչները կլինեն Երեւանում, եւ մենք հնարավորություն կտանք նրանց ծանոթանալու մեր մշակույթին, Հայաստանի պատմությանը։ Իսկ դեկտեմբերի 5-ին, համագործակցելով Երեւանի քաղաքապետարանի հետ, մենք հնարավորություն կտանք մրցույթի բոլոր մասնակիցներին  միասին վառել հանրապետության գլխավոր տոնածառի լույսերը, ինչով էլ կազդարարենք նաեւ «Մանկական Եվրատեսիլ»-ի մեկնարկը»,-ասաց Դավիթը։

313223321_420457783437554_5518290419457735466_n.jpg (88 KB)

Մրցութային շոուի մանրամասները ներկայացրեց ստեղծագործական հարցերի պատասխանատու Անուշիկ Տեր-Ղուկասյանը։ Նա առայժմ չբացահայտեց շոուի հաղորդավարների անունները, բայց նշեց, որ նրանք երեքն են՝ բոլորն էլ քաջ ծանոթ թե հայ, թե միջազգային լսարանին։ Անուշիկի խոսքով՝ շոուի բացումը կտրվի բոլոր մասնակիցների համատեղ ելույթով, որոնք կկատարեն հատուկ մրցույթի համար գրված երգ, որի հեղինակը Դավիթ Բադալյանն է։ Բեմում ելույթ կունենա նաեւ Մալենան, նա կներկայացնի ինչպես իրեն հաղթանակ բերած «Քամի, քամի» երգը, այնպես էլ՝ նոր ստեղծագործություն․ նրան կնվագակցեն Տավուշի մանկապատանեկան երգչախմբի սաները։ Կլինեն նաեւ այլ անակնկալներ, որոնց մասին Առաջին ալիքի թիմը, պարբերաբար, կտեղեկացնի մրցույթի երկրպագուներին։

313115629_420007360322686_724589304770657536_n.jpg (92 KB)

Ինչ վերաբերում է տոմսերին, դրանք կարժենան 5000-ից 30 000 դրամ։ Գլխավոր շոուից բացի՝ կլինի նաեւ ժյուրիի համար նախատեսված շոուն, որն իր բնույթով նույն մրցութային համերգն է՝ նախատեսված ժյուիի անդամների համար։ Այն կնախորդի բուն մրցույթին, տեղի կունենա դեկտեմբերի 10-ին։ Այդ համերգի տոմսերը եւս կլինեն վաճառքում։ 

«Մանկական Եվրատեսիլ 2022»-ը տեղի կունենա դեկտեմբերի 11-ին՝ Կարեն Դեմիրճյանի անվան մարզահամերգային համալիրում։ Ինչպես ավելի վաղ տեղեկացրել ենք՝ Հայաստանը մրցույթում կներկայացնի 14-ամյա Նարե Ղազարյանը։ Թե որ երգով Նարեն կմասնակցի մրցույթին, կհայտարարվի առաջիկայում։

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search