Gucci նորաձեւության տան ստեղծագործական տնօրեն Ալեսանդրո Միքելեն հեռանում է իր պաշտոնից, հայտնում է WWD-ն`վկայակոչելով աղբյուրներին:

Պաշտոնական հայտարարությունը սպասվում է այսօր՝ նոյեմբերի 23-ին։ Երեկ Gucci-ն չի պատասխանել մեկնաբանություններին: Աղբյուրը, ով նախընտրել է անանուն մնալ, նշել է, որ Միքելեին «խնդրել են մոդելավորման մեջ մեծ փոփոխություն նախաձեռնել», որը ուշադրություն կհրավիրի ապրանքանիշի վրա, սակայն դիզայները չի կատարել խնդրանքը:

Մեկ այլ աղբյուր հայտնել է, որ Gucci-ի մայր ընկերություն հանդիսացող Kering-ի նախագահ եւ գործադիր տնօրեն Ֆրանսուա-Անրի Պինոն քննարկում է աստղային ապրանքանիշի տեմպի փոփոխության հարցը:

Սա առաջին դեպքը չէ, երբ Պինոն ցնցում է Kering-ի հիմնական ապրանքանիշերից մեկը: Անցյալ նոյեմբերին նա անսպասելիորեն հեռացրեր է Bottega Veneta-ի ղեկավար Դանիել Լիին, հակառակ նրան, որ դիզայները մեծ հաջողություն էր ունեցել քննադատների շրջանում։

Հետևեք NEWS.am STYLE-ին Facebook-ում, Twitter-ում և Instagram-ում