Շոգը գրավել է Հայաստանը, սակայն դա չի խանգարում, որ երկրում մշակութային միջոցառումներ անցկացվեն։ Օգոստոսի 12-ին Երեւանում տեղի ունեցավ Taraz Fest-ը՝ հայկական ազգային տարազին նվիրված ամենամյա փառատոնը։
Փառատոնի նպատակն է աշխարհում հանրահռչակել հայկական մշակույթը։ Միջոցառումն անցկացվել է «Megerian Carpet» մշակութային համալիրում եւ գրավել հարյուրավոր մարդկանց։
Բացման արարողությանը ներկա էին ՀՀ-ում ԱՄՆ դեսպան Քրիստինա Քուինը, ՀՀ-ում Սիրիայի դեսպան Նորա Արիսյանը, ՀՀ-ում Իրաքի գործերի ժամանակավոր հավատարմատար Սուհայլան Մունզեր Խալիլ Ալ-Ջուբուրին, պաշտոնատար այլ անձինք, հյուրեր եւ մշակութասերներ։
Ելույթ ունեցան ՀՀ ԿԳՆ Զբոսաշրջության կոմիտեի նախագահ Սիսիան Պողոսյանը եւ Տերյան մշակութային կենտրոնի տնօրեն Լիլիթ Մելիքյանը։
Փառատոնին ներկա էին նաեւ Հայաստանի ազգային փոքրամասնությունները՝ եզդիներ, ռուսներ, վրացիներ եւ ասորիներ՝ ներկայացնելով իրենց ազգային տարազները, հուշանվերները, խոսելով նաեւ իրենց մշակույթի առանձնահատկությունների մասին։
Փառատոնի ծրագիրը բաղկացած էր ցուցահանդես-տոնավաճառից, վարպետների տարբեր վարպետության դասերից, երաժշտական կատարումներից, ինչպես նաեւ ազգային տարազների դեֆիլեից։
Համալիրում տեղակայված են տաղավարներ, որտեղ ներկայացված են երկրի տարբեր մարզերի վարպետների եւ արհեստավորների հայկական արտադրանքը: Այստեղ դուք կարող եք գնել օրիգինալ նկարներ, մետաքսե շարֆեր, զարդեր, խեցեղեն եւ խաղալիքներ, ֆետրե պայուսակներ, հագուստ, բուսական թեյեր, մոմեր, հուշանվերներ, երաժշտական գործիքներ եւ շատ ավելին:
Համալիրի բակում կառուցվել է ամբիոն, որի վրա մոդելները ցուցադրել են ազգային տարազներ՝ ժամանակակից ներկայացմամբ։
Հյուրերը նաեւ ազգային տարազով լուսանկարվելու հնարավորություն ունեցան։
Միջոցառումը կազմակերպում է «Teryan Cultural Center»-ը։ Կենտրոնի տնօրեն Լիլիթ Մելիքյանը նշեց միջոցառման կարեւորությունը, քանի որ այն ոչ միայն ներկայացնում է հայկական մշակույթը, այլեւ տարբեր ժողովուրդների ներկայացուցիչների միջեւ մշակութային երկխոսության հնարավորություն է ստեղծում։
Ռեգինա Մելիքյան
Լուսանկարները՝ Նաստյա Շեւչենկո
Հետևեք NEWS.am STYLE-ին Facebook-ում, Twitter-ում և Instagram-ում
16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024» երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու11:18, 9 մայիսի
Քլոե Քարդաշյանը պատմել է, թե ինչպես է նիհարել 36 կիլոգրամով10:55, 9 մայիսի
Քիմ Քարդաշյանը «կոտրված Margiela տիկնիկի» դերում10:22, 9 մայիսի
Քրիս Ջենները հայտնել է, որ ուռուցք ունի09:00, 9 մայիսի
ՄԱՅԻՍԻ 9-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում