• Daily Express-ը՝ Կիմ Չեն Ընի սեռական կյանքի մասին. 25 կույսերից բաղկացած «Հաճույքների ջոկատ» եւ ուղեկցորդուհիներով լի գնացք

  Բրիտանական Daily Express-ը հոդված է նվիրել Հյուսիսային Կորեայի առաջնորդ Կիմ Չեն Ընի սեռական կյանքին․․․

• Snob. Դիլիջանը, թերեւս, Հայաստանի ամենահանգիստ քաղաքն է

  Դիլիջանը Հայաստանի, թերեւս, ամենահանգիստ քաղաքն է։ Այնտեղ փողոցներում ոչ ոք չի շտապում․․․

• Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին

  Քորթնի Քարդաշյանը խոստովանել է, որ «պատրաստ չի զգացել» «Քարդաշյանների» համար կիպ զգեստով ֆոտոշարք անել՝ Ռոքիի ծնվելուց երեք ամիս անց…

• Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին

  Զենդայան, Ջենիֆեր Լոպեսը եւ Սիեննա Միլլերը Նյու Յորքում մասնակցել են Vogue-ի խմբագիր Աննա Վինտուրի ընթրիքին, որը կազմակերպվել է Met Gala-ին ընդառաջ…

• Միխայիլ Գալուստյանը 14 կգ նիհարել է՝ հրաժարվելով խորովածից

  Ռուս շոումեն Միխայիլ Գալուստյանը վերջերս նիհարել է 14 կիլոգրամով։ Մինչեւ վերջերս 163 սանտիմետր հասակ ունեցող արտիստը կշռում էր 80 կիլոգրամ…

• Նիկոլաս Քեյջի որդուն մեղադրել են սեփական մորը ծեծելու մեջ

  Նիկոլաս Քեյջի որդուն՝ Ուեսթոն Քեյջին, մեղադրել են մորը՝ Քրիստինա Ֆուլթոնին ծեծելու մեջ…

• Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին

  Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն անցած տարվա մջոցառման ժամանակ արտաքնապես գերազանցել է Քայլի Ջեններին…

• Բեյոնսեն ցուցադրել է իր համարձակ կերպարը՝ մերկացնելով հետույքը

  Երգչուհին հագել է մոխրագույն բոդի, վրայից՝ արհեստական ​​մորթուց մուշտակ եւ համապատասխան շարֆ…

Կոմպոզիտոր, երաժշտական պրոդյուսեր, «Գրեմմիի» քվեարկող անդամ․․․ ԱՄՆ-ում բնակվող մեր հայրենակից Վահագն Ստեփանյանի հաջողությունների մասին կարելի է երկար խոսել՝ ցանկում ավելացնելով նաեւ այն արտիստների անունները, որոնց հետ հայ կոմպոզիտորին բախտ է վիճակվել համագործակցել, այդ թվում՝ Նաթան Իսթ, Էրիկ Մարիենթալ, Էրիկ Մուր, Հենրիկ Լինդեր, Մելվին Լի Դեյվիս, Մարկ Լեթիերի, Իդա Նիլսեն, Փերսի Բեդի, Ֆեոդոր Դոսումով եւ շատ ուրիշներ։

Վահագն Ստեփանյանը դարձել է առաջին հայ անկախ արտիստը, ով տեղ է գրավել Billboard-ի հիթ-շքերթում։ Նրա «A New Chapter» ձայնասկավառակը Billboard Contemporary Jazz Albums աղյուսակում զբաղեցրել է 5-րդ հորիզոնականը։ Օրերս Վահագնը արժանացել է նաեւ Hollywood Independent Music Awards-ի մրցանակին։ 

Ինչպե՞ս երեւանցի երաժիշտը ուղի հարթեց դեպի միջազգային շուկա, եւ ինչո՞ւ է հիասթափված հայ արտիստների հետ աշխատանքից։ Այս եւ մի շարք այ հարցերի շուրջ NEWS.am STYLE-ը երաժշտի հետ զրուցել է ArmenՅԱՆs խորագրում։ 

Վահագն, շնորհավորում եմ Hollywood Independent Music Awards-ում գրանցած հաղթանակի առթիվ։ Կկիսվե՞ք զգացողություններով։

Շնորհակալ եմ շնորհավորանքի համար։ Այդ մրցանակաբաշխության ժամանակ հաղթելը, իսկապես, մեծ փորձ էր ինձ համար։ Եթե անկեղծ՝ ես երբեք չեմ հավատացել մրցանակաբաշխություններին, մտածել եմ` դրանք կոռումպացված են։ Այնուամենայնիվ, երբ առաջին անգամ լսեցի նոմինացիայի մասին, եւ հպարտություն, եւ հուզմունք ապրեցի։ Ես այնքան ոգեւորված եմ, որ իմ երաժշտությունը ներկայացվել է ավելի քան 20 մրցանակաբաշխությունների, եւ վերջին մի քանի ամիսներին ես հաղթել եմ դրանցից 15-ում։ Միշտ էլ հաճելի է, երբ աշխատանքդ միջազգայնորեն ճանաչվում է եւ գնահատվում, հատկապես այսքան մրցակցային եւ բարձրակարգ ոլորտում։ Սկբնական նպատակներս ուղղված էին նրան, որ իմ երաժշտությունը գնահատվեր ավելի լայն լսարանի եւ ոլորտի մասնագետների կողմից։ Եթե ավելի անկեղծ՝ հոգուս խորքում զգում էի, որ այդ երեկո ես եմ հաղթելու։ Սովորաբար, չեմ սիրում պարտվել։ Հաղթելուց հետո խառը զգացողություններ ունեցա՝ երջանկություն, շնորհակալություն եւ բավարարվածություն։ Այն մեծ ջանքերը, նվիրվածությունը եւ կիրքը, որոնք ես տարիներ շարունակ դրել եմ իմ երաժշտության մեջ, արդարացան։ Ոգեշնչող է տեսնել, որ իմ ստեղծած երաժշտությունը ճանաչվել է մարդկանց կողմից եւ գրավել Hollywood Independent Music Awards-ի ուշադրությունը։ Այս փորձն ինձ մոտիվացնում է, որ շարունակեմ առաջ մղել իմ կրեատիվության սահմանները եւ ձգտեմ կատարելության։ Խորապես շնորհակալ եմ իմ լսարանին, ընկերներին, ընտանիքին՝ ինձ աջակցելու համար, ինչպես նաեւ՝ իմ ամբողջ թիմին, ովքեր նպաստում են իմ հաջողություններին։ Հավատում եմ, որ լավագույնը դեռ առջեւում է։ 

Ի՞նչ նշանակություն ունեն Ձեզ համար մրցանակները։ Մոտիվացնո՞ւմ են։ 

Այո, մոտիվացնում են... դրանք կարող են ուժեղ մոտիվացիա լինել ինձ համար։ Բայց անգամ, եթե ոչ մի մրցանակ չլինի, բայց ես վստահ լինեմ իմ նպատակներում, կշարունակեմ առաջ գնալ դրանցով, մինչեւ որ հասնեմ ցանկացածս հաղթանակին։ Այն գիտակցումը, որ մարտահրավերի վերջում պարգեւատրվելու ես, մեծ շարժիչ ուժ կարող է հանդիսանալ՝ օգնելով հաղթահարել դժվարություններն ու ձեռք բերել կենտրոնացում։ Բայց ես կարծում եմ, որ չնայած մրցանակները մոտիվացնում են, դրանք չպետք է միակ շարժիչ գործոնը լինեն։ Իմ կիրքը դեպի երաժշտությունը եւս մեծ դեր է խաղում։ 

Վերադառնանք սկզբին․ ո՞րն եք համարում Ձեր կարիերայում այն կետը, որը սկիզբ դրեց հաջողություններին։ 

Պետք է նշեմ, որ իմ ուղին դեպի միջազգային երաժշտաշուկա դժվար էր, բայց, միեւնույն ժամանակ, արդարացված։ Եթե պետք է նշեմ այն առանցքային պահը, որը ձեւավորել է իմ այսօրվա ուղին, կառանձնացնեմ այն շրջանը, երբ բազմաթիվ անհաջողությունների հանդիպեցի Հայաստանում արտիստների հետ աշխատելիս։ Այդ դժվար ժամանակահատվածը, երբ ջանքերս հաճախ չէին վարձատրվում, շրջադարձային եղավ իմ կարիերայում։ Ճակատագրի հեգնանքով, այս դժվարությունները քողարկված օրհնություն էին։ Դրանք ինձ դրդեցին վերագնահատել իմ ձգտումները եւ կայացնել միջազգային հարթակ դուրս գալու համարձակ որոշումը։ Դա հավատքի թռիչք էր, որն անցյալում թողեց տեղական արվեստագետների հետ ծանոթ, բայց հաճախ չբավարարող աշխատանքը: Սա այն պահն էր, երբ իմ ճանապարհորդությունն, իսկապես, սկսեց թափ հավաքել։ Դժվար փորձ էր, որն ինձ սովորեցրեց ճկունություն եւ բարձր նշաձողեր հաստատելու կարեւորություն։ Շնորհակալ եմ այն բոլոր դժվարություններին, որոնց բախվել եմ, քանի որ դրանք ինձ ուղղորդեցին այնտեղ, որտեղ հիմա եմ՝ միջազգային երաժշտաշուկա։ Առջեւում եւս սպասում եմ երաժշտությունս համաշխարհային լսարանի հետ կիսելուն, ինչն արդյունքն է այն բոլոր դասերի, որոնք քաղեցի Հայաստանում աշխատելու ժամանակ։ 

Մի շարք հայտնի երաժիշտների հետ եք աշխատել։ Կհիշե՞ք ամենաառաջինն ու ամենատպավորիչը։ 

Առաջին համագործակցությունս 2014-ին էր՝ Էնթոնի Քրոֆորդի, Ֆելիպ Պրաինոյի եւ Note Weerachat-ի հետ՝ իմ Give More տեսահոլովակի շուրջ։ Երբ խոսքը ամենահիշարժան համագործակցությանն է վերաբերում, ես դժվարանում եմ պատասխանել։ Յուրաքանչյուր արտիստ, որի հետ պատիվ եմ ունեցել աշխատելու, եզակի հնարավորություն է տվել իմ ճանապարհորդությանը։ Դժվար է նրանց առանձնացնելը, քանի որ ցանկացած համագործակցություն իր ուրույն տեղն ունի իմ սրտում։ Ես հավատում եմ այն համագործակցություններին, որոնք հիմնված են մեծ աշխատանքի, նվիրվածության եւ գնահատանքի վրա։ Այդ պատճառով էլ կարող եմ ազնվորեն ասել, որ ինձ հետ աշխատած բոլոր արտիստներն էլ հավասարապես սիրելի են ինձ համար, եւ յուրաքանչյուր համագործակցություն նշանակալի դեր է ունեցել իմ երաժշտական ուղու ձեւավորման գործում։ Անհամբերությամբ սպասում եմ շատ ավելի ոգեշնչող համագործակցությունների։ 

Խոսենք Երեւանում անցկացրած Ձեր մանկությունից։ 

Իմ մանկությունը կարող եմ բաժանել երկու փուլի՝ 13 տարեկանից առաջ եւ հետո՝ մինչեւ 20 տարեկան։ Ես շատ վաղ տարիքում եմ սկսել երգեր գրել, բայց դեռահասությանս շրջանում ինձ մոտ խոր սեր առաջացավ ջազի, գոսփելի ու փոփ երաժշտության հանդեպ, ինչը ստեղծեց երազանք աշխատելու այս ժանրերում ստեղծագործող լեգենդար արտիստների հետ։ 

Չնայած մի շարք մերժումներին ու իմ տաղանդի հանդեպ կասկածներին՝ ես վճռական էի տրամադրված։ Գումար էի խնայում, որպեսզի կարողանայի գնել իմ սիրելի երաժիշտների CD-ները, սովորում էի ու ինքնուրույն զարգացնում հմտություններս։ Հիմա հպարտությամբ եմ նշում, որ երազանքներիցս շատերն իրականացրել եմ եւ շարունակում եմ ստեղծել նորերը։  

Ե՞րբ եւ ինչո՞ւ որոշեցիք տեղափոխվել Լոս Անջելես։

Հայտնիների հետ իմ համագործակցությունների շարքը սկսվել է, մոտավորապես, 10 տարի առաջ, երբ դեռ Հայաստանում էի։ Եվ չնայած այն բանին, որ Հայաստանում հիմնել էի իմ ձայնագրման ստուդիան, զգացի, որ ինձ կյանքում նոր բան է պետք։ 2021 թ-ի վերջին որոշեցի տեղափոխվել Լոս Անջելես։ 

Որքանո՞վ Ձեր կյանքը փոխվեց այդ պահից։ 

Երբ աշխատում ես պրոֆեսիոնալ ու նվիրված երաժիշտների հետ, դա մի բան է, որը պետք է ինքդ զգաս։ Ասես թարմ օդ շնչես։ Սա միայն երաժշտություն ստեղծելը չէ, սա նաեւ էներգիայի եւ ոգեշնչման մասին է, որը հոսում է, երբ աշխատում ես իրենց գործի նվիրյալների հետ։ Բայց սա եւս ունի իր մարտահրավերները։ Երբեմն էմոցիոնալ եւ ֆիզիկական առումով խեղդվում ես, հատկապես, երբ փորձում ես հարգանքի արժանանալ քո սեփական երաժշտական ճաշակի եւ նախապատվության համար։ Այնունամենայնիվ, Միացյալ Նահանգներում երաժշտական հասարակությունն ավելի բաց է, այստեղ կա բազմազանություն։ Այստեղ մարդիկ արժեւորում են անհատականությունը եւ գնահտում տարբերվող լինելը։   

Դուք «Գրեմմի»-ի միակ քվեարկող անդամն եք Հայաստանից․ ինչպե՞ս ստանձնեցիք այդ պաշտոնը։ 

2015-ից եմ «Գրեմմիի» ակտիվ քվեարկող անդամ, իսկ 2022-ից դարձա նաեւ GrammyU-ի մենթոր։ Ամեն ինչ սկսվեց, երբ իմ դեբյուտային՝ Moonlight ալբոմը ներկայացվեց «Գրեմմի»-ի 2015 թ-ի մրցանակաբաշխությանը։ 

Որքա՞ն հաճախ եք այցելում Երեւան։

Արդեն մոտ երկու տարի՝ այն պահից, ինչ մեկնեցի Լոս Անջելես, Երեւանում չեմ եղել։ Զբաղվածությանս պատճառով կարծում եմ՝ դեռ երկու տարի էլ կհետաձգվի այցս։ 

Ի՞նչ խորհուրդ կտաք հայ երաժիշտներին, ովքեր, ինչպես Դուք, ցանկանում են հասնել միջազգային մակարդակի։ 

Երբեք չհանձնվեք, շատ աշխատեք, հավատացեք ձեր ուժերին, ներդրում կատարեք ինքներդ ձեզ համար եւ միշտ համեստ եղեք։ 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում