• Բելլա Հադիդը Saint Laurent-ի նոր դեմքն է դարձել

  Բելլա Հադիդը դարձել է Saint Laurent-ի նոր դեմքը…

• Սոսո Պավլիաշվիլի. Հայաստանը եղբայր է, հուսալի, սիրելի եղբայր

  Հայաստանը եղբայր է, հուսալի, սիրելի եղբայր, հայտնել է Սոսո Պավլիաշվիլին Երեւանի «Զվարթնոց» միջազգային օդանավակայան ժամանելուն պես...

• Նիկոլ Շերզինգերը խոստովանել է, որ ժամանակն իր դեմ է աշխատում

  Նիկոլ Շերզինգերը խոստովանել է, որ ժամանակն իր դեմ է աշխատում՝ նշելով, որ ցանկանում է երեխա ունենալ իր փեսացուից՝ Թոմ Էվանսից…

• Քլոե Քարդաշյանն իր 40-ամյակի առթիվ 100-ից ավելի ծաղկեփնջեր է ստացել

  Քլոե Քարդաշյանին իր 40-ամյակի առթիվ ծաղիկներով են հեղեղել…

• 5 փաստ ռեփեր Tyga-ի մասին, որը հուլիսի 28-ին ելույթ է ունենալու Երեւանում

  Ամերիկացի ռեփեր Tyga-ին հայ երկրպագուները շուտով հնարավորություն կունենան տեսնել Երեւանում։ Արտիստը հուլիսի 28-ին ելույթ կունենա Seven Visions, The Dvin's Music Hall-ում․․․

• Ֆրեդի Մերկուրիի «կինն» ավելի քան 187,5 միլիոն ֆունտ կվաստակի Queen-ի կատալոգի վաճառքից հետո

  Ֆրեդի Մերկուրիի «կինը» մի քանի միլիոն ֆունտ ստերլինգի անսպասելի եկամուտ կստանա Queen-ի կատալոգի ռեկորդային՝ 1 միլիարդ ֆունտ ստերլինգով վաճառքից հետո…

• Համացանցում տարածվել է Ասիայի ամենահարուստ մարդու որդու հարսանիքի արտասովոր հրավիրատոմսը

  Համացանցում տարածվել է Ասիայի ամենահարուստ մարդու՝ Մուկեշ Ամբանիի որդու՝ Անանտի եւ նրա հարսնացու Ռադհիկա Մերչանտի հարսանյաց հրավերը․․․

• Քլոե Քարդաշյանը 40 տարեկան դարձավ

  Քլոե Քարդաշյանը դարձավ 40 տարեկան. Նրա մայրը՝ Քրիս Ջեները, հուզիչ կերպով շնորհավորել է դստեր ծննդյան տարեդարձը...

LVMH կոնգլոմերատի գլխավոր տնօրեն Բեռնար Առնոն մի անգամ ասել է. «Քանի դեռ չեմ դարձել աշխարհի ամենահարուստ մարդը, իսկապես երջանիկ լինել չեմ կարող»։ Ի ուրախություն Առնոյի՝ 200 մլրդ դոլար սեփական կաիպտալը նրան թույլ է տվել հաճախ վայելել այդ տիտղոսը՝ այն կիսելով Իլոն Մասկի եւ Ջեֆ Բեզոսի հետ։ Առնոն ասում է, որ հենց ամենօրյա ուրախություններն են գոտեպնդում նրան երկարատեւ աշխատանքային օրերի ընթացքում, որոնք հաճախ տեւում են առավոտվա 8-ից մինչեւ երեկոյան 8.30-ը։

«Ամեն առավոտ ես երջանիկ եմ զգում այստեղ գալով»,- ասել է Առնոն Bloomberg-ի հետ հարցազրույցում։

75-ամյա գլխավոր տնօրենը հաճախ օրն սկսում է դասական երաժշտությամբ, իսկ շաբաթ առավոտն անցկացնում է սեփական խանութներում՝ Louis Vuitton-ից մինչեւ Dior, ստուգելով պաշարներն ու պակասները, հետո տեղեկությունը փոխանցում է իր ղեկավարող կազմին։ Նա 20 րոպեանոց ընդմիջումներ է կատարում Փարիզի իր գրասենյակում, որպեսզի  նվագի Yamaha դաշնամուրով, իսկ հազվադեպ ազատ ժամերը անցկացնում է թենիս խաղալով այնպիսի մրցակիցների հետ, ինչպիսին է նրա բարեկամ ու լեգենդ Ռոջեր Ֆեդերերը։

«Նա աշխատում է օրը 24 ժամ»,- Forbes-ին հոր մասին պատմել է Դելֆին Առնոն՝ նրա ավագ դուստրը եւ Dior-ի գլխավոր տնօրենը։ «Երբ նա քնած է, նոր գաղափարներ է տեսնում երազում»։

Նրա բծախնդրությունն ու աշխատասիրությունը թույլ են տվել Առնոյին կառավարել շքեղ արտադրանքի աշխարհի ամենամեծ կոնգլոմերատը։ Առնոյի համար դա մեծ հաջողություն էր այն ժամանակներից, երբ սկսեց գլխավորել LVMH-ը (1989թ.)` ծախսելով 2,6 մլրդ դոլար ընկերության արժեթղթերի վրա, որպեսզի դառնա dրա ամենախոշոր բաժնետերը։

Եվ Առնոն դանդաղելու որեւէ ակնարկ չի անում։ Բացի Մայամիում, Նյու Յորքում եւ Փարիզում անշարժ գույք կլանելուց՝ իր դիրքերն այն շրջաններում պահելու համար, որտեղ սպառողներն ամենից շատ են ծախսում ճոխության առարկաների վրա, LVMH-ը այս շաբաթ հայտարարել է, որ գնում է 100-ամյա Chez l’Ami Louis ֆրանսիական բիստրոն։ Այս ամսվա սկզբին Orient Express շքեղ գնացքների արտադրության գծով LVMH ներդրումներից բացի՝ սա ակնհայտ ազդանշան է այն մասին, որ LVMH-ն ձգտում է ընդլայնել իր ներկայությունը շքեղ հագուստի եւ աքսեսուարների սահմաններից դուրս։

Բայց գլխավոր տնօրենի որոշ բիզնես-լուծումներ զուրկ չեն հակասություններից։ Hermès ընտանիքը նրան անվանել է «գայլ քիշմիրով»՝ կլանման եւ ծախսերի կրճատման միջոցներին ագրեսիվ մոտեցման պատճառով։

Առնոն խոստովանել է, որ երբ ավելի մեծանա, ստիպված կլինի թուլացնել վերահսկողությունն իր կայսրության հանդեպ, թեեւ դեռ դրան պատրաստ չէ։ Նրա հինգ երեխաներն արդեն ֆուրոր են առաջացրել որպես ընկերության ղեկավարներ, այդ թվում չորսը զբաղեցրել են պաշտոններ տնօրեների խորհրդում։

Թեեւ Առնոն իր երեխաների վրա մեծ պարտականություններ է դնում, նա Bloomberg-ին ասել է, որ նախատեսում է սպասել առնվազն մինչեւ 2030թ-ը, որպեսզի հանձնի էստաֆետը։ «Եկեք տեսնենք՝ կկարողանա՞ արդյոք որեւէ մեկը նրանցից իր վրա վերցնել կառավարումը»,- ասել է նա։

Հետևեք NEWS.am STYLE-ին Facebook-ում, Twitter-ում և Instagram-ում