Երեւանում այսօր՝ մարտի 20-ին, պաշտոնական արարողությամբ կայացավ գեղարվեստական եւ վավերագրական կինոյի հայտնի ռեժիսոր, սցենարիստ, դերասան, Հայաստանի Հանրապետության ժողովրդական արտիստ Արտավազդ Փելեշյանի աստղի բացումը: Միջոցառմանը ներկար էր անձամբ ռեժիսորը, որն իրեն բնորոշ խոսուն լռությամբ հայտնեց իր շնորհակալությունն՝ իր արվեստի գնահատման համար:
Посмотреть эту публикацию в Instagram
Համաշխարհային համբավ ունեցող կինոռեժիսորի աստղը բացվել է Թումանյան 31 հասցեում՝ «Արեւ» ֆիլմ ստուդիայի ղեկավար, ռեժիսոր Հրանտ Վարդանյանի նախաձեռնությամբ: Մեկնաբանելով աստղի բացման համար ընտրված վայրը՝ Հրանտ Վարդանյանը նշեց.
«Այս խաչմերուկում է տեղի ունեցել մի բան, որն Արտավազդ Փելեշյանը համարել է իր առաջին քայլը դեպի կինո. ավելին բացահայտել չեմ կարող, եթե ցանկանա, ինքը մի օր կմեկնաբանի, թե ինչու: Վարպետի հետ տարբեր սրճարաններ ենք այցելում, մի օր առաջարկեցի գալ այս խաչմերուկի վրա գտնվող իմ սիրելի սրճարանը: Եկանք, սիրահարվեց այս վայրին, եւ այդ պահից սկսած, երբ առաջարկում էի գնալ մի տեղ սրճելու, ասում էր՝ «Այո, գնանք մեր սիրած սրճարանը»: Արդեն երեք տարի է անցել այդ օրից: Երկու տարի առաջ գաղափարը ծնվեց: Ասացի՝ «Էնքան ենք եկել-գնացել էստեղ, վարպետ, որ մի օր պատին փակցնելու ենք, որ սա Արտավազդ Փելեշյանի սիրելի վայրն է»:
Ըստ Հրանտ Վարդանյանի՝ հայ մեծերի աշխատանքը նմանօրինակ միջոցառումներով գնահատելը պետք է ավելի տարածված բնույթ կրի.
«Այս մշակույթը քաղաքին սազում է, եւ բոլոր վայրերն ունեն իրենց քաղաքի լեգենդների, ստեղծագործողների արձանները… Սա քաղաքային մշակույթ է, եւ մեր քաղաքին սա մի փոքր նվեր է»:
Վարդանյանի մտահաղացմամբ՝ Արտավազդ Փելեշյանի սիրելի սրճարանի վահանակին փակցված է QR կոդ, որով անցորդները կարող են «հայտնվել» ռեժիսորի կայքէջ՝ ավելի մանրամասն ծանոթանալու նրա գործունեությանը.
«Սա, հատկապես, զբոսաշրջիկներին կհետաքրքրի, որոնք միանգամից կարող են ծանոթանալ նրա արվեստին»:
Հարցին, թե ինչպես է ինքը՝ Փելեշյանը, վերաբերվել Երեւանի կենտրոնում անվանական աստղ ունենալու մտքին՝ Հրանտ Վարդանյանը պատասանեց.
«Սկզբում նրան շատ դուր եկավ գաղափարը, բայց վերջին շրջանում հարցնում էր՝ «Ճի՞շտ ենք անում, պե՞տք է անել սա»: Վարպետն իր տրամադրությամբ այդպիսին է…»:
Արտավազդ Փելեշյանի անվանական աստղի բացման արարողությանը ներկա էին վարպետի կինը, հարազատները, արվեստի եւ մշակույթի գործիչներ, ՀՀ ԿԳՄՍ նախարարության եւ Երեւանի քաղաքապետարանի ներկայացուցիչներ:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024»-ի երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում