• «Միշտ ոգևորված եմ՝ բացահայտելու իմ արմատները». Գրիգոր Ջաբոտյանը՝ հայկական նորաձևության և մոդել Արմինե Հարությունյանի հետ համագործակցության մասին

  Հոկտեմբերի 8-ից 11-ը անցկացված Երևանի նորաձևության շաբաթը (Yerevan Fashion Week) կրկին մեկ հարկի տակ համախմբեց դիզայներների, ստեղծագործողների և նորաձևության ոլորտի մասնագետների՝ թե՛ Հայաստանից, թե՛ աշխարհի տարբեր երկրներից…

• «Մոսկվայի անամոթը»՝ Մկրտիչ Բալյան. Ինչպես նկուղային արկածախնդիրը հյուրերի նվաստացումը վերածեց թանկարժեք շոուի

  Օրվա ընթացքում Պրեչիստենսկայա ափին գտնվող Պերցովի տունը նման էր հարգված բնակարանային շենքի․․․

• Շերը բացահայտել է իր պաշտամունքային «մերկ» զգեստի գաղտնիքը, որը նա հագել էր 1974 թ-ի Met Gala-ին

  Շերը կիսվել է իր կարիերայի ամենահայտնի հագուստներից մեկի՝ 1974 թվականի Met Gala-ի ի ժամանակ կրած թափանցիկ զգեստի անսովոր պատմությամբ․․․

• Մայքլ Դուգլասը պատմել է, թե ինչպես է Դենի ԴեՎիտոն կուլ տվել մարիխուանայով բոլոր ծխախոտները, երբ նրանց կանգնեցրել է ոստիկանությունը

  82-ամյա Մայքլ Դուգլասը զվարճալի պատմություն է պատմել այն մասին, թե ինչպես է իր վաղեմի ընկերը՝ դերասան Դենի ԴեՎիտոն, մի քանի գոնտ մարիխուանա կուլ տվել, երբ ոստիկանությունը կանգնեցրել է նրանց․․․

• «Դու ինձ խայտառակեցիր». Մեգան Մարքլը խզել է հարաբերությունները դիզայների հետ Քեյթ Միդլթոնի պատճառով

  Մեգան Մարքլը խոստացել է այլևս չկրել ֆրանսիացի դիզայներ Ռոլան Մուրեի դիզայներական հագուստները, այն բանից հետո, երբ նրա թիմը սխալմամբ կապ է հաստատել Քեյթ Միդլթոնի աշխատակազմի հետ՝ դիզայների կողմից Սասեքսի դքսուհուն տրված հագուստը վերադարձնելու համար…

• Քիմ Քարդաշյանը իր 46-ամյակը նշել է ամբողջությամբ կապիչներից պատրաստված զգեստով

  Քիմ Քարդաշյանը որոշել է իր 46-ամյակին ընդառաջ նշել իր տարեդարձը բաց հագուստով, որը գործնականում ոչինչ չէր բացահայտում…

• «Նա ցույց էր տալիս առնանդամների լուսանկարներ և պարծենում էր իր սիրեցյալներով». Հունաստանում ԱՄՆ նախկին դեսպանի շուրջ սկանդալը թափ է հավաքում

  Հունաստանում ԱՄՆ նախկին դեսպան Քիմբերլի Գիլֆոյլը, ըստ նախկին գործընկերոջ, բացահայտորեն քննարկել է իր սեռական կյանքը և աշխատակիցներին ցույց տվել իր սիրեցյալների ինտիմ մասերի լուսանկարներ…

• Մայք Թայսոնը հազարավոր դոլարներ է ծախսում օծանելիքի վրա. յուրաքանչյուրի արժեքը տատանվում է 2000-ից 6000 դոլարի սահմաններում

  Լեգենդար բռնցքամարտիկ Մայք Թայսոնը բացահայտել է, թե ինչ շքեղությունների վրա է գումար ծախսում…

Ամերիկյան հեռուստաեթերը «գրաված» մեր հայրենակիցներին մեկ անգամ չէ, որ անդրադարձել ենք։ Այս շարքում կարող ենք, վստահորեն, ավելացնել նաեւ Ջեյսոն Թախտաջյանի անունը՝ ամերիկհայ մարզական լրագրող՝ Այովայից։ Ջեյսոնն աշխատում է Սու Սիթիի KCAU-TV-ում, որտեղ մարզական կարեւոր իրադարձությունները մեկնաբանելուց ու ներկայացնելուց բացի՝ չի մոռանում բարձրաձայնել հայ մարզիկների հաջողությունների ու հայաստանյան իրադարձությունների մասին։ Լրագրությունը Ջեյսոնի առաջնային մասնագիտական ընտրությունը չէր, բայց սպորտի հանդեպ սերը ստիպեց «շեղվել» նախնական ուղուց։ Այս ամենի մասին Ջեյսոնը կիսվել է NEWS.am STYLE-ի հետ՝ «ArmenՅԱՆs» խորագրում։ 

Ջեյսոն Թախտաջյանը ծնվել է Միացյալ Նահանգներում՝ Գլենդելում։ Երկու ծնողներն էլ հայ են՝ Գյումրուց, ԱՄՆ են գաղթել 1970-1980-ական թ-երին։ Հեռուստատեսության հետ, սակայն, Թախտաջյաններն անմիջական կապ չեն ունեցել, մինչեւ որ Ջեյսոնը որոշել է դառնալ մարզական մեկնաբան։ 

Ջեյսոն, երբեւէ եղե՞լ եք Հայաստանում։ 

Երբեք չեմ եղել Հայաստանում։ Նախատեսում էի առաջին այցս կազմակերպել 2020 թ-ի ամռանը՝ Նեւադայի համալսարանն ավարտելուց հետո, բայց քովիդի համաճարակը խախտեց ծրագրերս։ 

Որքանո՞վ եք հետեւում հայկական ավանդույթներին, սովորույթներին։ 

Ես ամեն ինչ արել եմ հայկական ավանդույթներին հետեւելու համար։ Օրինակ՝ բացի դեկտեմբերի 25-ից, նաեւ հունվարի 6-ին եմ նշում Սուրբ Ծնունդը, նշում եմ նաեւ Վարդավառն ու Տրնդեզը։ Շատ դժվար է հետեւել շատ ավանդույթների, օգտվել հայկական խոհանոցից, քանի որ ես ապրում եմ Այովայում։ 

Ինչպե՞ս սպորտը հայտնվեց Ձեր կյանքում։ 

Ինձ միշտ հետաքրքրել է սպորտը, հատկապես՝ ֆուտբոլը։ Իրականում երբեք չեմ կարծել, որ լրագրող եմ դառնալու։ Նեւադայի համալսարանում մասնագիտացել եմ որպես մեխանիկական ինժեներ։ Բայց մեկ կիսամյակ անց հասկացա, որ պետք է հետեւեմ իմ երազանքին, եւ դա ինձ համար ավելի կարեւոր դարձավ քան գումարը։ Խաղերի մեկնաբաններն ու նրանց մեկնաբանություններն ինձ միշտ են հիացրել, Մարտին Թայլերը այն մեկնաբաններից է, որն ինձ ամենից շատն է ոգեշնչել։ 

Որո՞նք դարձան Ձեր առաջին քայլերը դեպի մասնագիտական հաջողություն։ 

Երբ փոխեցի մասնագիտությունս, անմիջապես սկսեցի փորձ ձեռք բերել ինձ հետաքրքրող ոլորտում։ Սկսեցի իմ հեղինակային հաղորդումը, որը հեռարձակվում էր մեր քոլեջի ռադիոկայանով։ Այն կոչվում էր Bylines and Baselines, որի շրջանակում ներկայացնում էի ֆուտբոլային եւ բասկետբոլային կարեւոր իրադարձությունները։ Հետո ընդունվեցի սպորտային հեռարձակման դասընթացի՝ մեկ տարի ավելի վաղ, քան թույլատրվում էր, քանի որ պատրաստակամություն էի հայտնել աշխատել Rebel Report շոուի համար։ Տղամարդկանց եւ կանանց բասկետբոլի եւ ֆուտբոլի թիմերի խաղերի մեկնաբանություններից մինչեւ Vegas Golden Knights-ի մասին ավելի քան 25 անգամ լուսաբանումները․ ես փորձի մեծ պաշար ձեռք բերեցի, որն օգնեց ինձ գտնել իմ ընթացիկ աշխատանքը: Մինչ ես դիմում էի աշխատանքի համար, համաճարակի պատճառով սպորտային ոլորտի աշխատանքները գնալով ավելի քիչ էին դառնում: 2020-ի մայիսին ավարտեցի եւ տարվա մնացած մասը սկսեցի պայքարել կայուն աշխատանք գտնելու համար: Իմ ռեզյումեն ուղարկեցի ավելի քան 200 կայաններ, եւ, ի վերջո Սու Սիթիում ցանկացան աշխատանքի ընդունել ինձ որպես լուրերի թղթակցի՝ չնայած իմ ռեզյումեում միայն սպորտի առկայությանը: Պարզվեց, որ ես UNLV-ում սովորել էի մի կնոջ հետ, որն արդեն աշխատում էր այդ կայանում, եւ երբ նա դիմողների հայտերի մեջ տեսել էր իմ ազգանունը, անմիջապես ճանաչել էր ինձ։ Դա հանգեցրեց նրան, որ ինձ ընդունեցին աշխատանքի:

Դուք նաեւ լուսաբանումներ եք ներկայացնում Հայաստանի մասին։ Միջազգային շատ ԶԼՄ-ներ նախընտրում են լռել այն ամենի մասին, ինչ կատարվեց Արցախում։ Որքանո՞վ է դժվար Հայաստանից դուրս նման թեմաների անդրադառնալը։ 

Հայաստանի ու Արցախի մասին լուսաբանումներ ներկայացնելը շատ բարդ է, քանի որ ես պետք է հաշվի առնեմ նաեւ մեր լսարանին։ Մարդիկ, ովքեր դիտում են KCAU-ն Սու Սիթի շրջանում, հիմնականում սպիտակամորթ ամերիկացիներ են, հայ չեն: Ես դեռ ոչ մի ամերիկահայի չեմ հանդիպել այստեղ: Հետեւաբար, ես պետք է ինչ-որ ձեւ գտնեմ Հայաստանի հրատապ լուրերը Միացյալ Նահանգների կամ տեղական քաղաքական գործիչների հետ կապելու համար, որպեսզի պատմությունը սուբյեկտիվ չընկալվի հայ թղթակցի դեպքում:

Ինչպիսի՞ թեմաներ եք, առհասարակ, սիրում լուսաբանել։ 

Ես սրտով հենց սպորտային լրագրող եմ։ Որքան էլ սիրում եմ տեղական եւ Հայաստանի վերաբերյալ պատմությունները լուսաբանել, իմ կիրքը սպորտն Է։ Դա է պատճառը, որ ես ստանձնել եմ այս աշխատանքը։ 

Ո՞րն է Ձեր պատրաստած ամենասիրելի ռեպորտաժը Ձեզ համար։ 

Դրանք մի քանիսն են․ բայց մի պատմություն կա Հարավային Դակոտայում ապրող երկու եղբայրների մասին, որոնք գնացել են Երուսաղեմ, իսկ հետո մասնակցել Քաթարում կայացած Աշխարհի առաջնությանը՝ ի հիշատակ իրենց հոր, որը մահացել էր քաղցկեղից։ 

Ի՞նչ նպատակներ/երազանքներ ունեք։ 

Ցանկությունս սպորտի աշխարհ վերադառնալն է: Ինչ վերաբերում է իմ կարիերայի նպատակներին, ես ցանկանում եմ լինել ակումբային եւ միջազգային ֆուտբոլի հաղորդավար, թղթակից կամ մեկնաբան: Այնուամենայնիվ, ես ինձ տեսնում եմ նաեւ այլ մարզաձեւերում: Անձամբ ես նպատակ ունեմ ամեն օր վերածվել իմ լավագույն տարբերակին եւ վստահել Աստծուն:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում