«Ես հպարտ եմ, որ մեծացել եմ մի մշակույթում, որն ինձ դարձնում է կիսով չափ հայ եւ կես մեքսիկացի», - ասում է Արմեն Սուջյանը՝ հայազգի երաժշտական տեսահոլովակի ամերիկացի ռեժիսոր, ով աշխատել է այնպիսի աստղերի հետ, ինչպիսիք են Սերժ Թանկյանը, Դուա Լիպան, ռեփեր R-Mean ռեփեր, Լիլ Ուեյն, Սիրուշոն։
Սուջյանը ծնվել եւ մեծացել է Լոս Անջելեսում, բացի հայկականից, ունի նաեւ մեքսիկական արմատներ։ Սակայն 2019 թվականից Արմենն ամեն ինչ արեց Հայաստանում ապրելու համար։ Նա շատ տպավորված էր արցախցի երիտասարդներով, երբ 2018 թվականին Ստեփանակերտի Թումոյում վորքշոփ անցկացրեց։ «Տեսնելով 13-17 տարեկան երիտասարդներին, որոնք տասը տարի առաջ են Ամերիկայի երիտասարդությունից, որոշեցի նրանց տալ այնքան, որքան կարող էի: Բայց, ճիշտն ասած, դա ամենադժվար ճանապարհն էր, որով անցել եմ»,- NEWS.am STYLE-ի հետ զրույցում խոստովանում է նա։
Ինտեգրման խնդիրներ
Չնայած իր նախնիների հայրենիք տեղափոխվելու ցանկությանը, Արմենը բախվեց մի շարք դժվարությունների, մասնավորապես՝ նրան հեշտ չտրվեց Հայաստան տեղափոխվելը։ «Ճշմարտությունն այն է, որ Լոս Անջելեսը եղել է եւ միշտ կլինի իմ տունը: Ուստի ես չեմ կարող ստել ու ասել, որ Հայաստանն իմ տունն է։ Ես միշտ սա ասել եմ իմ ողջ կյանքում որպես սփյուռքի ներկայացուցիչ. ես ընդունել եմ այն փաստը, որ ամերիկացի եմ: Հասկացեք, ես սա հպարտությամբ չեմ ասում, անկեղծ եմ ասում։ Ես հպարտ եմ, որ մեծացել եմ մի մշակույթում, որն ինձ դարձնում է կիսով չափ հայ եւ կիսով չափ մեքսիկացի։ Այս մշակույթը բնորոշում ինձէ, բայց իմ ապրելակերպը դեռեւս ամերիկյան է»:
Արմենի համար Հայաստանը բոլորովին նոր աշխարհ է։ Նա այստեղ շատ ընկերներ ու բարեկամներ ունի, բայց մտերիմների մեծ մասը դեռ ապրում է Լոս Անջելեսում։ Ուստի նրա համար մեծ փորձություն էր սովորել հայաստանյան ապրելակերպին եւ իրեն հարմարավետ զգալ։ Նա ընդունել է այն փաստը, որ ինքը նման չէ տեղացիներին, եւ դրանում գտել է դրականը։ Բայց, միեւնույն ժամանակ, նա չի հրաժարվում վերադառնալու մտքից։ «Ես սիրում եմ Հայաստանը եւ շուտով կվերադառնամ»,- ասում է Արմենը։
«Լոս Անջելեսն արդեն նույնը չէ, ինչպիսին սիրում էի այն…
Արմենի համար Լոս Անջելեսն այլեւս այնպիսին չէ, ինչպիսին նա սիրում էր։ «Դու գրեթե հարմարավետ չես զգում, իսկ եթե զգում ես, ապա դա կարճատեւ է, քանզի մրցակիցներն անպայման կգտնեն դրանից օգտվելու միջոց: Դա մշտական պայքար է: Եվ վերջում պարտությունն ընդունում ես որպես հաջողություն։ Ես չեմ խոսում բոլորի փոխարեն, բայց խոսում եմ այն ռեժիսորների 95 տոկոսի փոխարեն, որոնց հետ ծանոթացել եմ իմ 18 տարվա կարիերայի ընթացքում»:
Մշակութային տարբերությունները, ըստ Արմենի, հաճախ օգտագործվում են որպես մանիպուլյատիվ ռազմավարություն՝ պակաս հաջողակների նկատմամբ առավելության հասնելու համար։ «Դա վիրավորական է եւ շարունակում է այդպիս մնալ»,- ասում է Արմենը՝ նշելով, որ նկատի ունի ամերիկահայերին։
Հայ երիտասարդության մասին
Նրա խոսքով՝ Հայաստանի եւ Արցախի ներկայիս սերունդն ունի հաջողության հասնելու բոլոր հնարավորությունները, բայց, միեւնույն ժամանակ, ունի բազմաթիվ մրցակիցներ։ Իսկ մրցակցության հետ մեկտեղ գալիս է անկայունության վախը:
Խոսելով Հայաստանում ռեժիսորների զարգացման հնարավորություններ ստեղծելու մասին՝ Սուջյանը լուրջ խնդիրներ է նկատել, որոնք կապված են մասնագիտական սարքավորումների առկայության հետ՝ ընդգծելով, որ երբեմն նույնիսկ հնարավոր չէ վարձակալել ոչ միայն ֆինանսների սղության, այլեւ հենց տեխնիկայի պատճառով։ Այսպիսով, տեղական արդյունաբերությունն ունի սահմանափակ թվով մասնագետներ, քանի որ միայն մի քանիսն են իրականում լավ սարքավորումների տիրապետում: «Չեմ պատկերացնում, թե հայ երիտասարդները ինչպես կկարողանան զարգանալ այս ուղղությամբ՝ չունենալով համապատասխան տեխնիկա։ Ի վերջո, երիտասարդներն արժանի են աշխատանքում նոր մակարդակի հասնելուն»:
«Աշխատանք՝ երաժշտական ինդուստրիայի ներկայացուցիչների հետ»
Արմենը համագործակցել է ամբողջ աշխարհում հայտնի բազմաթիվ աստղերի հետ։ Սակայն վերջին շրջանում նա նախընտրում է աշխատել հիմնականում ընկերների հետ, որոնցից մեկն արցախցի Առնոլդ Ղազարյանն էր, ով նաեւ տեսահոլովակ է նկարահանել System of a down խմբի «Protect the land» երգի հիման վրա։
«Երբեք չի կարելի հույս դնել միայն տաղանդի վրա: Երաժշտական ոլորտի ներկայացուցիչների հետ երբեմն շատ դժվար է աշխատել, նրանք նույնիսկ կարող են փչացնել տրամադրությունը նկարահանման հրապարակում»,- նշում է Սուջյանը։
«Լիլ Ուեյնն, աշխատելու տեսանկյունից, հայտնի է որպես ամենադժվար մարդկանցից մեկը։ Բայց իրականում ինձ համար ավելի հեշտ էր աշխատել նրա հետ, քան մեկ ուրիշի հետ։ Իսկ Դուա Լիպան պարզապես հրաշք էր… Առաջին երկու ժամը մենք նկարահանվում էինք միայնակ, առանց լեյբլից որեւէ մեկի մասնակցության, բացի ինձնից եւ իմ թիմից: Այդ երկու ժամվա ընթացքում նրա հետ կադրեր ենք նկարահանել օվկիանոսի ֆոնին։ Իսկ հետո միասին ծխախոտ ծխեցինք ու կարճ զրույցի ընթացքում ավելի լավ ճանաչեցին միմյանց։ Անկեղծ ասած, մենք այնքան ընկերացանք, որ նա ինձ «գեր» անվանեց։ Իսկ ես կարող էի հանգիստ ասել նրան, որ պետք է սովորի այդքան բրիտանացի չլինել եւ ավելի շատ ժպտա… Դա դարձավ մեր մշտական կատակը: Ես հաճախ գոռում էի նրան․ «Դուա, դու պետք է ավելի շատ ժպտաս»։ Հիանալի էր նրա եւ նրա թիմին ճանաչելը»,- հիշում է նա:
«Ես սիրում եմ աշխատել բոլոր արտիստների հետ: Անկախ նրանից՝ հայտնի է, սկսնակ, թե պարզապես փորձում է ուժերը: Ես հիանում եմ նրանց աշխատանքի հանդեպ կիրքով: Եվ սիրում եմ տեսնել արտիստի զարգացման փուլերը. դա երաժշտական տեսահոլովակների ռեժիսուրայի ամենահետաքրքիր մասերից մեկն է... Բայց հիմա ես հույս ունեմ, որ կսկսեմ ֆիլմեր նկարահանել: Եվ մինչ վերջնականապես Հայաստան վերադառնալս շատ փուլեր կան անցնելու»։
Զրուցեց Ալինե Գրիգորյանը
Հետևեք NEWS.am STYLE-ին Facebook-ում, Twitter-ում և Instagram-ում
23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix Էքսկլյուզիվ ֆիլմեր և սերիալներ՝ առանց սահմանափակումների, առանց գովազդի և ֆանտաստիկ որակի21:34, 2 մայիսի
1968 թվականի Grand Seiko ժամացույցն աճուրդում վաճառվել է ավելի քան 90,000 դոլարով20:18, 2 մայիսի
Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել19:43, 2 մայիսի
Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)19:21, 2 մայիսի
Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում16:21, 2 մայիսի
Airbnb-ը թույլ կտա ժամանակ անցկացնել թռչող տնակում կամ հանգստանալ Փրինսի Purple Rain առանձնատանը15:10, 2 մայիսի
Քիմ Քարդաշյանը պատրաստվում է նոր ֆոտոշարքի14:38, 2 մայիսի
Քրիս Ջեններն իր կերպարանքով ամանորյա զարդ է ներկայացրել, որն արժե 82 դոլար13:53, 2 մայիսի
Լիզա Մորյակը՝ Սարիկ Անդրեասյանի հետ ամուսնության մասին. «Սեքսը ամուր հարաբերությունների հիմքն է»13:20, 2 մայիսի
Քենդալ Ջենները կիսվել է գեղեցկության իր գաղտնիքներով12:56, 2 մայիսի
«The View»-ն քննարկում է այն լուրերը, ըստ որոնց ԱՄՆ նախկին նախագահ Դոնալդ Թրամփը դատավարության ժամանակ «գազեր է բաց թողնում»