• Հինգ սխալ, որոնք լուռ կործանում են ամուսնությունները

  Երջանիկ և երկարատև ամուսնության գաղտնիքը կայանում է ոչ միայն համատեղելիության, այլև հուզական մտերմության պահպանման մեջ․․․

• Սմարթֆոնները գողանում են կյանքի տարիները. գիտնականները զգուշացնում են անվերջ սքրոլինգի հետևանքների մասին

  Սոցիալական ցանցերում ժամերով սքրոլինգ անելը կարող է շատ ավելի լուրջ առողջական հետևանքներ ունենալ, քան ընդունված է ենթադրել…

• Ֆլիրտ, հպում և ոչ մի ճնշում. կրքի ֆրանսիական բաղադրատոմսը

  Ֆրանսիացի կանայք հաճախ համարվում են գայթակղության վարպետներ, որոնք կարողանում են պահպանել կիրքը հարաբերություններում և վայելել սեքսը…

• Աղջիկներն ու տղաները ծնվելուց մի քանի ժամ անց սկսում են տարբեր կերպ արձագանքել աշխարհին

  Հարցը, թե տղամարդկանց և կանանց վարքագծի տարբերությունները որքանով են պայմանավորված բնությամբ, և որքանով՝ դաստիարակությամբ և սոցիալական միջավայրով, մնում է գիտության մեջ ամենատևականներից մեկը…

• «Զուգարանը նրանց գաղտնի զենքն է». ամուսնալուծության փորձագետը բացահայտել է, թե ինչու են տղամարդիկ ժամերով փակվում լոգարանում  

  Ամուսնալուծության փորձագետը մեծ իրարանցում է առաջացրել հավերժական «սեռերի պատերազմում»՝ պնդելով, որ տղամարդիկ, իբր, զուգարան մտնելը վերածել են ընտանեկան պարտականություններից խուսափելու զենքի...

• Բրիտանացի գիտնականները պարզել են, թե ինչու են չափազանց առատաձեռն տղամարդիկ վախեցնում կանանց

  Բրիտանացի գիտնականները կրկին ստանձնել են ամենակարևոր խնդիրը՝ պարզել, թե ինչն է խանգարում մարդկանց կառուցել առողջ հարաբերություններ…

• Ամուսինը 16 տարով մեծ է, ապրում է առանձին և հանդիպում է այլ մարդկանց հետ

  31-ամյա Հեյլի Ֆոլկն արդեն երկու տարուց ավելի է՝ անսովոր ամուսնության մեջ է իրենից 16 տարով մեծ տղամարդու հետ․․․

• Արձակուրդն ավարտվում է, իսկ անհանգստությունը սկսվում է․ ինչո՞ւ չենք ուզում վերադառնալ աշխատանքի

  Արդյո՞ք մենք պարզապես հոգնել ենք աշխատանքից, թե՞ երբեմն աշխատանքի վերադառնալու մեր ուժեղ ցանկությունը թաքցնում է շատ ավելի խորը խնդիր...

Սեքսուալությունը կոնստրուկտ է, որը կարելի է հասկանալ բոլորովին տարբերայլ կերպ՝ կախված կոնտեքստից: Կա սեռական խառնվածք, որը որոշում է, թե որքան կարեւոր է սեքսը ձեզ համար, եւ սեռական ինտելեկտը, որը չափվում է նրանով, թե ինչն է ձեզ համար նորմալ սեքսի մեջ: Ցանկացած հասկացության բացատրությունը դրանց դասակարգման միջոցով մարդկանց միջեւ տարբերությունները բացահայտելու ամենատարածված միջոցն է, նույնիսկ այսօր՝ երկիմաստության ու ցանկացած տիպաբանության մերժման դարաշրջանում:

Ռեժիսոր Քսենիա Միտրոֆանովան մշակել է կանացի սեքսուալության տիպաբանություն՝ հիմնված այն բանի վրա, թե ինչպես է կինն իրեն պահում հանրության մեջ, սթրեսային իրավիճակներում եւ տեսախցիկի առջեւ։ Տիպաբանությունը հետաքրքիր է նրանով, որ այն չի գրավում հոգեբանությանը, այլ հաշվի է առնում միայն կնոջ կերպարն ու նրա վարքագծի տեսակը։ Խոսում ենք տիպաբանության մասին՝ այն հարմարեցնելով հայկական իրականությանը։

Հեղինակն առաջին կանացի տեսակը սահմանում է որպես «Փափուկ ուժ»։ Նման կանանց նայելիս ասում են՝ «վայելչակազմ»: Սրանք փափուկ դիմագծերով ու կազմվածքով կանայք են, հաճախ՝ երկար մազերով։ Չնայած շարժումների սահունությանը, նրանք ունեն անմիջականություն իրենց հայացքում ու կեցվածքում։ Այս երկակիությունը կարելի է տեսնել նաեւ նրանում, որ ներսի արտաքին փափկության հետեւում թաքնված է շիտակությունն ու ուժեղ խառնվածքը: Սթրեսային կամ սիրահարված իրավիճակում, նրանք հեշտությամբ կարող են վեճերի բռնվել եւ եռանդով աջակցել քննարկումներին: Եթե ​​նրանց դուր է գալիս տղամարդը, ապա կարող են բացահայտ անտեսել նրան։ Ահա, թե ինչպես է դրսեւորվում ներքին հաստատակամությունը։ Կյանքում նրանց պակասում է թեթեւությունը, հաճախ չափազանց լուրջ են դառնում հանրության առաջ, ունենում են ձգված ժպիտ, ավելորդ լարվածություն։ Ընկերություններում նման կանայք, որպես կանոն, չեն շտապում խոսել իրենց մասին, պատրաստ են լսել ուրիշներին, բայց չբացվել։ Կարող են լինել չափից ավելի ուղղախոս եւ մեկուսացված։

Տիպիկ ներկայացուցիչներ՝ Մոնիկա Բելուչի եւ Անջելինա Ջոլի։

Հայկական իրականության մեջ սա կնոջ տեսակ է, ով իր գեղեցկությամբ աչք է գրավում, բայց նաեւ իր ուժով վանում է անվստահ տղամարդկանց մեծամասնությանը։ Նրան անպայման նայում են, բայց հեռվից՝ մի տեսակ անառիկ գեղեցկուհի։ 

Հաջորդ տեսակը «հասանելի մաքրությունն» է։ Նման կանայք վառ են, աղմկոտ, բարձրաձայն ու զվարճալի։ Նրանց կարելի է առանձնացնել մազերի վառ գույնով, լայն ժպիտով եւ հնչեղ ծիծաղով։ Նրանք հմայիչ են եւ հաճախ ուշադրության կենտրոնում։ Ամենաշատն աչքի են ընկնում կոտրված ժեստերն ու միամտությունը։ Նման կանայք սիրում են ցույց տալ իրենց ռոմանտիկ էությունը։

Տիպիկ ներկայացուցիչներ՝ Մերիլին Մոնրո եւ Ջուլիա Ռոբերթս:

Նման կանայք համատեղում են սեքսուալությունը եւ փոքր-ինչ մանկական միամտությունն ու երկչոտությունը։ Նրանք սիրախաղի սիրահար են։ Դժվար իրավիճակներում նրանք արագ մոլորվում են։ Հայկական իրականության մեջ սա կոկետուհի հարեւանուհին է, որին կասկածանքով են նայում վառ սեքսուալության եւ մանկական միամտության ակնհայտ անհամատեղելիությանը։ Նրա վառ սեքսուալության պատճառով, նախանձից ելնելով, մյուսները վերագրում են սանձարձակություն ու անլուրջություն, իսկ տղամարդիկ անխոհեմաբար դա համարում են մատչելիություն։

Մեկ այլ տեսակ է «արիստոկրատական ​​թուլությունը»: Այս կանայք չեն սիրում իրենց վրա ուշադրություն հրավիրել պարանոցի կամ բաց ուսերի կամ ոտքերի միջոցով, նրանք համեստ են, բայց միշտ ճաշակով հագնված, մազերը կոկիկ կապած։ Նրանք աչք են գրավում իրենց լակոնիկությամբ։ Արտաքին զսպվածությունը հեշտությամբ շփոթվում է ամբարտավանության հետ: Սթրեսային իրավիճակներում հաճախ վերցնում են խնդրողի դիրքը։ Սկսում են չափից շատ ներողություն խնդրել եւ առանց պատճառի մոլորվում են, լեզվակռիվ է ստեղծվում։ Բոլորն ատում են դա նրանց մեջ, քանի որ այն չի համապատասխանում նրանց խառնվածքին։

Տիպիկ ներկայացուցիչներ՝ Նիկոլ Քիդման եւ Գվինեթ Փելթրոու:

Հայկական իրականության մեջ սա արտաքուստ համեստ, սառը եւ կարծես միշտ հեռավորության վրա գտնվող կին է։ Նստարանին նստած տարեց տատիկները եւ հարեւանները նրան մեղադրում են մեծամտության մեջ՝ սուրճ խմելուց եւ իրենց հետ բամբասելուց հրաժարվելու համար։ Արտաքնապես մի տեսակ սառցե թագուհի, որը թքած ունի երկրային խնդիրների վրա։

Մեկ այլ տեսակ է «Խորը էքսցենտրիկ»-ը: Նման կանայք, որպես կանոն, սիրում են վառ կերպարներ, ունեն լայն ժեստեր, վստահ քայլվածք եւ ինչ-որ չափով հեգնական հայացք։ Սթրեսային իրավիճակներում հաճախ լինում են անկանխատեսելի ռեակցիաներ, օգտագործում են սարկազմ ու հեգնանք, կարող են չափից դուրս կոպիտ թվալ։ Արագ զղջում են արձագանքի համար եւ մեղադրում են իրենց իմպուլսիվ լինելու համար: Նրանք հաճախ դիմում են տրամաբանությանը եւ սառը բանականությանը, բայց սիրում են խելահեղ գաղափարներ ու արկածներ:

Տիպիկ ներկայացուցիչներ՝ Մերիլ Սթրիփ եւ Պենելոպա Քրուզ:

Հայկական իրականության մեջ սա մի կին է, ով ուշադրություն է գրավում իր արձագանքներով ու ծիծաղով։

Հաջորդ տեսակը «Հիմարիկն» է։ Արտաքուստ քաղցր, բանտիկ շրթունքներով, բայց ունի սուր ու անկյունային ժեստեր։ Ամենօրյա զգեստապահարանը սիրում է նոսրացնել ռոք ոճի հագուստով։ Կարող է լինել կռվարար չափից ավելի հանդգնության պատճառով: Սթրեսային իրավիճակում նրանք մոլորվում են, ամաչկոտությունը դրսեւորվում է, վերածվում են մեղավոր երեխայի կամ գռեհիկ տատիկի։

Տիպիկ ներկայացուցիչներ՝ Նատալի Պորթման եւ Սքարլեթ Յոհանսոն։

Հայ իրականության մեջ նրան անկախ տարիքից լիովին լուրջ չեն վերաբերում։ Տիպաբանության հեղինակ Քսենիա Միտրոֆանովան առանձնացնում է մեկ այլ տեսակ՝ «Գորշ մուկ», որը դեռ չի որոշել եւ չի բացահայտել իր սեքսուալությունը։ Հայկական իրականություններում սա բակի ամենաաննկատ կինն է, ում մասին քիչ բան է հայտնի, բայց առանձնապես հետաքրքիր չէ։

Չնայած հեղինակի առաջարկած տիպաբանությանը, սեքսուալությունը շատ ավելի ծավալուն հասկացություն է եւ կարող է դրսեւորվել բոլորովին այլ ձեւերով՝ առանց կոռեկտության կամ նորմերի, այնպես որ դրա բոլոր կողմերը պետք է վերցնես քո մեջ։

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում