Մարդու տարիքը հաճախ մատնում են ոչ թե դեմքի կնճիռները, այլ չխնամված և արդեն թորշոմած ձեռքերն ու պարանոցը: Ուստի մարմնի հատկապես այդ մասերն առանձնահատուկ ուշադրության և խնամքի անհրաժետություն ունեն: Հատկապես պարանոցի խնամքը հարկավոր է սկսել 25-30 տարեկանում, երբ ի հայտ են գալիս այդ նուրբ հատվածի ծերացման առաջին նշանները: Իսկ ձեր ջանքերի գինն այն կլինի, որ հնարավորինս կերկարացնեք ձեր երիտասարդությունը՝ թարմ և գեղեցիկ տեսք ունենալով:
Պարանոցը շատ ավելի վաղ տարիքում է սկսում ծերանալ, քանի որ մարմնի այդ հատվածում գրեթե բացակայում է ենթամաշկային ճարպը: Ծերացումը կարող են արագացնել նաև դեպրեսիաները, գերհոգնածությունը, սխալ սննդակարգը, վատ էկոլոգիան, ծխախոտը և ոգելից խմիչքը, ինչպես նաև սխալ կեցվածքը:
Ժամանակի անխնա ազդեցությունը հնարավորինս հետաձգելու համար պարանոցը համալիր խնամքի անհրաժեշտություն ունի:
Խուսափեք մեծ բարձերից
Եթե չեք ցանկանում ժամանակից շուտ ծերանալ, հրաժարվեք մեծ բարձերից, որոնց պատճառով կնճռոտում է ոչ միայն պարանոցը, այլև դեմքի մաշկը, երբ դեմքով պառկում եք բարձի վրա և նպաստում մաշկի վրա տարբեր ծալքերի առաջացմանը: Մասնագետները խորհուրդ են տալիս հատուկ օրթոպեդիկ բարձեր ձեռք բերել, որոնք հարմարավետ են և ապահովագրում են նաև ողնաշարի խնդիրներից:
Խուսափեք պարանոցը պարբերաբար փակ պահելուց
Եթե դուք մշտապես օգտվում եք տարատեսակ շարֆերից, շալերից կամ սիրում եք պարանոցը ծածկող հագուստ հագնել, պատրաստ եղեք, որ ժամանակի ընթացքում այն կարող է կորցնել առաձգականությունն ու թարմությունը: Բանն այն է, որ մարմնի այդ նուրբ հատվածում մաշկը պարբերաբար փակ մնալուց կորցնում է խոնավությունը և սկսում թորշոմել:
Մաքրեք, սնուցեք, խոնավեցրեք
Առավոտյան պարանոցը ցողեք սառը ջրով, որից հետո մաքրող, առաձգականությունը և մաշկի փայլը վերականգնող լոսյոն քսեք: Չմոռանաք նաև սնուցող, խոնավեցնող քսուկի մասին: Մասնագետները խորհուրդ են տալիս նաև շաբաթական մեկ-երկու անգամ որևէ դիմակ դնել պարանոցի մաշկին, որոնք կսնուցեն այն, կձգեն, կերիտասարդացնեն:
Բավականին արդյունավետ միջոց է նաև պարանոցի մերսումը, որը կարելի է իրականացնել տնային պայմաններում: Մերսման ընթացքոմ հարկավոր է մաշկին սնուցող յուղեր քսել և թեթև շոյող շարժումներով մերսել ամբողջ պարանոցը՝ զերծ մնալով մաշկը ձգելուց:
Զբաղվեք պարանոցի մարմնամարզությամբ
Պարանոցի մաշկի վաղ ծերացման դեմ արդյունավետ միջոցներից մեկն էլ դեմքի մարմնամարզությունն է: Պարանոցի, ինչպեսև դեմքի վրա բազմաթիվ մկաններ կան, որոնք հարկավոր է մարզել և տոնուսի մեջ պահել, հակառակ դեպքում մկանները կկախվեն՝ նպաստելով նաև մաշկի ծերացմանը:
Ի դեպ, գեղեցկուհի Բրիջիտ Բարդոն խորհուրդ է տալիս հաճախ վերև նայել: Այդ դեպքում հնարավոր կլինի խուսափել պարանոցի վրա գոյացող ծալքերից, գոնե թե մինչև ծերություն: Դարասանուհին խոստովանել է, որ իրեն հաջողվել է երիտասարդությունը պահպանել նաև հաճախ աստղերին նայելու շնորհիվ:
Աղբյուրը՝ Cosmo.ru
Հետևեք NEWS.am STYLE-ին Facebook-ում, Twitter-ում և Instagram-ում
01:13, 10 մայիսի
«Եվրատեսիլ 2024». Հայաստանն անցավ եզրափակիչ փուլ00:12, 10 մայիսի
Հայաստանը ներկայացնող «Լադանիվա»-ի ելույթը՝ «Եվրատեսիլ 2024»-ի երկրորդ կիսազրափակչին (VIDEO)23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024»-ի երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում