«Եվրատեսիլ 2023»-ի շրջանակներում հայերը հպարտանալու միանգամից մի քանի պատճառ ունեն. Լիվերպուլի բեմում հանդես կգան մեր հայրենակիցներից միանգամից երկուսը` Հայաստանի ներկայացուցիչ Brunett-ը եւ Վրաստանի մասնակից՝ հայազգի Իրու Խեչանովան։ Աղջիկները նման արմատներ ունեն, բայց տարբերվում են հագուստի ընտրությամբ։ NEWS.am STYLE-ը մեկնաբանում է նրանցից յուրաքանչյուրի ոճային առանձնահատկությունները։
Առաջին հայացքից «Եվրատեսիլ 2023»-ի երկու մասնակիցների ոճերն առանձնապես չեն տարբերվում։ Նույնանման էսթետիկա, որը ոգեշնչված է 90-ականների վերջի եւ 2000-ականների սկզբի ժամանակակից թրենդներից: Ամենայն հավանականությամբ, աղջիկները նույնիսկ կունենան Pintrest հարթակում պահպանված մի քանի նույնական լուսանկար։
Դատելով սոցիալական ցանցերում հրապարակված լուսանկարների՝ բեմից դուրս երկու աղջիկներն էլ նախընտրում են լայն ջինսե տաբատներ՝ համադրված կրոպ-տոպի եւ սպորտային ծավալուն կոշիկների հետ: Սա նրանց, այսպես կոչված, «go-to» կերպարն է: Երկուսն էլ չեն վախենում գույն հաղորդել իրենց զգեստապահարանին։ Եթե Իրուի մոտ հաճախ հանդիպում ենք վարդագույն երանգի իրեր, ապա Brunett-ի մոտ գերիշխում է կարմիրը։
Պետք է հարգանքի տուրք մատուցել Խեչանովային, քանի որ նա բոլորովին չի վախենում էքսպերիմենտներ անել կտորների հետ։ Օրինակ՝ նա համարձակորեն համադրում է թավշյա բաճկոնը լյուրեքս տաբատի եւ տոպի հետ։ Նա նաեւ սիրում է բարդ պրինտներ, մասնավորապես, գերժամանակակից անիմալիստականը՝ զեբրայի պրինտը: Brunett-ն այս հարցում ավելի զուսպ է։ Հայուհին նախընտրում է պարզ իրեր՝ առանց վառ նախշերի։
Ամենահետաքրքիր մասը, թերեւս, այն կետն է, որտեղ երկու կատարողների ճանապարհները բաժանվում են․ դրանք բեմական կերպարներն են: Իրուն նախընտրում է ավելի գլամուր կերպար, իսկ Brunett-ը՝ «ճակատագրական»։ Այն, թե ինչ հանդերձանքով են աղջիկները ելույթ ունենում, անմիջապես կարելի է հասկանալ՝ արդյոք ոճաբանն աշխատե՞լ է նրանց հետ, որքան ժամանակ եւ արդյոք հնարավոր է եղել փոխանցել արտիստի ԴՆԹ-ն։ Առայժմ մի բան ակնհայտ է՝ նման աշխատանք մշտական հիմունքներով չի իրականացվել։
Խեչանովան չափազանց կտրուկ անցում է կատարում բեմից իրական կյանք։ Պայմանական ասած՝ ելույթների ժամանակ փայլերի ու էքստրավագանտ հանդերձանքների քանակը չի համապատասխանում բեմից դուրս նրա կերպարներին։ Մյուս կողմից, Brunett-ի մոտ լրիվ հակառակն է։ Երբեմն դժվար է տարբերել առօրյա կերպարն ու այն, ինչ նա կրում է Club12-ում։
Հետևեք NEWS.am STYLE-ին Facebook-ում, Twitter-ում և Instagram-ում
15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել