Արեւելյան հորոսկոպով օձի տարին սկսվում է փետրվարին, այնպես որ մի շտապեք Ամանորին հաճոյանալ օձին եւ ամեն ինչ հարմարացնել իր «քիմքին»: Սա է դիզայներ Գեւորգի Հարությունյանի խորհուրդը մեր բոլոր ընթերցողներին: Նրա հետ խոսեցինք տան, տոնածառի եւ սեղանի զարդարումից:
Այսպես, Գեւորգի Հարությունյանը տեղեկացրեց, որ այս տարի ամեն ինչ պետք է շքեղ, թանկարժեք տեսք ունենա: Տարվա գույներն են մուգ կապույտը եւ մուգ կարմիրի եւ բալի գունային համադրությունը, աքսեսուարների մեջ ամենաշատը օգտագործվում է թավիշը, գազարագույնի երանգներով տարբեր իրեր, ոսկեգույն եւ արծաթագույն կապիչներ, հնաոճ եւ փայտյա իրեր:
Տունը կարելի է զարդարել տարբեր կերպ` բավարարվել միայն տոնածառ զարդարելով, տան ինչ-որ մի անկյուն կամ էլ ամբողջ տունը զարդարելով:
Աքսեսուարների մեջ շատ արդիական է գերբ, որեւէ նշան օգտագործելը, նորաձեւ են գործվածքները: Օրինակ` դիզայները առաջարկում է ընտանեկան գերբ ստեղծել, դա ամրացնել ասեղնագործված որեւէ կտորի վրա եւ կապել ոսկեգույն կամ արծաթագույն թելերով: Արդիական չէ պարզապես փուչիկներով եւ փայլերով տունը զարդարելը: Դիզայները առաջարկում է ոսկեգույն, արծաթագույն եւ բրոնզագույն փայլերը խառնել կապույտ եւ բորդո խաղալիքների հետ եւ «միքսված» վիճակով օգտագործել տան զարդարանքում:
Ինչ վերաբերում է տոնածառին, ապա այս տարի նախընտրելի է միջին չափի մուգ կանաչ տոնածառը, ոչ մեծ, ոչ փոքր, որը կարող է դրված լինել հնաոճ սեղանի վրա: Տոնածառը կարելի է զարդարել` խաղալիքները պատելով թավիշով, ծայրերին կապելով ոսկեգույն բողբոջներ, քարեր, ասեղնագործություններ` նշաններով, օգտագործել ոսկեգույն պարաններ: Կարելի է հրաժարվել դասական տոնածառից եւ տոնածառ պատրաստել անձամբ` բարձերով, գրքերով, փայտերով եւ այլն: Օրինակ` դիզայները այդպես մուգ կապույտ բարձերով տոնածառ է պատրաստել` մեծից փոքր շարել է բարձերը, ոսկեգույն պարանով կապել, իսկ ծայրերին ամրացրել բողբոջներ, օգտագործել է նաեւ քարիկներ եւ փայլեր:
Տնային տնտեսուհիները ամանորյա տոնական սեղանները զարդարելիս եւս կարող են օգտագործել փայլեր եւ քարիկներ: Այս տարի նորաձեւ են մուգ գույնի սփռոցները, ոսկեգույն եւ արծաթագույն երանգներով անձեռոցիկները, կարելի է հատուկ օղակներ պատրաստել դրանց համար: Սեղանին պարտադիր պետք է լինեն մոմեր, ըստ որում` նախընտրելի են բարձր, ապակյա մոմակալի մեջ: Սպասքը եւս պետք է լինի ոսկեգույնի եւ արծաթագույնի երանգներում:
Ամփոփելով` Գեւորգի Հարությունյանը բոլորին խորհուրդ է տալիս սեփական ճաշակով զարդարել ամեն ինչ, դրա մեջ հոգի դնել, միայն այդ դեպքում ամեն ինչ շատ գեղեցիկ կլինի:
Հետևեք NEWS.am STYLE-ին Facebook-ում, Twitter-ում և Instagram-ում
14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով