• Մեծ էկրաններին արդեն ամանորյա տրամադրություն է․ «Հարսնացուն Ամերիկայից կամ Նոր տարվա կինո 2» ֆիլմի պրեմիերան  

  Ֆիլմն ամանորյա նոր կատակերգություն է, որը խոստանում է ոչ միայն ծիծաղ ու տոնական տրամադրություն, այլև սիրո, ընկերության ու մարդկային արժեքների մասին հուզիչ պատմություն...

• «21-րդ դարի վատագույն սերիալը». քննադատները հողին են հավասարեցրել Քիմ Քարդաշյանի և Գլեն Քլոուզի դրամայի երկրորդ եթերաշրջանը

  Ռայան Մերֆիի «Ամեն ինչ արդար է» (All’s Fair) իրավաբանական դրաման՝ Քիմ Քարդաշյանի, Գլեն Քլոուզի և Նաոմի Ուոթսի մասնակցությամբ, կրկին հայտնվել է ջախջախիչ քննադատության թիրախում։ Քննադատները երկրորդ եթերաշրջանը որակել են «անտանելի ահավոր», իսկ գրախոսներից մեկն այն անգամ հռչակել է «21-րդ դարի վատագույն սերիալ»...

• «ՄԻԱՑՈՒՄ». հայկական ռեփ անկախության և ժամանակակից Հայաստանի իրականության մասին  

  Նախագծի պրոդյուսերը ռեփեր, հանրային գործիչ NAY 374 -ն է, ով այս գործի համար համախմբել է հայաստանցի ու արցախցի 6 ռեփերների՝ Inadu, Morphe US, B58, Ara Kelly One, Dibeta, Enomenal։ Տեսահոլովակի նկարահանման համար ընտրվել է Հայոց այբուբենի հուշարձանը՝ որպես մեր ազգի միավորման խորհրդանիշ...

• UFC-ի մարտիկ Մելսիկ Բաղդասարյանը կնկարահանվի Ժան-Կլոդ Վան Դամի նոր մարտաֆիլմում

  Խառը մենամարտերի (MMA) հայ մարտիկ Մելսիկ Բաղդասարյանը համալրել է «KATANA» նոր մարտաֆիլմի դերասանական կազմը։ Ֆիլմի գլխավոր դերում հանդես է գալու Ժան-Կլոդ Վան Դամը, հայտնում է Armenian Film Society-ն...

• «Փորձում եմ հիշողությանս մեջ պահել քո անհոգ մանկության յուրաքանչյուր վայրկյանը». Եվա Բաղդասարյանը հուզիչ գրառում է արել որդու 11 ամսականի առթիվ

  Դերասանուհի Եվա Բաղդասարյանը շարունակում է սոցիալական ցանցերի իր հետևորդների հետ կիսվել ընտանեկան ջերմ ու հիշարժան պահերով…

• Զիրոյանը ներկայացրեց այն երգը, որը տարիներ առաջ նվիրել էր Իննա Խոջամիրյանին, բայց փոխված տարբերակով. ինչպե՞ս արձագանքեցին երկրպագուները

  Օրեր առաջ Զիրոյանը իսկական ինտրիգ առաջացրեց սոցիալական ցանցերի իր էջերում՝ ներկայացնելով իր՝ «Իմն ա» երգի ու տեսահոլովակի անոնսը…

• Ռիհաննան և Ֆրենսիս Քյուրքջյանը բացահայտում են նոր J’adore Intense օծանելիքի նոտաները

  Ռիհաննան և Christian Dior-ի օծանելիքի ստեղծագործական տնօրեն Ֆրենսիս Քյուրքջյանը ներկայացնում են նոր J’adore Intense օծանելիքի բույրային նոտաները՝ բացահայտելով դրա ստեղծման գաղտնիքները…

• Սամվել Թադևոսյանը հպարտանալու առիթ է տալիս, Սիլվա Հակոբյանի անակնկալը՝ դստեր մասնակցությամբ, Զիրոյանի նոր երգի շուրջ ստեղծված ինտրիգը. Instagram

  Ներկայացնում ենք աստղային շաբաթվա ամենաքննարկված իրադարձություններն ու ուշագրավ հրապարակումները…

STYLE Beauty խորագրում NEWS.am STYLE-ը ներկայացնում է դերասանուհի Դիանա Տոռեսին, որն այս շրջանում նկարահանվում է «Արմենիա» հեռուստաընկերության «Կույր աշխարհ» հեռուստասերիալում։ Զրուցել ենք առօրյա խնամքի, պլաստիկ միջամտությունների եւ կազմվածքը պահպանելու՝ Դիանայի միջոցների մասին։ 

Դերասանուհին շատ երկար ժամանակ չի տրամադրում դեմքի խնամքին, անհրաժեշտ պրոցեդուրաները նախընտրում է անել կոսմետոլոգի հետ։

«Բացարձակապես ոչ մի դիմակ չեմ օգտագործում տնային պայմաններում, բայց գնում եմ համապատասխան կենտրոններ, կատարում դեմքի խոնավեցում, պլազմաթերապիա․․․ Հետագայում մտադիր եմ կիրառել նաեւ այլ միջոցներ։ Առավոտյան դիմահարդարումից առաջ, սովորաբար, միայն խոնավեցնող քսուք եմ օգտագործում, երեկոյան դա էլ չեմ անում, բայց պիտի սկսեմ անել։ Պարզապես երբեմն ալարում եմ (ծիծաղում է)»։

Դիանան նշում է, որ առօրյայում, գրեթե միշտ, առանց դիմահարդարման է լինում։ «Տոնային քսուքներ հիմնականում չեմ օգտագործում, միայն աչքերս եմ թեթեւ շպարում, երբեմն՝ դա էլ չեմ անում։ Կարծում եմ՝ լավ է առօրյայում չշպարվելը, քանի որ մաշկս պետք է հանգստանա, բայց միշտ պետք է լինել խնամված»։ 

Դերասանուհուն հաճախ վերագրում են որոշակի պլաստիկ վիրահատություններ, սակայն Դիանան հերքում է այդ խոսակցությունները,-«Պլաստիկ վիրահատություններ չեմ կատարել, կարծում եմ՝ դեռ այդ տարիքին չեմ հասել, բայց եթե մի օր կարիք լինի, գուցե նաեւ դիմեմ դրան։ Գեղեցիկ տեսքը պահպանելու համար պետք է քեզ հետեւես, եւ ես կարծում եմ՝ այդ ամենը նորմալ է»։

Դերասանուհին նշում է, որ, սովորաբար, դիետաների չի հետեւում, իրեն լավ զգալու համար, պարզապես, հաճախում է բալետի,-«Նախկինում տասը տարի պարել եմ։ Փոքրուց եմ պարում․ մի քանի տարի առաջ դադար էի վերցրել, բայց որոշել եմ վերսկսել պարապմունքներս։ Իրականում սիրում եմ համեղ ուտել, բայց երբ զգում եմ, որ չափն անցել եմ, ու դա արտահայտվել է նաեւ արտաքին տեսքիս վրա, մի քանի օր դադար եմ վերցնում ֆասթ ֆուդից ու, առհասարակ, քիչ եմ ուտում։ Բախտս բերել է, որ օրգանիզմս այնպիսին է, որ այս մեթոդն աշխատում է։ Հեշտ եմ թե նիհարում, թե քաշ հավաքում»։

Կնոջ իրական հմայքը հոգու գեղեցկության մեջ է, կարծում է Դիանան,-«Երբ մարդ բարի է ու կամեցող, արտաքնապես եւս միշտ գեղեցիկ է երեւում։ Որքան էլ թանկարժեք լինի խնամքը եւ հագուստը, եթե հոգին տգեղ լինի, մարդը դեմքով էլ տգեղ կլինի»,-հավելում է նա։

Սյունե Առաքելյան
Լուսանկարները՝ Դիանա Տոռեսի ինստագրամյան էջից 

Հետևեք NEWS.am STYLE-ին Facebook-ում, Twitter-ում և Instagram-ում