• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

Հոկտեմբերի 28-ին մեծ էկրաններ բարձրացավ Սամվել Թադեւոսյանի եւ Ինգրիտ Կոկչյանի գլխավոր դերակատարմամբ՝ «Անքնություն» հոգեբանական թրիլերը։ Ֆիլմը սցենարիստ Հարութ Ղուկասյանի դեբյուտային աշխատանքն է, որպես ռեժիսոր, իսկ պրոդյուսերը դերասան Արմեն Սողոյանն է, որն էլ իր հերթին առաջին փորձն է կատարել պրոդյուսերական ասպարեզում։

«Պարբերաբար ունենում եմ հետաքրքիր գաղափարներ, բազում ֆիլմերի սցենարներ եմ հեղինակել, սակայն ցանկացած սցենարիստ երեւի, երբ իր ստեղծագործությունը տեսնում է էկրանին, մտածում է՝ ինքը ինչպե՞ս կնկարեր այս կամ այն տեսարանը, հիմա կարծում եմ՝ հասունացել է այն պահը, որ իմ պատկերացումը ներկայացնեմ։ Հետաքրքիր ձեւաչափ ենք ընտրել այն պատմելու համար, բայց դրա մասին չեմ ուզում մանրամասնել։ Թե որքանով է դա մեզ մոտ ստացվել, կդատի հանդիսատեսը»,-NEWS.am STYLE-ի հետ զրույցում ասաց ռեժիսորը։

«Անքնություն» ֆիլմի գլխավոր հերոսը Արմանն է՝ երիտասարդ տղամարդ, որն ունի մի շարք խնդիրներ՝ թե անձնական կյանքում, թե առողջական բնույթի։ Արմանին, հատկապես, խանգարում է անքնությունը, որը լուծելու համար նա դիմում է, նույնիսկ, անթույլատրելի ճանապարհների։ Երբ թվում էր, թե դրանից ավելի մեծ խնդիր չի կարող ունենալ, գիշերվա ժամին նա ստանում է խորհրդավոր մի զանգ, որը փոխում է նրա կյանքն ու մտածողությունը։ Գլխավոր հերոսը մի պահ մոռանում է սեփական խնդիրները՝ փորձելով օգնել անծանոթուհուն, որը, կարծես, ավելի անելանելի վիճակում էր։

Արմանին մարմնավորում է Սամվել Թադեւոսյանը։ Դերասանը մինչ պրեմիերան չէր հասցրել դիտել ֆիլմը, բայց սպասելիքները մեծ էին։ NEWS.am STYLE-ի հետ զրույցում նա պատմեց, որ սցենարին ծանոթանալուց անմիջապես հետո համաձայնվել է ստանձնել գլխավոր հերոսի դերը․ 

«Երբ ստացա դերը, միանգամից դրական պատասխանեցի, որովհետեւ սցենարը լավն էր, սցենարի դինամիկան ու ֆիլմի ֆորմատը շատ հետաքրքիր էին։ Տարբերվում է նախ նրանով, որ ֆիլմի հիմնական տարածքը նույն բնակարանն է, ինձ համար նաեւ մեծ մարտահրավեր էր այն փաստը, որ ես հիմնականում կադրում մենակ եմ, ըստ այդմ՝ կատարողական առումով մի շարք դժվարություններ կային, կային նաեւ տեխնիկական բարդություններ, որոնք պետք է հաղթահարեի, որպես դերասան»։

Անդրադառնալով իր խաղընկերուհու՝ խորհրդավոր անծանոթուհուն մարմնավորող Ինգրիտ Կոկչյանի հետ համագործակցությանը, դերասանն այն որակեց՝ «ինտրիգային, հետաքրքիր եւ անսպասելի»։

«Ինգրիտին չէի ճանաչում, մենք մի քանի անգամ էինք հանդիպել, բայց գաղափար չունեի, թե ինչպիսի դերասանուհի է նա։ Չնայած հիմնական տեսարանները հեռախոսազրույցի վրա էին կառուցված, բայց դրա համար էլ պետք էր նախապես աշխատանք տանել, ինչն արել ենք»։

Ինգրիտ Կոկչյանը հավելեց, որ իրեն հեշտ է տրվել Աննայի դերը, քանի որ ինչպես ինքն է նշում՝ հերոսուհու հետ ընդհանրությունները շատ էին․ 

«Մի բան է, երբ կարդում ես դերի մասին, մի այլ բան, երբ փորձում ես հասկանալ ռեժիսորին եւ ստանալ այն, ինչ ինքն ուզում է․ այդ հակասությունների ճանապարհն իր հետ միասին անցել եմ, որովհետեւ հաճախ դու մի բան ես պատկերացնում, ռեժիսորը՝ մեկ այլ բան։ Հետաքրքիր կնոջ եմ մարմնավորում, ով կառավարում է պահը։ Ինձ համար հեշտ էր այս կերպարում հայտնվելը, որովհետեւ իր պահվածքը, իր խոսքը շատ բնորոշ են ինձ։ Նրան մարմնավորելը հետաքրքիր էր։ Սցենարը կարդացել եմ մեկ շնչով, հիշում եմ՝ մի պահ, նույնիսկ, մարմնովս դող անցավ, իսկ Սամվելի հետ համագործակցելն, իհարկե, մեծագույն հաճույք էր, նա չափազանց պրոֆեսիոնալ է, եւ իր աշխատանքին հետեւելը հաճելի էր»։

«Անքնություն» ֆիլմը երեւանյան պրեմիերայից հետո կհայտնվի նաեւ միջազգային հարթակներում։ Պրոդյուսեր Արմեն Սողոյանն ասում է՝ այն արդեն ներկայացրել են Netflix-ին։

«Հարությունի հետ մոտ 20 տարի է՝ աշխատում ենք, հաճախ առաջարկում էր, որ փորձենք այնպիսի ֆիլմ նկարահանել, որը կհետաքրքրեր ամբողջ աշխարհին։ Երբ կարդացինք տվյալ ֆիլմի սցենարը, հասկացանք, որ այն յուրօրինակ կլինի հայաստանյան շուկայում եւ կհետաքրքիր ոչ միայն հայերին, այլեւ ամբողջ աշխարհին։ Կարծում եմ՝ միջազգային տարբեր կառույցները կընդունեն այս ֆիլմը։ Նկարահանումներն արված են բարձր որակով, իսկ սցենարը կհետաքրքիր բոլորին»,-հավելեց Արմեն Սողոյանը։ 

Ֆիլմում մասնակցություն են ունեցել նաեւ Բաբկեն Չոբանյանը, Ալիս Մելիքսեթյանը, պրոդյուսեր-դերասան Արմեն Սողոյանը եւ այլք։

Պրեմիերային ներկա դերասանական կազմն ու հայտնի հյուրերը՝ NEWS.am STYLE-ի ֆոտո եւ վիդեո ռեպորտաժներում։

Սյունե Առաքելյան
Մելինե Տոնոյան
Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում