• «Մարդիկ միևնույն է՝ կհարձակվեն ձեզ վրա. Կասեն՝ շատ նիհար եք կամ շատ գեր». Ֆլորենս Պյուն բացահայտ խոսել է իր արտաքին տեսքի հետ կապված ծաղրի մասին  

  «Մեր տեսքի, հագնվելու և տարիքի վերաբերյալ անհավանական մանրակրկիտ ուսումնասիրություն է կատարվում։ Եվ երբ մենք ինչ-որ բան ենք փոխում, մեկնաբանությունները անմիջապես սկսվում են. «Օ՜, Աստված իմ, նա այսպիսի տեսք ունի», «Նա չափազանց շատ բան է արել», «Նա քաշ է հավաքել» կամ «Նա չափազանց շատ քաշ է կորցրել»։ Անհնար է գտնել բոլորին դուր գալու համար ճիշտ դիրքը», - նշել է դերասանուհին...

• Սառա Փոլսոնը Քիմ Քարդաշյանին խորհուրդներ է տվել նրա ամենասկանդալային ներքնազգեստի վերաբերյալ  

  Հոլիվուդյան դերասանուհի Սառա Փոլսոնը ոչ միայն ապացուցել է, որ Քիմ Քարդաշյանի ամենապրովոկացիոն արտադրանքներից մեկի երկրպագուն է, այլև առաջարկել է բարելավել դրա դիզայնը: «Ամերիկյան սարսափ պատմություն» սերիալի աստղը կարծում է, որ Skims-ի արհեստական մազերով ներքնազգեստը պետք է ավելի համարձակ լինի...

• «Սեքսով և ուշադրությամբ տարված». Դասթին Հոֆմանը անկեղծորեն պատմել է իր՝ որպես կնամոլի համբավի մասին  

  Հոլիվուդյան դերասան Դասթին Հոֆմանը առաջին անգամ խոսել է 2017 թվականին #MeToo շարժման ժամանակ իր շուրջ ծագած սկանդալի մասին: Իր նոր հուշագրությունում 89-ամյա «Անձրևի մարդը» ֆիլմի աստղը հերքել է սեռական ոտնձգությունների և հարձակման մեղադրանքները, սակայն խոստովանել է, որ անցյալում իր կատակներով և անընդհատ սիրախաղերով որոշ կանանց անհարմարության զգացում է պատճառել...

• Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկածանքով  

  Պակիստանը ցնցված էր 41-ամյա հեռուստահաղորդավարուհի Ռաբիա Ահսանի ողբերգական մահից: Լրագրողին գտել են սպանված՝ Ռավալպինդիում գտնվող իր տան ննջասենյակում: Նրա ամուսինը՝ Ահսան Թահիրը, սենյակում էր՝ ձեռքին ատրճանակ: Նա ձերբակալվել է, կնոջ մահվան հանգամանքները քննվում են...

• Ընկերը լքել է նրան, իսկ սերիալի աստղերը նրան հիմար են անվանել. պատահական հանդիպումը TikTok-ի հիթ է դարձել  

  Ցավալի բաժանում ապրող կինը անսպասելիորեն աջակցություն է ստացել իրական Հոլիվուդյան աստղերից։ Բաժանումից հետո տուն վերադառնալիս ամերիկուհի Գրեյս Հեքեթը պատահաբար հայտնվել է «Չիկագո Ֆայր» հայտնի սերիալի նկարահանման հրապարակում։ Դերասանական կազմի հետ հանդիպումը վերածվել է հուզիչ և զվարճալի պահի, որը արագ տարածվել է TikTok-ում...

• Պղպեղի սփրեյ, շան խայթոց և նվաստացում. նոր մեղադրանքներ Քայլի Ջենների դեմ  

  Քայլի Ջենները հայտնվել է նախկին աշխատակիցների հետ կապված ևս մեկ սկանդալի կենտրոնում: Ընդամենը յոթ ամսվա ընթացքում ամերիկացի հեռուստաաստղի և Kylie Cosmetics-ի հիմնադրի դեմ չորս դատական հայց է ներկայացվել...

• Հռոմի պապը, 1957 թվականի ողբերգությունն ու 69-ամյա դավադրությունը. ինչո՞ւ «Ferrari»-ն իտալացի արշավորդների չի վերցնում  

  Կիմի Անտոնելիի հաղթարշավը, որը դարձավ «Ֆորմուլա 1»-ի պատմության ամենաերիտասարդ աշխարհի չեմպիոնն ու 73 տարվա ընթացքում առաջին իտալացին, կրկին ուշադրություն է հրավիրել «Ferrari»-ի վաղեմի գաղտնիքի վրա. ինչո՞ւ է լեգենդար թիմը տասնամյակներ շարունակ գոյատևում առանց չեմպիոնական տիտղոսի համար պայքարելու ունակ իտալացի արշավորդների...

• 26 տարի սպասում և հարսանիք. 84-ամյա միլիարդատեր Մայքլ Բլումբերգը ամուսնացել է իր սիրելիի հետ  

  Նյու Յորքի նախկին քաղաքապետ և միլիարդատեր Մայքլ Բլումբերգը պաշտոնապես ամուսնացել է իր վաղեմի զուգընկերուհի Դիանա Թեյլորի հետ։ Զույգն ամուսնացել է 26 տարվա համատեղ կյանքից հետո...

Հայտնի հնդիկ դերասան Ռավի Դուբեյը, որն Instagram-ում ունի 3 միլիոնից ավելի հետեւորդ, օրերս Երեւանում էր։ Նա եւ իր թիմը մտադիր են այստեղ նկարահանել հնդկական նախագիծ՝ ոգեշնչված Հայաստանի մայրաքաղաքի գեղեցկությամբ ու մշակութային կոթողներով։ NEWS.am STYLE-ը հանդիպել է դերասանի հետ ու զրուցել նախագծի գաղափարի մասին։

Ֆիլմը, որի շուրջ աշխատում է դերասանը, կոչվում է «Ֆարադեյ»/Farradday: Այն ոգեշնչված է անգլիացի հայտնի գիտնական Մայքլ Ֆարադեյի կերպարից։ Դուբեյը մարմնավորելու է գլխավոր հերոսին, բացի այդ՝ նա եւ կինը՝ Սարգուն Մեհթան, հանդես են գալիս, որպես նախագծի պրոդյուսերներ, իսկ ռեժիսորը Անկուր Պաջնին է։ Այս այցը դերասանի համար հետազոտական էր։ Փորձել է ուսումնասիրել Երեւանի տեսարժան վայրերը՝ նկարահանման գործընթացը կազմակերպելու համար։ 

Посмотреть эту публикацию в Instagram

Публикация от Ravie Dubey (@ravidubey2312)

«Մենք կարծեցինք, որ այս ֆիլմն իր էներգիայով համապատասխանում է Հայաստանի ժառանգությանն ու պատմությանը։ Ես բավական ուսումնասիրություններ եմ արել, ինձ հատկապես դուր է գալիս մոխրագույնի ու սեւի համադրությունը, վարդագույնը, որը Երեւանի ճարտարապետության անմնացորդ մասն է։ Այդ ամենը շատ գեղեցիկ է։ Արդեն անհամբեր ենք, թե երբ ենք սկսելու մեր նկարահանումներն այստեղ։ Այս այցի նպատակը համապատասխան վայրերն գտնելն է»,-նշեց դերասանը։ Նրա խոսքով՝ նկարահանմանն աջակցում է նաեւ հայկական թիմը։ 

«Մեր նկարահանումների մեծ մասն այստեղ է անցկացվելու, այնպես որ կաշխատենք, իհարկե, նաեւ հայերի հետ։ Մեր ընկերներից մեկը՝ Ազան, շատ օգտակար է մեզ եղել, շատ է աջակցում, ինչի համար անչափ շնորհակալ ենք»։

Посмотреть эту публикацию в Instagram

Публикация от Ravie Dubey (@ravidubey2312)

Մանրամասնելով նախագծի մասին՝ Դուբեյը հավելեց՝ այն փոխաբերական իմաստ ունի, բայց շատ թեմաներ է ուսումնասիրում, ինչպիսին է, օրինակ, էվոլյուցիան։ «Դուք շատ գեղեցիկ եկեղեցիներ ունեք, մեզ շատ է դուր եկել Մայր Հայաստանի արձանը, եւ ես վստահ եմ՝ այստեղի աջակցությամբ ու ոգեշնչմամբ մենք մի գեղեցիկ գործ ենք ստանալու, ինչպիսին, որ քաղաքն է»,-ասում է նա։ 

Դերասանի խոսքով՝ նկարահանումներ լինելու են նաեւ Հնդկաստանում, բայց տեսարանների մեծ մասը կնկարահանվեն Երեւանում։ «Ցանկանում ենք ամբողջությամբ ներկայացնել Երեւանը։ Բայց մեր նպատակը միայն այն չէ, որ ցուցադրենք, թե որքան գեղեցիկ ու էսթետիկ է այս քաղաքը, մենք նաեւ ցանկանում ենք ներառել Հայաստանի հին ժառանգությունը, պատմությունն ու մշակույթը։ Այդ ամենը կլինի սցենարում»։

Դերասանի հաջորդ այցը Երեւան կլինի մոտ երկու շաբաթից։ Դուբեյի խոսքով՝ նկարահանումները ծրագրում են սկսել առաջիկայում։ 

Посмотреть эту публикацию в Instagram

Публикация от Ravie Dubey (@ravidubey2312)

Խոսելով Հայաստանի մասին՝ բոլիվուդյան աստղը նշեց,-«Այստեղ առաջին անգամ էի, բայց մարդիկ այնքան ջերմ են ու աջակցող, որ տպավորություն է, թե տարիների կապ ունեմ իմ նոր ընկերների հետ։ Ամենակարեւոր նմանությունը, որ տեսնում եմ հայերի ու հնդիկների միջեւ, ընտանիքի հետ սերտ կապն է։ Ինձ նաեւ դուր է գալիս այն փաստը, որ մեր լեզուներն էլ հնչողությամբ նման են։ Ես հայերեն չեմ խոսում, բայց այդ նմանությունները զգացել եմ։ Իհարկե, մենք նման ենք նաեւ այն առումով, որ հին մշակույթներ կրող ազգեր ենք, եւ այն փաստը, որ շատ հնդիկների համար Հայաստանն այսօր տուն է դարձել, խոսում է մեր ազգերի վաղեմի մտերմության մասին»։ 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում