• Macallan-ը թողարկել է իր ամենահին վիսկին

  Macallan-ը թողարկել է իր ամենահին վիսկին` Time: Space-ը, որը 84 տարեկան է եւ ներկայացված է սահմանափակ քանակությամբ․․․

• Հայաստանը երեք օրով կդառնա «գինու զբոսաշրջության համաշխարհային մայրաքաղաք»

  Սեպտեմբերի 11-ից 13-ը Հայաստանում կանցկացվի Գինու զբոսաշրջության 8-րդ համաշխարհային ֆորումը…

• Պերճաշուքությունը գավաթի մեջ. ի՞նչ բացել Պինո Նուարի միջազգային օրվա առթիվ. Wine Story

  Օգոստոսի 18-ին աշխարհը բացում է իր սրտերը (և շշերը) խաղողի ամենաբարդ և բարդ տեսակներից մեկի՝ Պինո Նուարի համար: Այս քմահաճ խաղողի տեսակը գինու իսկական լեգենդ է համարվում...

• Հայտնի վրացի երգիչ Դաթոյի այցը Իջեւանի գինու-կոնյակի գործարան

  Իջևանի գինու-կոնյակի գործարանը, որը հիմնադրվել է 1951 թվականին, տարածաշրջանի ամենահին և խոշոր ձեռնարկություններից է։ Գործարանի արտադրանքը հայտնի է ոչ միայն Հայաստանում, այլեւ արտասահմանում, արտահանվում է բազմաթիվ երկրներ...

• Ինչու են կոլեկցիոներներն ընկնում գինու շշերի հետևից. Wine Story

  Երբ մենք լսում ենք « հավաքածու կազմել» բառակապակցությունը, մեր մտքին տեղնուտեղը գալիս են նամականիշներ, մետաղադրամներ, հնաոճ իրեր կամ նույնիսկ սուպերհերոսների արձանիկներ հավաքող մարդկանց կերպարներ...

• Պրոսեկկոյի ազգային օրը. որտեղ եւ ինչպես է այն արտադրվում եւ ամենակարեւորը՝ ի՞նչ խմել. Wine Story

  Պրոսեկկոյի ազգային օրը նշվում է ամեն տարի օգոստոսի 13-ին, եւ ամեն տարի այս ըմպելիքը փրփրուն գինու սիրահարների շրջանում ավելի ու ավելի մեծ ժողովրդականություն է վայելում: Պրոսեկկոն իտալական կյանքի հաճույքի էությունն է, որտեղ զվարճանքն ու ուրախությունը ձեռք ձեռքի տված են...

• Wine Story. Սայմոն Ջ. Վուլֆ. «Հայաստանի խաղողի յուրահատուկ տեսակներն ու ոճերը հնարավորություն են այդտեղի գինեգործարանների համար»

  Սայմոն Ջ. Վուլֆը բրիտանացի գինու քննադատ, գրող եւ The Morning Claret կայքի հիմնադիրն է․․․

• Wine Story. հայկական խաղողի այգին ներառվել է Եվրոպայի ամենագեղեցիկ գինեգործական տարածքների թոփ 10-ում

  Հայկական Momik WineCube խաղողի այգին հայտնվել է Եվրոպայի ամենագեղեցիկ խաղողի այգիների տասնյակում՝ DFDS վարկանիշում զբաղեցնելով իններորդ տեղը…

Աշունը տարվա հրաշալի եղանակ է, որը հաճախ ստիպում է մտածել հարմարավետ հավաքույթների, համեղ ուտեստների եւ աշնանային մթնոլորտը լրացնող կատարյալ գինու մասին: Լավ ընտրված գինին կընդգծի հաճելի զգացողությունները, կջերմացնի ձեզ զով երեկոյան եւ կօգնի հանգստանալ: NEWS.am STYLE-ը ձեզ կներկայացնի գինիների ընտրանի, որոնք կարող են հաճելի ուղեկիցներ դառնալ այս սեզոնին։ Աշնանային առատ բերքը ստեղծում է հարուստ եւ թարմ համերի ներկապնակ, իսկ կարմիր գինիները, որոնք փայլում են աշնանային լույսի ներքո, հայտնի են իրենց խորությամբ եւ բարդությամբ:

Hin Areni Red

Չոր կարմիր գինի՝ հայկական Արենի սորտից (100%), որը հիանալի զգալով հրաբխային հարուստ հողի վրա՝ իր մեջ համատեղում է տերուարին բնորոշ վառ հատկանիշներն ու նրբագեղությունը: Գինու գույնը ռուբին է, ոչ շատ մուգ, բույրը ներդաշնակորեն միահյուսված է մոշի, հապալասի եւ բալի քաղցրության նոտաներով, իսկ սեւ պղպեղի համեմունքը, որը սկսում է զգացվել առաջին կումից, հաճելի է քիմքին։ Հագեցած համով, ոչ շատ ընդգծված, նուրբ դաբաղանյութերով եւ արտահայտիչ հետհամով գինին թույլ կտա, որ խմելուց հետո մի փոքր ավելի երկար վայելեք գինու համը:

Septima Obra Malbec Reserve

Գինին արտադրվում է Արգենտինայի Մենդոզա գինեգործական շրջանում։ Տարածաշրջանի կլիմայական պայմանների համադրությունը թույլ է տալիս այնտեղ աճեցված ֆրանսիական Մալբեկ խաղողի սորտին լիովին բացահայտել իր բարդ կառուցվածքը եւ հնեցման ունակությունը, քանի որ այս գինու 15%-ը հնեցվել է ֆրանսիական նոր կաղնու մեջ: Գինին ունի մուգ երանգ եւ համատեղում է համեմունքների փունջ՝ սեւ թեյով, դարչինով եւ սեւ հատապտուղներով։ Առաջին կումից նկատվում է սեւ հաղարջի մեղմ համն ու շոկոլադի քաղցրությունը։

Karas Red Blend

Արարատյան դաշտի հրաբխային հողի վրա աճեցված Մալբեկը (35%), Սիրահ/Շիրազը (35%) եւ Կաբերնե Ֆրանկը (30%) կազմում են շատ հետաքրքիր եւ ներդաշնակորեն հյուսված խառնուրդ, որն ամեն կումի մեջ բացահայտում է այս խաղողներից յուրաքանչյուրի լավագույն երանգները։ Գույնը մուգ է՝ նռան երանգի շեշտադրումներով, իսկ բույրը կանչում է ներշնչելու քաղցր համեմունքների, հապալասի եւ սուրճի կծու նոտաները: Գինու համն ավելի զուսպ է, բայց բավական է վայելել մի կում, եւ կզգաք համային բոլոր նրբերանգները: Սա հենց այն է, ինչ ուզում ես վայելել աշնանային զով երեկոյին:

Fantini Montepulciano D'Abruzzo

Իտալական այս հարուստ, հիանալիորեն հավասարակշռված գինին կլուսավորի ցանկացած երեկո՝ թե տանը հարմարավետ հավաքույթները, թե ընկերների հետ ընթրիքը։ Այն թեթեւ է եւ կարելի է մատուցել ցանկացած ուտեստի հետ: Շիշը բացելուց հետո դուք անմիջապես կզգաք սոճու եւ թաց հողի բույրը, որին հաջորդում են բալի եւ անանուխի բույրերը՝ տպավորություն ստեղծելով, թե անձրեւից հետո քայլում եք անտառով: Համի մեջ կզգաք կարմիր եւ սեւ հատապտուղները, թեթեւ բուսական դառնությունը եւ աղիությունը: Ի՞նչ է սա, եթե ոչ աշնան արտահայտությունը մեկ բաժակում:

Shoror Areni

Լավագույն հնգյակը եզրափակում է այս գինին, որը նույնիսկ հնչողությամբ է նման  աշնանը՝ շորոր: Իսկ գինին ինքնին թեթեւ է, պատրաստված է 100% Արենիից՝ աճեցված Վայոց ձորի մարզում՝ ծովի մակարդակից 1300 մ բարձրության վրա գտնվող խաղողի այգիներում։ Այն բուրավետ է՝ սալորի եւ սև հաղարջի բույրերի համադրությամբ։ Համը միջին հարստության է՝ թավշյա տանիններով, հասած բալի եւ ազնվամորու հաճելի թթվայնությամբ։

Լիանա Աղաջանյան

Հետևեք NEWS.am STYLE-ին Facebook-ում, Twitter-ում և Instagram-ում