• «Սատանան Zara է հագնում». Աննա Վինտուրի նոր անհաջողությունը Met Gala-ում

  Եթե ​​Հոլիվուդում որևէ մեկը ներկայումս աշխատում է «Սատանան կրում է Պրադա 3»-ի սցենարի վրա, մենք ունենք պատրաստի սյուժետային գիծ նրանց համար․․․

• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• £87 արժողությամբ կրծկալ և £74,000–անոց Birkin. Ջորջինա Ռոդրիգեսը շքեղ նորաձևության շքերթ է կազմակերպել Վենետիկում  

  Երբ ամուսնացած եք աշխարհի ամենահարուստ ֆուտբոլիստներից մեկի հետ, կարող եք ենթադրել, որ ձեր զգեստապահարանը բաղկացած է բացառապես շքեղ ապրանքանիշերից: Սակայն Ջորջինա Ռոդրիգեսը վճռականորեն տրամադրված էր ապացուցել հակառակը...

• Առանց ղեկի և ոտնակների. Tesla-ն ոսկե ռոբոտաքսի է բերել Տեխասի փողոցներ  

  Էլոն Մասկը Տեխասի Օսթինի փողոցներ է ուղարկել տասնյակ լիովին ինքնավար Cybercabs, որոնք չունեն ղեկ և արգելակային ոտնակներ...

• Լքել է իր 73-ամյա հարսնացուին հանուն 25-ամյա միլիարդատեր ժառանգորդուհու. սկանդալային արիստոկրատի գաղտնի հարսանիքը

  Բրիտանացի սկանդալային արիստոկրատ և էլիտար երեկույթների կազմակերպիչ 40-ամյա Գարեթ Մուրը ամուսնացել է ամերիկացի միլիարդատիրոջ 25-ամյա ժառանգորդուհի Հոուփ Չիլթոնի հետ: Այս անսպասելի միությունը լայն ուշադրություն է գրավել, քանի որ Մուրը վերջերս պլանավորել էր ամուսնանալ 1970-ականների սեքս-խորհրդանիշ 73–ամյա Քոլին Քեմփի հետ, ով 33 տարով մեծ է իրենից և նույն տարիքի է, ինչ իր մայրը...

• Ջենիֆեր Անիստոնի մտերիմ շրջապատը չի վստահում նրա նոր ընկերոջը. «Նա օպորտունիստ է թվում»  

  Ջենիֆեր Անիստոնի սիրավեպը Ջիմ Քուրթիսի հետ բաժանել է նրա մտերիմ շրջապատը։ Մինչ դերասանուհին ինքը փայլում է երջանկությունից, նրա ընկերները բաժանված են նրա մտադրությունների մաքրության հարցում...

• Նույն տարիքի զգեստը. 30-ամյա Քենդալ Ջենները նվաճել է Վենետիկը իր ծննդյան տարվա զգեստով  

  Քենդալ Ջենները ապացուցել է, որ իսկապես մեծ նորաձևությունը երբեք չի հնանում: Նա իր Լիդոյում հայտնվելը վերածել է իսկական պատմական էքսկուրսիայի՝ կրելով իր ծննդյան տարեթվին նախագծված զգեստ...

Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի երգչի կյանքին ու գործունեությանը։ Այսօրվա նյութում մենք խոսում ենք շանսոնյեի անձնական կյանքի, նրա աշխույժ սիրավեպերի եւ արվեստագետի կյանքում կնոջ դերի մասին։

Շառլ Ազնավուրն ամուսնացած է եղել երեք անգամ։ Երաժշտի առաջին ամուսնությունը երգչուհի Միշելին Ռուգելի հետ էր․ այդ ժամանակ Շառլն ընդամենը 22 տարեկան էր։ Երաժիշտը 31 տարեկանում կրկին ամուսնացել է ֆրանսիացի երգչուհի Էվելին Պլեսիսի հետ։ 43 տարեկանում Ազնավուրն ամուսնացավ երրորդ անգամ, եւ այս անգամ նրա ընտրյալը շվեդ Ուլա Թորսելն էր։

Միշելին Ռյուգելը 16 տարեկան էր, երբ ամուսնացավ Ազնավուրի հետ եւ նվիրվեց ընտանիքին։ Ամուսնության ընթացքում զույգն ունեցել է դուստր՝ Սեդա-Պատրիսիային, ով գնացել է ծնողների հետքերով ու զբաղվել երաժշտությամբ՝ կատարելով ֆրանսերեն եւ հայերեն երգեր։ Առաջին ամուսնության վերջին տարիներին Ազնավուրն ունեցավ նաեւ որդի՝ Շառլ կրտսերին, ում մասին հստակ ոչինչ հայտնի չէ։

Ազնավուրն ու Էվելին Պլեսիսը ծանոթացել են ընդհանուր ընկերների շրջապատում, արագ սիրահարվել են ու պաշտոնապես հաստատել իրենց հարաբերությունները։ Շուտով, զբաղվածության պատճառով, շանսոնյեն սկսեց ավելի ու ավելի քիչ ուշադրություն դարձնել իր ընտանիքին, եւ ամուսնությունը խզվեց։ Պլեսիսի հետ ամուսնությունից Ազնավուրն ունեցել է որդի՝ Պատրիկին, ով մահացել է 25 տարեկանում՝ կախվածության պատճառով։ Ազնավուրը «L'aiguille» երգը նվիրել է որդու ողբերգական կորստին։ Էվելին Պլեսիի մասին, նույնպես, շատ քիչ բան է հայտնի։

Ազնավուրը 43 տարեկանում է ամուսնացել Ուլա Թորսելի հետ։ Նրանք միասին ապրել են մինչեւ 2018 թվականը՝ արտիստի մահը։ Ուլլայի հետ Ազնավուրն ունեցել է դուստր՝ Կատյային, որը հետագայում ժառանգել է հոր երաժշտական ​​տաղանդը եւ հաճախ հանդես եկել նրա համերգներին որպես բեք վոկալիստ: Զույգն ունեցել է նաեւ որդի՝ Միշան, ով զբաղվում է երաժշտությամբ, պոեզիայով եւ կինոյով։ Շուտով Ազնավուրը եւս մեկ որդի ունեցավ՝ Նիկոլյան, ով իրեն նվիրել է երաժշտական ​​ոլորտի բիզնեսին։

Ինքը՝ շանսոնյեն, հեգնանքով է խոսել ամուսնական կյանքի մասին. «Երեք անգամ եմ ամուսնացել։ Առաջին անգամ ես շատ երիտասարդ էի։ Երկրորդ անգամ ես բավականաչափ խելացի չէի, իսկ երրորդ անգամ ամուսնացա այլ՝ ավելի խիստ մշակույթի տեր կնոջ հետ։ Ես շատ բան սովորեցի։ Օրինակ՝ հանդուրժողականություն։ Ոչ, ես չեմ փոխվել, բայց ես ճիշտ ուղու վրա եմ»։

Ազնավուրին վերագրվում են բազմաթիվ չհաստատված կապեր տարբեր աշխարհահռչակ դերասանուհիների եւ երգչուհիների հետ։ Ամենաաղմկահարույցներից է Էդիթ Պիաֆի հետ սիրավեպը, որի մասին խոսակցությունները ծնվեցին այն բանից հետո, երբ նրանք հանդիպեցին փարիզյան կաբարեներից մեկում, մի քանի ժամ զրուցեցին, իսկ հետո Էդիթն Ազնավուրին առաջարկեց հյուրախաղեր կատարել Ամերիկայում։ Սիրավեպի պաշտոնական հաստատում չկա, սակայն աստղային զույգը ութ տարի շարունակ ակտիվորեն ջերմ հարաբերություններ է պահպանել։

Խոսակցություններ կան, որ Ազնավուրը բազմաթիվ երգեր է գրել Էդիտի համար, ինչպես նաեւ եղել է նրա իմպրեսարիոն, քարտուղարուհին եւ նույնիսկ վարորդը: Սակայն Ազնավուրը հերքել է երգչուհու հետ իր սիրավեպի մասին լուրերը եւ նշել, որ իր երգերը կանանց չի նվիրել. «Էդիտն ամենեւին էլ իմ կնոջ տեսակը չէ, ուստի հարաբերությունները բացառապես ընկերական են։ Մեզ մոտ այն էր, ինչ ֆրանսիացիներն անվանում են une amitié amoureuse, այսինքն՝ սիրառատ բարեկամություն։ Սա այն դեպքն է, երբ դուք քնքուշ եք միմյանց նկատմամբ, սիրում եք նույն բաները, կարող եք գրկել միմյանց եւ համբուրվել։ Բայց այդքանով ամեն ինչ սահմանափակվում է»:

Ազնավուրին վերագրվում են նաեւ սիրավեպեր՝ Լայզա Մինելլիի եւ Բրիջիթ Բարդոյի հետ։ Ազնավուրի սիրավեպը Մինելլիի հետ սկսվել է երգչուհու երկրորդ ամուսնության ավարտից անմիջապես հետո, սակայն զույգի ռոմանտիկ հարաբերությունները երկար չեն տեւել։ Ազնավուրը Բրիջիթ Բարդոյի հետ ամուր եւ երկար ընկերություն է ունեցել, որը շարունակվել է մինչեւ նրա կյանքի վերջը։

Կանանց հետ Ազնավուրի ռոմանտիկ հարաբերությունների շուրջ կան լեգենդներ, որոնք այլեւս հնարավոր չի լինի բացահայտել, բայց Շառլը, անկասկած, ուներ մի հմայք, որը գրավում էր շատ կանանց սրտեր:

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում