Նրանք, ովքեր դիետայի ընթացքում որոշ թուլություններ են իրենց թույլ տալիս, հավանական է, որ ավելի հեշտ նիհարեն, քան նրանք, ովքեր խստորեն հետեւում են բոլոր կանոններին:
Appetite ամսագրում հրապարակված նոր ուսումնասիրությունը ցույց է տվել, որ նրանք, ովքեր ավելի շատ ինքնակարեկցանք են ցուցաբերում, երբ բախվում են անհաջողությունների, իրենց սննդային վարքագծի եւ ֆիզիկական վարժությունների մեջ ավելի շատ հաջողությունների են հասնում:
Դրեքսելի համալսարանի Արվեստների եւ գիտությունների քոլեջի Քաշի, սնուցման եւ ապրելակերպի հետազոտական կենտրոնի (WELL Center) հետազոտողները փորձել են պարզել, թե արդյոք ինքնակարեկցանքը կարող է օգնել մարդկանց ավելի հեշտ հաղթահարել գերսնման խնդիրները:
«Շատ մարդիկ անհանգստանում են, որ ինքնակարեկցանքը կհանգեցնի ինքնագոհության եւ կստիպի իրենց համակերպվել ոչ ադեկվատության հետ, բայց այս հետազոտությունը հիանալի օրինակ է այն բանի, թե ինչպես ինքնակարեկցանքը կարող է օգնել մարդկանց ավելի հեշտ հասնել իրենց նպատակներին»,-ասում է հետազոտության առաջատար հեղինակ Շառլոտ Հագերմանը:
Տվյալները հավաքագրվել են 140 մասնակիցներից, ովքեր փորձում էին նիհարել խմբային կենսակերպի փոփոխման ծրագրի միջոցով:
Հարցվողներն օրական մի քանի անգամ լրացնում էին հարցաթերթիկներ, որտեղ հարցերը նրանց տրամադրության մասին էին՝ ունե՞ն ուտելու որեւէ խանգարում, որքանո՞վ են իրենք իրենց հանդեպ կարեկցանք դրսեւորում՝ ի պատասխան այս խանգարման, եւ որքանո՞վ են ինքնատիրապետում ցուցաբերում սննդի եւ ֆիզիկական ակտիվության նկատմամբ։
«Դժվար նպատակներին հասնելու ճանապարհը, հատկապես քաշի կորուստը, հարթվում է ձախողումներով։ Ինքնակարեկցանքի կիրառումը օգնում է մարդկանց հաղթահարել վնասակար մտքերն ու զգացմունքները, որոնք առաջանում են ձախողման հետեւանքով: Այդպիսով, նրանք կկարողանան ավելի արագ վերսկսել իրենց նպատակներին հասնելու գործընթացը»,-ասել է Հագերմանը:
Թեեւ քաշ կորցնելը եւ դրա պահպանումը դժվար է, մարդիկ հակված են մեղադրել իրենց՝ վճռականության կամ ինքնատիրապետման բացակայության համար, ասում է նա,-«Ինքնակարեկցանքով զբաղվելը, այլ ոչ թե ինքնաքննադատությունը, առանցքային ռազմավարություն է քաշի կորստի դժվարին գործընթացում ճկունություն ստեղծելու համար»,-հավելում է Հագերմանը,-«Ամեն անգամ, երբ ուզում եք ինքներդ ձեզ քննադատել սննդային վարքի համար, փորձեք ձեզ հետ խոսել այն բարությամբ, որով կխոսեիք ընկերոջ կամ սիրելիի հետ»:
Հետազոտողները հույս ունեն, որ ստացված արդյունքները կհանգեցնեն ավելի արդյունավետ ուսուցման եւ ինքնախնամքի։
Հետևեք NEWS.am STYLE-ին Facebook-ում, Twitter-ում և Instagram-ում
21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024»-ի երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու