• Six Senses առողջարանային ցանցը Դուբայում կառուցում է աշխարհի ամենաբարձր բնակելի աշտարակը

  Six Senses-ը, որը հանդիսանում է IHG Hotels & Resorts-ի, ինչպես նաեւ Select Group-ի շքեղ հյուրանոցների պորտֆելի մի մասը, նախատեսում է բացել Six Senses Residences Dubai Marina-ն․․․

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

• Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

  Մենք փորձել ենք այս անգամ բացահայտել, թե որն է ամուսնանալու լավագույն տարիքը եւ ինչպես են մարդիկ վերաբերվում դավաճանություններին․․․

• «Ապակիների լողացող թանգարանը» եզակի կառույց է, որը կբարձրացնի բնապահպանական խնդիրների մասին իրազեկվածությունը

  Luca Curci Architects-ն օգտագործում է աշխարհի ամենափխրուն նյութերից մեկը՝ կլիմայի փոփոխության մասին հայտարարություն անելու համար․․․

• Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

  Երբ ուզում եմ ջերմություն եւ ժպիտ, դիտում եմ բլոգեր Մայիս Վարդանյանի տեսանյութերը․․․

• «Հայերը պետք է հասկանան՝ մենք փոքր ազգ ենք. պետք է միասին լինենք: Երբ միասնական ենք, մեզ չեն կարող կոտրել». Սաթի Սպիվակովա

  Բեմից իջնելուն պես հայտնի հաղորդավարուհին սիրով հանդիպեց հանդիսատեսի հետ, լուսանկարվեց ու նաեւ պատասխանեց լրագրողներին հետաքրքրող հարցերին…

• Dolce & Gabbana-ն հրապարակել է Մայամիում գտնվող իրենց երկնաքերի նկարները

  Dolce & Gabbana-ն հրապարակել է Մայամիում գտնվող երկնաքերի պատկերները, որոնք ստեղծվել են Նյու Յորքի ճարտարապետական ​​ստուդիայի Studio Sofield-ի հետ համատեղ…

Հնության ամրությունը եւ արդիականության թեթեւությունը։ Հենց այս սկզբունքով է քաղաքի կենտրոնում իրականացվում «Հին Երեւան» կոմերցիոն ճարտարապետական նախագիծը։

Այսօր Երեւանի պատմական կենտրոնը բառի բուն իմաստով դարաշրջանների խառնուրդ է՝ պատմամշակութային արժեք ներկայացնող հին տները ընդմիջվում են ինչպես ժամանակակից, այնպես էլ իրենց դարն ապրած շինություններով, որոնք պաշտոնապես, կարծես թե, արժեք չեն ներկայացնում, բայց հատուկ կոլորիտ են տալիս Հայաստանի մայրաքաղաքին։

Ճարտարապետ Լեւոն Վարդանյանի առաջարկած «Հին Երեւան» թաղամասի յուրահատուկ նախագիծը ստեղծվել է հենց հին տները պահպանելու նպատակով՝ նրանց նոր շունչ հաղորդելով,  ինչի համար դրանք «գրանցված են» որպես ժամանակակից քաղաքային ճարտարապետության մաս։

Այս նախագիծն իրականացվում է Աբովյան, Արամի, Բուզանդի փողոցների հատվածում՝ ավարտվելով Կողբացի փողոցում։ Սա մոտ 325 մետր է հին Բուզանդի փողոցի երկայնքով, որի մի կողմն արդեն կառուցապատված է թանկարժեք բարձրահարկ շենքերով, հյուրանոցներով եւ շքեղ ռեստորաններով։ Մյուս կողմում՝ կիսաքանդված տներ են, որտեղ դեռ շարունակում են մարդիկ ապրել։

«Հին շենքերը, որոնք այսօր գտնվում են այդ հատվածում, պետք է անպայման պահպանել,- NEWS.am STYLE-ի հետ զրույցում նշում է  ճարտարապետ Լեւոն Վարդանյանը։ Այս նախագիծը ես դեռ 2005 թվականին եմ առաջարկել քաղաքին։
 
Երբ զանգվածաբար քանդում էին տեղական սեւ տուֆից 19-րդ դարի վերջի 20-րդ դարի սկզբի ճարտարապետության հուշարձանները, սկզբում հայտարարվում էր, որ այս շենքերը հարկավոր է զգուշությամբ ապամոնտաժել, քարերը համարակալել եւ որեւէ տեղ տեղավորել, որպեսզի հետո նոր տեղում հավաքվեն։ Բայց մտադրություններն այդպես էլ գործի չվերածվեցին։ Եվ այդ ժամանակ ծնվեց իմ «Հին Երեւան» նախագիծը, որի գաղափարն է պահպանել այս հատվածը՝ որպես քաղաքի գլխավոր պողոտայի շարունակություն։ Իհարկե, ի սկզբանե ճարտարապետ Թամանյանի մտահաղացմամբ եւ 1924 թվականի նրա գլխավոր հատակագծով այս հատվածը պետք է կանաչ ու հետիոտնային լիներ, ինչպես հիմա շատրվաններով մասը։ Բայց պետք էր փրկել գոնե ճարտարապետության այն մասը, որը մնացել էր։ Իմ նախագիծն անմիջապես հաստատվեց, դեռ 2005 թվականին 5 լոտերից մրցույթ հայտարարվեց, տարածքները վաճառում էին կառուցապատման նպատակով։ Սկզբում դրանք գնեցին տեղացի ներդրողները, հետո 2014 թվականին եկավ OldSity ընկերությունը, որի սեփականատերը Շվեյցարիայից է, ազգությամբ հայ։ Նա վերագնեց մի քանի լոտեր՝ շինարարությունը շարունակելու համար։ Բայց մենք, ըստ էության, տեղում կանգնած էինք։ Եվ միայն 2018 թվականին, երբ հանրապետությունում իշխանափոխություն եղավ, իմ նախագծին կանաչ լույս տվեցին»,-ասում է ճարտարապետը։ 

Նախագիծն ամբողջությամբ կոմերցիոն է, գնահատվում է 150 մլն դոլար։ Բայց այսօրվա դրությամբ այնտեղ կառուցված է այդ հսկայական համալիրի միայն մի մասը․ կա հին տների բնակիչների վերաբնակեցնելու հարցը։

«Օրերս նախագիծը կրկին հավանության արժանացավ մշակույթի նախարարության կողմից։ Նախկինում ապամոնտաժված բոլոր ճարտարապետական հուշարձանները կվերականգնվեն կամ կվերստեղծվեն նորովի, քանի որ կան պատմական նկարներ, լուսանկարներ, գծանկարներ։ Բնակելի շենքեր այնտեղ չեն լինի. դրանց փոխարեն՝ մասամբ գործարար կենտրոն, գրասենյակներ։ Ժամանակակից վերին հարկերը, որտեղ կան բազմաթիվ ապակե վիտրաժներ, նախատեսվում է կահավորել որպես բնակարան։
Եվրոպայի փորձը ցույց է տվել, որ զուտ գրասենյակային թաղամասերը, եթե այնտեղ հյուրանոցներ ու ռեստորաններ չկան, երեկոյան մեռած են երեւում։ Տարածքի ներսում՝ թաղամասի ողջ երկարությամբ 20 մետր լայնությամբ երկաստիճան հետիոտնային գոտի կստեղծվի, երկու ստորգետնյա հարկերում կտեղակայվի ավտոկայանատեղի։ Իսկ վերին ցոկոլային հարկը կզբաղեցնեն ավանդական երեւանյան նկուղները՝ մառանները։ Ներքին բակերում՝ շենքերի ճակատային մասերում, կվերականգնվեն եզակի փայտե փորագրված պատշգամբները։ Այս բոլոր շինությունները կմիավորվեն ապակե կամարաձեւ տանիքով, որպեսզի մարդիկ կարողանան հանգիստ քայլել՝ անկախ ցանկացած եղանակից։ Հենց նա էլ «հաշտեցնում» է այս թաղամասը դիմացի բարձրահարկերի հետ, այլապես բազմահարկ շենքերը տեսողականորեն կճնշեն հին երկհարկանի տները»,- բացատրում է Լեւոն Վարդանյանը։

Ձեռքը սրտին դնելով՝ նշենք, որ ճարտարապետների վերաբերմունքն այս նախագծին (ի տարբերություն հանրության) հեռու է միանշանակ լինելուց. ինչ-որ մեկը երկու ձեռքով «կողմ» է՝ աջակցելով պատմական հուշարձանների պահպանումը, ինչ-որ մեկը դեմ է հենց նախագծի հայեցակարգին:

Բայց պետք է հասկանալ, որ այսօր Թամանյանի գլխավոր հատակագիծն իր սկզբնական տեսքն ամեն դեպքում չի կարող ունենալ, Երեւանի կենտրոնը բավականին հաճախ կառուցապատվել է ընդհանրապես հակասելով ցանկացած նախագծերին, իսկ հին Երեւանի արժեքավոր ճարտարապետական հուշարձանները ոչնչացվել են։

Բուզանդի եւ Արամի փողոցների 19-րդ դարի վերջի- 20-րդ դարի սկզբի հին տների ճակատագիրը նույնպես կանխորոշված էր. խորհրդային իշխանության օրոք դրանք չեն պահպանվել, մարդիկ այնտեղ ապրել են՝ նոր բնակարան ստանալու ակնկալիքով։ Շատ շինություններից մնացել է միայն քարե կմախքը։

«Հին Երեւան» նախագծի նպատակն է պահպանել քաղաքի հնագույն տեսքը, թեկուզ եւ փոքր տարածքում՝ թաղամասի շրջանակում, թեկուզ նոր հագուստով՝ պահպանելով Թամանյանի հետիոտնային գոտու գաղափարը։ Ճարտարապետի մտահաղացմամբ, այս նախագիծը պետք է հաշտեցնի, միավորի հին տների ամրությունը եւ արդիականության թեթեւությունը:

Սոֆյա Ցարեւա

Հետևեք NEWS.am STYLE-ին Facebook-ում, Twitter-ում և Instagram-ում