• Քանյե Ուեսթը Փարիզում ընթրիքի վրա ծախսել է ավելի քան 50 հազար դոլար

  Քանյե Ուեսթը ավելի քան 50 հազար դոլար է ծախսել Փարիզում ընկերների եւ գործընկերների հետ ընթրիքի վրա․․․

• Ջենիֆեր Լոուրենսը՝ «Կանայք» դետեկտիվ ֆիլմի գլխավոր դերում

  Ջենիֆեր Լոուրենսը կլինի «Իրական տնային տնտեսուհիների» ոգով նկարահանված «Կանայք» դետեկտիվ ֆիլմի գլխավոր հերոսուհին․․․

• Բեն Աֆլեքից բաժանվելու լուրերի ֆոնին Ջենիֆեր Լոպեսը «աղմկոտ» սելֆիներ է անում Իտալիայում՝ զբոսանավի վրա

  54-ամյա Ջենիֆեր Լոպեսին նկատել են Իտալիայի ափերի մոտ՝ շքեղ զբոսանավի վրա աղմկոտ սելֆիներ անելիս․․․

• Ատոմ Էգոյանը վերադառնում է «Ոսկե ծիրան»․փառատոնը կբացվի նրա նոր ֆիլմով

  Կանադահայ ռեժիսոր Ատոմ Էգոյանը վերադառնում է Երեւանի «Ոսկե ծիրան» միջազգային կինոփառատոն…

• Ռուս միլիարդատերը շքեղ երեկույթ է կազմակերպել իր ընկերուհու համար՝ հրավիրելով Քրիստինա Ագիլերային

  Ռուս միլիարդատեր Վլադիսլավ Դորոնինը՝ Aman շքեղ հանգստավայրերի գործադիր տնօրենը, Մարաքեշում իր ընկերուհու՝ մոդել Քրիստինա Ռոմանովայի ծննդյան 30-ամյակին շքեղ երեկույթ է կազմակերպել․․․

• Երիտասարդ փարիզցիներին անհանգստացնում է Բիանկա Սենսորիի պահվածքը

  Քանյե Ուեսթի կինը Ֆրանսիայի մայրաքաղաքում հայտնվել է բեժ երանգի ժապավեններից պատրաստված բաց հագուստով…

• Քիմ Քարդաշյանն ուշադրություն է գրավել հերթական էքստրավագանտ անսամբլով

  Քիմ Քարդաշյանն իր ընկերոջ՝ Քրիս Էփլթոնի հետ խնջույքի է գնացել հերթական էքստրավագանտ անսամբլով…

• «Օսկարը» դիտարկում է «Լավագույն դերասանի» եւ «Լավագույն դերասանուհու» անվանակարգերը փոխարինել «գենդերային չեզոք» անվանակարգով

  «Օսկար»-ը շուտով կարող է լուրջ եւ հակասական փոփոխություններ կրել, քանի որ Կինոարվեստի եւ գիտության ակադեմիան փորձում է փոխարինել «Լավագույն դերասան» եւ «Լավագույն դերասանուհի» անվանակարգերը՝ գենդերային չեզոք տարբերակով…

Նույնիսկ մի երկրում, որը հայտնի է իր շքեղ հարսանիքներով, Հնդկաստանի ամենահարուստ մարդու որդու՝ Անանտ Ամբանիի եւ Ռադհիկա Մերչանտի եռօրյա նախահարսանիքը Հնդկաստանում այս տարվա սկզբին հատուկ առիթ էր:

Շքեղ միջոցառումից ժամեր անց, որտեղ Ռիհաննան ելույթ ունեցավ, իսկ Մարկ Ցուկերբերգն ու Իվանկա Թրամփը շերվանիներ ու սարիֆաներ էին կրում, լուսանկարներն ու տեսանյութերը սկսեցին հեղեղել սոցիալական ցանցերը: Հնդկաստանի ամենահզոր գործարար ընտանիքի փողի, իշխանության եւ հարստության ցուցադրումը գրավել է քննադատների եւ հեռուստադիտողների ուշադրությունն ամբողջ աշխարհում, գրում է New York Times-ը։

Մարտի 1-ին միջազգային էլիտայի ավելի քան 1000 անդամներ մեկնել էին հնդկական Ջամնագար՝ նախահարսանեկան տոնակատարություններին մասնակցելու համար: Հյուրերին, որոնց թվում էին միլիարդատերեր եւ բոլիվուդյան գերաստղեր, առաջարկվել են այնպիսի ծառայություններ, ինչպիսիք են չարտերային թռիչքները, դիմահարդարները, լավագույն խոհարարները եւ շքեղ մեքենաները: Այդ առիթով կառուցվել է ապակե պալատ եւ տեղի է ունեցել լուսային շոու՝ բաղկացած ավելի քան 5000 դրոններից։

Լուրեր են պտտվում, որ զույգը պլանավորում է երկրորդ նախահարսանեկան տոնակատարությանը, որը կկայանա այս ամսվա վերջին՝ զբոսաշրջային նավի վրա:

Զույգի հարսանիքը տեղի կունենա հուլիսին, սակայն նրանց թիմը գաղտնի է պահում սեզոնի ամենաքննարկված միջոցառման մանրամասները: Ահա, թե ինչ է հայտնի:

Փեսացուն

Անանտ Ամբանին Reliance Industries մեգաընկերության նախագահ Մուկեշ Ամբանիի եւ Նիտա Ամբանիի որդին որդին է․ ընտանիքի կարողությունը, ըստ Forbes-ի, 115 միլիարդ դոլար է:

29-ամյա Ամբանին Մումբայում տեղակայված Reliance Industries-ում ղեկավարում է էներգետիկ բիզնեսը: Նա ունի երկու ավագ եղբայր եւ երկվորյակ քույրեր, որոնք նույնպես Reliance Industries-ի տնօրենների խորհրդում են: Նա Բրաունի համալսարանի շրջանավարտ է եւ հետաքրքրված է կենդանիների բարեկեցության եւ վերականգնման հարցերով: Նախահարսանեկան արարողությունը ներառում էր շրջայց Վանտարա՝ Ամբանիի կենդանիների ապաստան, որը գտնվում է Ջամնագարում: «Սա իմ ներդրումն էր հասարակության մեջ»,-տոնակատարությունների ժամանակ իր ելույթում նշել է նա ։

Հարսնացուն

Ռադհիկա Մերչանտը Վիրեն եւ Շեյլա Մերչանտների դուստրն է: Մերչանտը Encore Healthcare-ի գործադիր տնօրենն ու փոխնախագահն է, որի կենտրոնակայանը նույնպես գտնվում է Մումբայում:

29-ամյա Ռադհիկան ընտանեկան առողջապահական ընկերության տնօրենն է: Ավարտել է Նյու Յորքի համալսարանը։

Սիրո պատմությունը

Մերչանտը Vogue-ին պատմել է, որ Ամբանիի հետ ծանոթացել է ընդհանուր ընկերների միջոցով՝ 2017 թվականին ուղեւորության ժամանակ: «Այդ առաջին հանդիպումը մեր միջեւ յուրահատուկ բան առաջացրեց, եւ մենք շուտով սկսեցինք հանդիպել»,-ասաց նա:

2023 թվականին Ամբանին առաջարկություն արեց Հնդկաստանի հյուսիսարեւմտյան Ռաջաստան նահանգի Շրինաթջի տաճարում:

«Ես 100 տոկոսով բախտավոր եմ, դրանում կասկած չկա»,-ասել է Ամբանին: «Կարծես երեկ հանդիպած լինեմ Ռադհիկայի հետ, բայց ամեն օր ավելի ու ավելի եմ սիրահարվում նրան: Ես կասեի, որ երբ տեսնում եմ Ռադհիկային, իմ սրտում երկրաշարժեր ու ցունամիներ են լինում»։

Հարսանիքի ամսաթիվը

Հարսանիքը պետք է տեղի ունենա հուլիսի 10-ից 12-ը։ Ամսաթվերը որոշվել են հինդուական ավանդույթներով՝ հիմնված զույգի ծննդյան գծապատկերների վրա:

Հնդկական հարսանիքները, սովորաբար, ներառում են մի քանի միջոցառումներ, այդ թվում՝ հալդի, արարողություն, որի ժամանակ հարսնացուի եւ փեսացուի մարմնին քսում են քրքումի մածուկ։

Տեղը

Հարսանեկան տոնակատարությունը տեղի կունենա Մումբայում, որտեղ ապրում է զույգը։ Միջոցառումները կանցնեն Ամբանիի ընտանիքի տանը՝ Անթիլիայում եւ Jio World Convention Centre-ում, որը հայտնի հարսանյաց վայր է Մումբայում: Ընդունելությունները կանցկացվեն ավելի մեծ դահլիճում, իսկ նեղ արարողությունները՝ տանը։

Նախահարսանեկան արարողություններ

Արարողություններից մեկն իր ելույթներով թեժացրել է Ռիհաննան։ Բիլ Գեյթսը, Մարկ Ցուկերբերգը, Կանադայի, Շվեդիայի եւ Կատարի ներկայիս եւ նախկին վարչապետները, Բութանի թագավորն ու թագուհին, ինչպես նաեւ Բոլիվուդի ամենամեծ աստղերը, ինչպիսիք են Դիպիկա Պադուկոնը, Շահ Ռուխ Խանը եւ Ամիթաբ Բաչչանը մարտի սկզբին մասնակցել են նախահարսանեկան տոնակատարություններին։ 

Տոնակատարությունը վերածվել է նորաձեւության շոուի Versace-ի, Dolce & Gabbana-ի եւ Manish Malhotra-ի հատուկ հանդերձանքներով: Կենդանիների ապաստարան այցելելու համար հյուրերին նախապես ուղարկվել է 10 էջանոց «դրես-կոդ»:

Հետևեք NEWS.am STYLE-ին Facebook-ում, Twitter-ում և Instagram-ում