• Ինչու ֆրանսիացի կանայք երբեք վարդագույն կարմրաներկ չեն օգտագործում

  Անփութորեն քսված կարմիր շրթներկ, բարակ սև մատիտ և «Ես հոգ եմ տանում, բայց ոչ այնքան» փիլիսոփայություն. սա գեղեցկության ֆրանսիական մոտեցումն է․․․

• Մարկ Ցուկերբերգը փորձում է նոր կերպար. Ինչպես միլիարդատերը հագուստը դարձրեց Meta-ի ռազմավարության

  Ընդամենը մի քանի տարի առաջ Մարկ Ցուկերբերգը հիմնականում կապված էր մոխրագույն մարզաշապիկի, վերնաշապիկի և նորաձևությանը անտարբեր ծրագրավորողի կերպարի հետ...

• Կաշեմիրով գայլեր. միլիարդատերերն այլևս չեն ցանկանում միլիարդատիրոջ տեսք ունենալ

  Զուսպ շքեղություն։ Աննկատ հարստություն։ Ոչ մի լոգոտիպ։ Միայն որակյալ նյութեր...

• Հայկական ոճ. տոսկանական շքեղությունից մինչև համարձակ լողափային տրամադրություն

  Ամառը դեռ եռում է, իսկ հայ նորաձևության սիրահարները գիտեն, թե ինչպես գրավել ափամերձ տարածքների ուշադրությունը․․․

• Հայդի Քլումը հանգստի ժամանակ ցուցադրել է իր առավոտյան համարձակ կերպարը

  Հայդի Քլումը ակնհայտորեն չի պատրաստվում իր առավոտը ձանձրալի սկսել…

• «60, ես գալիս եմ». Հոլի Բերին իր տարեդարձից առաջ մերկ մարմնի վրա թափանցիկ զգեստով ցուցադրել է իր կազմվածքը

  Հոլի Բերին պատրաստվում է նշել իր 60-ամյակը, և դատելով նրա վերջին լուսանկարներից՝ ամեն ինչ այդքան էլ հանգիստ չէ…

• Ամերիկահայ դիմահարդար Լուի Զաքարյանը արժանացել է «Էմմի»-ում իր 19-րդ անվանակարգին

  Ամերիկահայ դիմահարդար Լուի Զաքարյանը արժանացել է իր 19-րդ «Էմմի» անվանակարգին՝ «Saturday Night Live» շոուում իր աշխատանքի համար, ինչը նրան դարձրել է հեռուստատեսության ամենահաջողակ դիմահարդարներից մեկը, գրում է The Armenian Report-ը...

• Louis Vuitton-ը ներկայացրել է 58 դոլար արժողությամբ շուրթերի մատիտ և դրան համարժեք աքսեսուարներ՝ գրեթե 1000 դոլար արժողությամբ

  Louis Vuitton-ը շարունակում է իր լայնածավալ «ներխուժումը» գեղեցկության ոլորտում․․․

Թեեւ ավելի քան մեկ շաբաթ է անցել այն պահից, ինչ դիմահարդար Փեթ Մաքգրաթի կողմից Maison Margiela-ի SS2024 Haute Couture շոուի համար ստեղծված կերպարները գրավել են հասարակության երեւակայությունը, համացանցը դեռեւս ակտիվ քննարկում է դրանք:

Փեթ Մաքգրաթը, ով Vogue-ի կողմից ճանաչվել է աշխարհի ամենաազդեցիկ դիմահարդարը, մոդելներին վերածել էր կենդանի տիկնիկների՝ ճենապակյա մաշկով, բարակ հոնքերով եւ ապշեցուցիչ ներկված աչքերով, շուրթերով ու այտերով: Բայց հենց նրա ստեղծած մոմե, փայլուն դեմքերն են գրավել ուշադրությունը՝ ամսագրերում անթիվ հոդվածների տեղիք տալով եւ հանգեցնելով TikTok-ում մի շարք տեսանյութերի, որոնցում ներկայացվում է, թե ինչպես հասնել նման արդյունքի։ Դրանցից մի քանիսն արդեն միլիոնավոր դիտումներ են հավաքել, գրում է CNN-ը:

Instagram-ի ուղիղ եթերի ժամանակ, որում Փեթն ու նրա թիմը վերստեղծում էին Margiela-ի շոուի կերպարները, Մաքգրաթը գովաբանել է շատերի ջանքերը՝ հավելելով, որ նա նաեւ տեսել է բաներ, որոնցից հետո չի կարողացել քնել գիշերը։  

Քանի որ այն արտադրանքները, որոնք Մաքգրաթը օգտագործել է փայլուն երանգ ձեռք բերելու համար, գաղտնի էին պահվում մինչեւ նրա ուղիղ հեռարձակումը, առցանց ենթադրությունները բավական հետաքրքիր են եղել: Ոմանք կարծում էին, որ Մաքգրաթն օգտագործել է ջրով նոսրացված պիլինգի դիմակ եւ այն տարածել է շերտերով: Մյուսները պնդում էին, որ փայլուն էֆեկտը ստեղծվել է Kryolan կոսմետիկ ապրանքանիշի արտադրանքի միջոցով, որը կոչվում է «Հեղուկ ապակի»: Տեսությունը այնքան է տարածվել համացանցում, որ ապրանքը արագ սպառվել է, բայց Մաքգրաթը նշել է, որ այն չի օգտագործել:

CNN-ի հետ զրույցում դիմահարդարի հիմնած Pat McGrath Labs գեղեցկության ապրանքանիշի ներկայացուցիչը, կարծես հաստատել է դեմքի դիմակների օգտագործումը. «Pat McGrath Labs-ը միշտ կոնտրոնացած է եղել այնպիսի ապրանքներ ստեղծելու վրա, որոնք նախկինում չեն օգտագործվել։ Փեթն ու նրա թիմը երկար ժամանակ էին ծախսել լաբորատորիայում՝ մեկ բանաձեւի շուրջ աշխատելու վրա... Նա շոուի համար միավորել է մի քանի ապրանք, ներառյալ դեմքի դիմակները (որոնցից մեկը վարունգից էր ստեղծվել) եւ ջրի կատարյալ քանակությունը»:

Փազլի ամենադժվար մասը համոզվելն էր, որ մենք կարող էինք հասնել բարձր արտացոլող հայելային մակերեսի՝ առանց վնասելու դրա տակ արված դիմահարդարումը: Ահա, այստեղ էլ պետք եկավ աէրոգրաֆը: Մենք հասկանում ենք, որ մարդիկ չեն ցանկանում խառնել տոննաներով ապրանքներ եւ գնել աէրոգրաֆ: Այդ իսկ պատճառով մենք կթողարկենք մեկ ապրանք, որը կապահովի կատարյալ «հայելային տեսք»։

Instagram-ի ուղիղ եթերում Մաքգրաթը եւ նրա թիմը ցուցադրել են ութ արտադրանքներից մի քանիսը, որոնք օգտագործվել էին աէրոգրաֆային խառնուրդ ստեղծելու համար, այդ թվում՝ Freeman Beauty-ի, Proot-ի եւ Que Bella-ի դեմքի դիմակները: Նա ասել է, որ Մաքգրաթի թիմը յուրաքանչյուր մոդելի համար կիրառել է կոմպոզիտային դիմակի յոթից ութ շերտ: Սա աշխատատար գործընթաց է, որն ապահովել է, որ նրանց հարթ մաշկը ցուցադրությունից առաջ չկորցնի փայլը:

Եվս մի քանի գաղտնիք Մաքգրաթի վարպետության դասից. Մոդելների վրա «ճենապակյա հիմք» ստեղծելու համար նրա թիմը խառնել է համանուն շարքից Sublime Perfection Foundation-ը: Նախքան աէրոգրաֆիան, նկարիչները մոդելների շրթունքների եւ քթի անկյուններին հատուկ սոսինձ են կիրառել՝ լրացուցիչ փայլ հաղորդելու համար: Մոդելներն իրենք էլ օգնել են փակել ապակե մաշկի յուրաքանչյուր շերտը՝ վարսահարդարիչի օգնությամբ չորացնելով դեմքերը, ասել է Մաքգրաթը: Այս գործընթացը տեւել է 45 րոպեից մինչեւ երկու ժամ:

Հետևեք NEWS.am STYLE-ին Facebook-ում, Twitter-ում և Instagram-ում