• Խաչիկը պատրաստվում է ամենաքաղցր տոնին․ Գաթայի փառատոնը 10 տարեկան է

  Սեպտեմբերի 19-ին Վայոց ձորի Խաչիկ բնակավայրը կրկին կդառնա գաթայի, ազգային երգ ու պարի, արհեստների ու գյուղական բարիքների տոնական կենտրոն…

• Երևանում կանցկացվի «Անցյալի ապագա» միջազգային էթնո-նորաձևության փառատոնը

  «Անցյալի ապագա» միջազգային մշակութային փառատոնի հյուրերն արդեն ժամանում են Հայաստան...

• «Ես պետք է այստեղ բնակարան գնեմ». «Եվրատեսիլ 2026»-ի հաղթող DARA-ն Coca-Cola Fest 2026-ի բեմից պատմել է Հայաստանից ստացած իր տպավորությունների մասին

  «Եվրատեսիլ 2026»-ի հաղթող բուլղարացի փոփ երգչուհի DARA-ն (Դարինա Յոտովա) դարձավ Coca-Cola Fest 2026-ի գլխավոր միջազգային աստղերից մեկը Հայաստանում…

• «ԹԷԱՏՐՈՆ» փառատոնի շրջանակում Երևանում կցուցադրվի «Ֆոլիա» ներկայացումը

  Սեպտեմբերի 14-ից 28-ը, Երևանի քաղաքապետարանի գլխավոր հովանավորությամբ, ՀՀ արտաքին գործերի նախարարության և ՀՀ էկոնոմիկայի նախարարության Զբոսաշրջության կոմիտեի աջակցությամբ, Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը․․․

• «ԹԷԱՏՐՈՆ» փառատոնի շրջանակում Երևանում կներկայացվի բելգիական «Չայկա» թատերախմբի «Լոկո» խամաճիկային ներկայացումը

  Սեպտեմբերի 24-ին, ժամը՝ 19:30-ին, «ԹԷԱՏՐՈՆ» կատարողական արվեստների միջազգային ֆրանկոֆոն փառատոնի շրջանակում Սոս Սարգսյանի անվան Համազգային թատրոնում կներկայացվի բելգիական «Չայկա» թատերախմբի «Լոկո» խամաճիկային ներկայացումը...

• Հայաստանում կանցկացվի «ԹԷԱՏՐՈՆ» կատարողական արվեստի միջազգային ֆրանկոֆոն փառատոնը

  2026 թվականի սեպտեմբերի 14–28-ը Երևանի քաղաքապետարանի գլխավոր հովանավորությամբ Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը...

• «Սեքսի գմբեթը» վերակենդանացել է մոխրից. Burning Man-ում վերաբացվել է մեծահասակների համար նախատեսված սկանդալային վայրը՝ 15,000 պահպանակի պաշարով  

  Հայտնի մեծահասակների վրանը՝ Orgy Dome-ը, հաղթական վերադարձ է կատարել Burning Man փառատոն, անցյալ տարի փոթորկի պատճառով բառացիորեն ջնջվելուց հետո...

• Մեղրիում կանցկացվի աննախադեպ «ՏԱՐԱԶֆեստ»

  ՀՀ Կրթության, գիտության, մշակույթի և սպորտի նախարարության (ԿԳՄՍՆ) և ԱՊՀ մասնակից պետությունների հումանիտար համագործակցության միջպետական հիմնադրամի (ՄՀՄՀ / МФГС) աջակցությամբ, «Տերյան մշակութային կենտրոն» հասարակական կազմակերպության նախաձեռնությամբ սեպտեմբերի 3–8-ը Սյունիքի մարզի Մեղրի քաղաքում տեղի կունենա «ՏԱՐԱԶֆեստ - Մեղրի 2026» ավանդական տարազի և արհեստների միջազգային փառատոնը...

Հայկական ծագում ունեցող աշխարհահռչակ կոմպոզիտոր Քշիշտոֆ Պենդերեցկին մտադիր է Հայոց Ցեղասպանության 100-րդ տարելիցի կապակցությամբ երգչախմբի համար ստեղծագործություն գրել: Այս մասին կոմպոզիտորը հայտնեց այսօր՝ հունվարի 13-ին կայացած ասուլիսի ժամանակ, որը նվիրված էր «Երեւանյան հեռանկարներ» միջազգային երաժշտական փառատոնի 15-րդ համերգաշրջանի բացման շրջանակում Պենդերեցկու 80-ամյակին նվիրված համերգաշարին: Այն տեղի է ունենալու հունվարի 13-16-ը:

«Այժմ պատրաստվում եմ երգչախմբի համար հայկական սաղմոսների տեքստի հիման վրա ստեղծագործություն գրել, որը նվիրված կլինի Հայոց Ցեղասպանության զոհերին»,- ասաց կոմպոզիտորը՝ հավելելով, որ նախկինում արդեն գրել է հայկական թեմայով ստեղծագործություն:  

Կոմպոզիտորի խոսքով, երրորդ անգամ է այցելում Հայաստան եւ չափազանց ոգեշնչված է երկրում ավանդույթ դարձած իր Օրերի անցկացման կապակցությամբ:

«Սա իմ երրորդ այցն է Հայաստան: Շատ լավ հիշում եմ բոլոր փառատոնները եւ իմ երաժշտության՝ բարձրագույն պրոֆեսիոնալիզմով տարբերվող կատարումները: Հուսով եմ, որ շարունակական բնույթ կկրի»,- ասաց Պենդերեցկին:

Նա նաեւ իր հիացմունքը հայտնեց հայ երաժիշտներով՝ հատկապես առանձնացնելով «Հովեր» հայկական երգչախմբի կատարողական բացառիկ վարպետությունը: Իր հերթին կոմպոզիտորի կինը՝ «Լյուդվիգ Վան Բեթհովեն» հիմնադրամի նախագահ Էլժբիետա Պենդերեցկին, բարձր գնահատեց նաեւ Հայաստանի Երիտասարդական եւ Ֆիլհարմոնիկ նվագախմբերը, որոնք մշտապես տարբերվել են մաեստրոյի ստեղծագործությունների կատարման բարձր որակով:

Կոմպոզիտորը հայ լրագրողներին պատմեց նաեւ իր հայկական ծագման մասին: Նրա խոսքով, իր տատիկն Իրանից Լեհաստան տեղափոխված հայուհի էր, եւ նրանք միասին այցելում էին Կրակովում գտնվող հայկական եկեղեցի:

Տիկին Էլժբիետան էլ հայտնեց, որ իրենք շատ կապված են Լեհաստանի հայ համայնքի հետ, իսկ իրենց դուստրը հայկական աչքեր ունի, ինչը, անշուշտ, կփոխանցվի սերնդե սերունդ: Ժամանակակից աշխարհահռչակ լեհ կոմպոզիտոր Քշիշտոֆ Պենդերեցկին ծնվել է փաստաբանի ընտանիքում՝ 1933 թվականի նոյեմբերի 23-ին, Դեմբիցա քաղաքում: Հայտնի է, որ կոմպոզիտորի նախնիները եղել են ազգությամբ լեհ, գերմանացի, ուկրաինացի եւ հայ:

Պենդերեցկին դեռեւս մանուկ տարիքից սկսել է ջութակ եւ դաշնամուր նվագել: 1955թ. տեղափոխվել է Կրակով՝ երաժշտական կրթություն ստանալու նպատակով: Որպես կոմպոզիտոր առաջին անգամ հաջողություն է ունեցել 1959 թվականին՝ Լեհ կոմպոզիտորների միության կողմից կազմակերպված Կոմպոզիտորների համալեհական մրցույթին, որի ժամանակ Պենդերեցկին ներկայացրել է իր ստեղծագործություններից մի քանիսը: Կոմպոզիտորի ստեղծագործ ուղին տարբերվում է բազմազանությամբ, բարձր պրոֆեսիոնալիզմով եւ, միաժամանակ, այն մատչելի է նաեւ մեծ լսարանի համար: Նրա ստեղծագործությունների ցանկում կան օպերաներ, սիմֆոնիաներ, կամերային եւ լարային նվագախմբերի համար ստեղծագործություններ, ջազային եւ նույնիսկ էլեկտրոնային երաժշտություն:

«Երեւանյան հեռանկարներ» միջազգային երաժշտական փառատոնը հայտնի է որպես Հայաստանում տեղի ունեցող վառ երաժշտական իրադարձություն: Դրա շրջանակում Հայաստանի մայրաքաղաքում ելույթ են ունեցել աշխարհահռչակ այնպիսի երաժիշտներ ու կոլեկտիվներ, ինչպիսիք են The King’s Singers-ը, Լոնդոնի սիմֆոնիկ նվագախումբը, Դմիտրի Խվորոստովսկին, Ալեքսեյ Լյուբիմովը, Գորան Բրեգովիչը, Ջո Կոկերը, Պլասիդո Դոմինգոն եւ այլք: Փառատոնը անցկացվում է երկրի նախագահ՝ Սերժ Սարգսյանի բարձր հովանու ներքո: 

Տեքստը՝ Լիլիթ Պետրոսյանի

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում